ملتقى طلاب وطالبات جامعة الملك فيصل,جامعة الدمام

السلام عليكم ورحمة الله
هذا موضوع بسيط للي في خاطره شي وده يقوله
او تعليق على شئ ما او حدث ما (بدون تجريح في احد)
او موقف صادفه بالإختبارات يحب يشاركنا اياه
ناقذه بسيطه للفضفضه ماهي فضاوة مني بس الواحد احياننا ينكتم من ضغط الامتحانات

انا ببدأ وبقول اللي بخاطري

خواطر الامتحانات ^^
احنا كطلاب لغة انجليزيه كل شئ نترجمة عشان الكلمه الي نترجمها ماننساها ونضيفها لحصيلتنا للكلمات
فنترجم المحتوى والمناقشات والواجبات واسئله المراجعه
رغم ذلك مافلحنا باختبار الترجمه !!... أين الخلل ؟!!

خواطر الامتحانات ^^
في احد الامتحانات كنت بالقاعه واسمع صوت رجال يسولف قلت لا حول ولا قوة الا بالله مدخلين عمال ولا عطونا خبر نتغطى ..ووصلت للصفحه3 وهو الرجال لي الحين يسولف قلت استغفر الله يمكن انه هذا هندي يخطب بالمسجد حق توعية الجاليات ... لا بس الصلاة خلصت من مساع وشلون هو لي الحين يتكلم ... وافكر وافكر من وين جاي هالصوت وطلعت من الامتحان شفت الجدول الا القاعه اللي جنبنا عندهم ماده استماع وتحدث:icon120::53:

خواطر الامتحانات ^^
عفوا عزيزتي مادة الاحصاء انت ماده عن ايش بالضبط يعني وش تحصين؟!.. انا نجحت فيك وتعديتك من زمان بس لي الحين مافهمتك :007:!!