|
تقديم طلب معادلة مقررات
السلااااام عليكم
المهم مبرووك خلصنا من الاختبارات :d5::d5: الحين عاد ما بنشوووف غباركم هنا :53::53::53: المهم شلون اقد طلب معادلة مقررات يبدأ التقديم من بكره و ينتهي 20/3/1436 الايقونه ما فتحت عندي ؟؟ |
رد: تقديم طلب معادلة مقررات
ايش هي المواد اللي بتعادلينها
وهل هي من نفس الجامعه ولا من برا |
رد: تقديم طلب معادلة مقررات
كيف طريقة معادلة المواد يليت الطريقة اذا تكرمتوا
|
رد: تقديم طلب معادلة مقررات
الجامعه تعادلك على طول
|
رد: تقديم طلب معادلة مقررات
سبق وانا عادلت 10 ساعات
وطريقة المعادلة انتظر وقت المعادلة اللي الجامعة مقررته في التقويم الدراسي بعدها بتفتح الايقونه ارفق الشهادة الدراسية اللي حصلت عليها مع الكشف حق المواد وحق الدرجات بعدها تختار المواد اللي تبي تعادلها وكلن حسب اختصاصه لكن بشكل عام اطلب معادلة الانقليزي و مهارات اتصال و حاسب الي واي مادة دينيه ( حسب احصائيه سويتها هذي اكثر المواد اللي عادلوها فحرص تطلب معادلتها ) واي مادة تشوفها درستها اطلب معادلتها كيف تعرف المواد رح لجدول مستوى ثاني وثالث ورابع وشيك واي مادة تشوف انك درستها او شبيه لدراستها طالب بمعادلتها طبعا نصيحة اخيره *-حاول تعادل اكبر عدد ممكن لكن بالشي المعقول( لان الجماعة كحد اقصى تعطيك 15 ساعه) انا عادلوا لي 10 ساعات وكنت استحق اكثر *- المواد اللي تطلب معادلتها لاتنزلها في جدولك الترم الجاي لان احيان دراسة طلب المعادلة يطول فالخوف والمصيبه تصير هنا تطلب معادلة مادة والربع طولوا بالرد وبعدين تنزلها في جدولك وتدفع فلوس وتدرسها وبعدين تلقاهم معادلينها لك الا اذا انتهت المعادلة وعرفت وش صار على طلبك ذاك الوقت خذ اللي تبي انا اذكر لما طلب معادلة طولوا مره علي بالرد ورحت لمواد مستوى ثالث واخذتها وتركت مواد مستوى ثاني لان اكثر مواد طالبت معادلتها بالتوفيق لكم ببداية مشواركم :rose: واي استفسار اسالوا |
رد: تقديم طلب معادلة مقررات
اخ فهد انا عندي دبلوم ادارة مستشفيات من معهد الاداره شهادتي مترجمه
حابه اعرف الشهاده ارسلها لها و لا تنرفع من الموقع ؟؟ |
رد: تقديم طلب معادلة مقررات
اقتباس:
كل شي ترفعينه للموقع ترفعين الشهادة والكشف حق المواد اللي يجي مع الشهادة وفي شروط مدري تغيرت او لا انو المادة لازم تاخذين فيها اقل تقدير جيد مرتفع عشان تعادليها لكن ممكن تغيرت وقت رفع المعادلة بتوضح معك كل الامور شهادة مستشفيات اتوقع يعادلون لك انقلش وطلب مواد دين ورياضات اذا عطوكم رياضيات وكذلك حاسب الي |
رد: تقديم طلب معادلة مقررات
مشكووور اخ فهد
انا اخذت انقلش سنه تحظيريه بس مو مسجل بالشهاده ): اخذت سلوك تنظيمي ..احصاء ..اداره ..اخلاقيات ..جوده بس كلا المواد مرتبطه بالمستشفيات يعني مثلا اسم الماده ادارة الجوده بالمستشفيات .. الاداره الصحيه تتوقع يعادلون اللي كذا !! |
رد: تقديم طلب معادلة مقررات
طيب بعد مادخلت على الموقع ماحصلت الا 8 خانات للمواد اللي تبي تعادلها هل هذا يعني الحد الاقصى فقط 8 مواد ولاكيف ؟
|
رد: تقديم طلب معادلة مقررات
مافهمة شي ياجماعه وش نعادل
ترانا مستوى اول الي فاهم يوضح لي وشكرا وش فايدتها |
| All times are GMT +3. الوقت الآن حسب توقيت السعودية: 12:49 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه