ماهيه الوظائف التي تنتظر خريجه ادب انجليزي
 

السلام عليكم ورحمه الله وبركاته
الله يوفقنا وياكم لما يحبه ويرضاه
ليت احد عنده خبر اكيد عن الوظائف اللي تنتظر خريجه ادب انجليزي عن بعد مافيها اختلاط مع الرجال
:004::004::004:

رد: ماهيه الوظائف التي تنتظر خريجه ادب انجليزي
 

:Cry111:

رد: ماهيه الوظائف التي تنتظر خريجه ادب انجليزي
 

العالم إجازة اللحين وساحب ع الملتقى هههههههههه

اصبري لين يبدا تسجيل المقررات

رد: ماهيه الوظائف التي تنتظر خريجه ادب انجليزي
 

وعليكم السلام ورحمة الله وبركاته

يوفق الجميع بأذنه تعالى

بمدارس الهيئه الملكيه بالجبيل وينبع زميل لي تخرج الترم اللي فات وقدم على الهيئه الملكيه وقبلوه بشرط يدرس ترم تربوي وهو الآن يدرس بعد البكالوريوس ترم تربوي بجامعة الامام.
ويقول مطلوبين معلمين ومعلمات بجميع التخصصات لكن شروطهم ترم تربوي.
هو تخصصه انجليزي متخرج من جامعة الملك فيصل.
عموماً الهيئه الملكيه بالجبيل وينبع بصراحه الكل يتمناها لأن عندهم الرواتب مغريه جداً والكثير من البدلات.

بالتوفيق.

رد: ماهيه الوظائف التي تنتظر خريجه ادب انجليزي
 

شهادته انتساب تعليم عن بعد

رد: ماهيه الوظائف التي تنتظر خريجه ادب انجليزي
 

:mh12:
نعم شهاده تعليم عن بعد

رد: ماهيه الوظائف التي تنتظر خريجه ادب انجليزي
 

الله يبارك فيك اخي ترحيب طمنتني الله يطمن قلبك فكرت انسحب من الجامعه من كثر التحطيم بحكم انه مافيه وظائف غير وظائف اختلاط وانا وصلت لمرحله متقدمه من المستويات لكن سؤال اذا سمحت لي فيه ترم تربوي عن بعد وكم الرسوم ومدته شااااكره لك ردك الرائع

رد: ماهيه الوظائف التي تنتظر خريجه ادب انجليزي
 

عزيزتي تقدرين تعملين في مجال ( التدريس ) في المدارس الأهلية - المعاهد

تقدمين في مجال البنوك فيها اقسام نسائية مستقلة

الوظائف الإدارية ( الحكومية )

الترجمة في وزارة الخارجية

فيه شركات فيها اقسام نسائية منفصله إذا كان عادي عندك تشتغلين في مجال شركات

وفيه مجالات متعدده أهم شئ تتكلين على ربك وتعملين بالاسباب ولو بتسمعين لكلام الناس بتتعبييييييييين

كملي دراستك ع خير وإن شاء الله ربي يكتب لك اللي فيه الخير ،،

بالتوفيق .

رد: ماهيه الوظائف التي تنتظر خريجه ادب انجليزي
 

الله يبارك بالجميع

انا ذكرت ترم تربوي اسف مو ترم تربوي هو دبلوم تربوي لمدة سنه فقط.
ثاني شيء ذكرت انه بجامعة الامام انا تأكدت منه وكلمته قال فعلاً انا ذكرت لك اني بجامعة الامام وجامعة الامام طلبت مني مبلغ 10000 ريال. وبعد ماتخرج يعيدون لي المبلغ اذا دفعت لك الوزاره. بالعاده تدفع الوزاره لهم. عموماً هو اتجه لجامعة المجمعه وسجل فيها دبلوم تربوي لمدة سنه بالمجان. ولها فرع بالرياض وهو يدرس حالياً يتخرج الترم القادم. سألته كيف الدراسه هل هي عن بعد ام لا قال لايوجد دراسه عن بعد خصوصاً بالدبلوم التربوي. ثلاثة ايام في الاسبوع من الاحد الى الثلاثاء الدراسه في الفتره المسائيه.

على فكره المدارس الاهليه تقبل انتساب ولاتشترط دبلوم تربوي.
انا لي اخ يدرّس في مدرسه آهليه وسألته قلت انا باقي لي ترم واتخرج هل المدارس الأهليه تقبل انتساب قال بالتأكيد تقبلك من دون دبلوم تربوي.

بالتوفيق للجميع.

رد: ماهيه الوظائف التي تنتظر خريجه ادب انجليزي
 

كل الشكر لك اخوي ترحيب الله يجزاك الجنه