![]() |
شرح متواضع للحكومة الالكترونية..
صباح الفل والياسمين
راح اشرح لكم المحاضرة اللي خايفين منها شرح مبسط وع اجزاء متفرقة... كل جزء لحاله.. ع شكل ردود ارجو عدم الرد لين اكملها لكم... انتم ذاكروا اللي تشوفونه.. 1 نبدأ في الجزء الاول مفهوم الحكومة الالكترونية لازم تفهم النقطة هذي عشان تدخل في صلب الحكومة الالكترونية... تعريفها: هي قدرة الحكومات على توفير الخدمة الالكترونية وانجاز المعاملات عن طريق الانترنت يعني في السعودية مثلا .. الحكومة ماقصرت بالمجال هذا... اذا بغيت مثلا تفتح سجل تجاري من وزارة العمل... مايحتاج تروح للوزارة وتراجعهم لين يغثونك وتغثهم.... ادخل موقع الوزارة واطلب فتح سجل وخلال نص ساعة سجلك جاهز.. يعني الحكومة السعودية قادرة وقدرت ع توفير الخدمة الالكترونية.... هذا الجزء الاول.... مفهوم الحكومة الالكترونية اعتقد واضح... افهموا قبل الحفظ... شويات واشرح الجزء الثاني |
رد: شرح متواضع للحكومة الالكترونية..
وزارة العمل رخصة العمل ونقل الكفالات وتعديل المهن طبعا هذا للشركات والمؤسسات
السجل التجاري وزارة التجارة المواعيد في الاحوال المدينه خدمات ابشر ننتظر |
رد: شرح متواضع للحكومة الالكترونية..
٢
مراحل الحكومة الالكترونية اول مرحلة الاعلان: كيف يعني وزارة العمل تعلن ان موقعها الالكتروني هو www الخ... عزيري المواطن بامكانك اجراء معاملاتك عبر الدخول لهذا الرابط.. ويكون الاعلان مثلا لوحة بمكان مشهور او صحيفة او قناة فضائية... المرحلة الثانية: مرحلة التبادل.. بين الجمهور اللي هم المواطنين وبين الادارة الحكومية اللي قلنا انها وزارة العمل كمثال الجمهور يدخل موقع الوزارة ويلقى ايقونة يكتب فيها كتابة او مقطع صوت.. نحن نحتاج الى الخدمة الفلانية وهكذا... والوزارة تلبي الاحتياجات التي يريدها المواطن وتذلل كل الصعوبات... المرحلة الثالثة: التوصيل. يعني راكان يبي يفتح سجل تجاري يدخل ع الموقع ويطلب السجل .. والوزارة ملزمة توصل السجل لصاحبه ع عنوان البريد حقه... بس واضحه الفكرة... المرحلة الرابعة: التنفيذ الوزارة بعد ماتعلن عن موقعها الالكتروني وتشوف وش يبي المواطن من خدمات..... خلاص هنا يبدا التنفيذ يعني يبدا العمل باستقبال المواطن عن طريق موقع الوزارة.... |
رد: شرح متواضع للحكومة الالكترونية..
احسنت دمي جنوبي
|
رد: شرح متواضع للحكومة الالكترونية..
احتمال اتاخر شوي عليكم.. بس برجع ان شاء الله
|
رد: شرح متواضع للحكومة الالكترونية..
نجي للجزء الثالث..
استراتيجية الحكومة الالكترونية: اولا: النموذج المركزي... والشرح لهالنقطة وزارة العمل اذا تبي تطبق الحكومة الالكترونية تحتاج الى موقع ع الانترنت وتحتاج الى شركة متخصصة في تقنية المعلومات.. عشان تعمل الموقع وتحط فيه النماذج الالكترونية والتشغيلية وبرامج كثيرة .. تشغيلية وحماية ايضا للموقع يعني وزارة العمل تتعاقد مع شركة متخصصة توفر لها المطلوب بالموقع... هذا اسمه النموذج المركزي... النقطة الثانية: النموذج اللامركزي والشرح: يعني الدائرة الحكومية تقسم العمل الالكتروني... الرخص مثلا لقسم الرخص... السجل لقسم السجل... وكل قسم له ايقونة لحاله... وبذلك المواطن لايحتاج الى الانتقال الى الوزارة ليخلص معاملاته ويدور بين المكاتب.... لا... خلاص الكترونيا كل شي جاهز والعمل لامركزي وكل قسم لحاله... وهكذا انتهينا من الجزء الثالث.. |
رد: شرح متواضع للحكومة الالكترونية..
الجزء الرابع: متطلبات تحقيق الحكومة الالكترونية
١- استراتيجيات وخطط التأسيس يعني الوزارة او الدائرة الحكومية تضع استراتيجية للعمل الالكتروني.. خطة واضحة لهذه الحوكمة الالكترونية.. من خلال تأسيس موقع قوي جدا وغير قابل للاختراق.. ٢- البنية التحتية للحكومة الالكترونية: موقع الوزارة يكون له موقع بديل في حال حدوث اي طارئ.. قوة الاتصال وحفظ البيانات والارشفة في موقع الادارة الحكومية.. ٣- امن المعلومات: يعني معلوماتك تكون بشكل سري مايطلع عليها اي احد.. حتى الموظفين بالادارة... فقط يطلع عليها المدير العام وهو المسؤل عن امن معلومات المواطن.. بحيث لاتكون متداولة للغير.. ٤- تطوير التنظيم الاداري والمعاملات والخدمات الالكترونية: اي شي تسويه ف البداية يحتاج الى تطوير.. مثلا الجوازات اول مافتحت الخدمة الالكترونية ماعندهم الا ايقونة خاصة للخروج النهائي.. بعد فترة طوروا العمل وصارت اشياء وخدمات كثيرة بالموقع.. تجديد/ استخراج/ نقل/ الخ... يعني فيه تطوير بالخدمات... واخر فقرة: التوعية والتعليم: يعني الجوازات تكثف حملاتها التثقيفية والتعليمية من خلال الاعلانات عبر شاشات التلفزة.. عزيزي المواطن الان بامكانك الدخول الى خدمات ابشر... الخ... ان شاء الله واضحة لكم |
رد: شرح متواضع للحكومة الالكترونية..
:(204)::(204)::(204)::(204)::(204)::(204):
|
رد: شرح متواضع للحكومة الالكترونية..
نجي للتطورات التي مهدت الطريق للحكومة الالكترونية: يعني وش اللي شجع الدولة لأن تقوم بتفعيل الحكومة الالكترونية...
١- التقدم الكبير في مجال الحاسب الالي وخدماته: الحمدلله كل شي متاح والتقنية في تطور مذهل وسريع ٢-التقدم الكبير في شبكة الاتصالات وخدمات الانترنت: تذكرون اول مافي اتصال بالنت الا عن طريق سلك تشبكة بالكمبيوتر من تلفون ارضي وياليل او لمبه هههه كل شوي ينقطع الاتصال.... الحين وييييييين... الاتصالات تطورت والمودم والسرعة وحركات كثيرة بالمجال هذا.. ٣- الاتجاه نحو الخصخصة: خلاص ياخي ملينا من الروتين والدجة.. الواحد يبي يرفق ولده مايدري وش المطلوب.. هات ملف اكتب معروض ومدري ايش... خلاص دخلنا مرحلة التخصص وصارت مواقع اكترونية تقدم الخدمة للمواطن وهو مرتاح.. وتم تخصيص هذا الموقع للشركة الفلانية المعروفة بمجال التكنلوجيا وهي تقوم بضبط الموقع وتطويره والحفاظ على معلوماته.. ٤- انتشار الثقافة الالكترونية: مافي احد مايعرف الانترنت صغير وكبير... النت انتشر بشكل كبير بين افراد المجتمع.. حتى امي تدخل حافز وتحدث لحاله هههههه انتهينا من الجزء الرابع |
رد: شرح متواضع للحكومة الالكترونية..
الجزء الخامس: وهذا سهل جدا
اهداف الحكومة الالكترونية: انا لما احط الخدمة هذي للمواطن وش اهدافي منها؟ ١- تسهيل طرق الحصول ع المعلومة يعني مو لازم اروح للادارة وياجماعة ابي استخرج اقامة للشغالة وش المطلوب؟ لا.. ادخل موقع الجوازات وتلقى كل اللي تبيه.. وانت ف بيتك ٢- الدقة والسرعة في انجاز المعاملات: بدال ماتضرب مشوار للرياض عشان الوزارة الفلانية... ابد وانت بعرعر ههههه تخلص امورك وبشكل سريع جدا ودقيق ٣- التقليل من الوساطة والمحسوبية: خلاص ماعاد فيه واسطات ومدري ايش... تبي وظيفة قدم ع الديوان عن طريق الانترنت... سالفة فلان يكلم قلان ماعاد فيه بححح... كل شي اكتروني والاهداف اكثر من ذلك... واضحة ياشباب وصبايا |
All times are GMT +3. الوقت الآن حسب توقيت السعودية: 02:59 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه