|
اختبار الاحصاء جدا جميل + عتب بسيط على الطلاب
السلام عليكم ورحمة الله وبركاته
اختبار الاحصاء كان جدا جميل الحمد لله نفسي اعرف الناس اللي تفتي من راسها وتقول اسئله صعبه متى ذاكرت ووش ذاكرت ؟؟ حرام عليك وش تبغى اكثر من كذا والله العظيم انا ما ذاكرت الملزمه ولا شفتها بس كل اللي سويته فتحت المحاضرات المباشرة الثلاث شفتها وطبقت معه وجلست احل الامثلة معه اللي نزلها بالمراجعه قبل كم يوم شفت المحاضرة المباشرة الثالثة مره وحده واليوم شفت المحاضرات الثلاث فقط لمره واحدة وبعد العصر جلست احفظ الاسئلة حقت الاعوام السابقة والحمد لله يمكن ما عندي غير 4 او 5 اخطاء وش تبغون اكثر من كذا ؟؟ وبالنسبة لاسئلة الاعوام السابقة اللي حفضها بس بدون فهم انا اضمن له درجة النجاح سبحان الله حاط لك القوانين وكل شي قدامك وجايب من اسئلة الاعوام السابقة وبرضكم تسبونه وتتكلمون عليه اذا انت جاي الترم كامل وما فتحت الكتاب ولا شفت المحاضرات المباشرة ولا شفت اسئلة الاعوام السابقة ولا تدري عن شئ اسأل نفسك بس كيف راح تحل ؟؟ ووش راح تحل اصلا لدرجة الدكتور قايل جيب معك اله حاسبه نص الطلاب بالقاعه ما معهم واخر شئ تجي بالمنتدى وتسب وتدعي روحوا اسألوا الطلاب السابقين عن الدكتور النجار وتعرفون كيف الاسئلة تكون صعبه وفوق ذا ما يعرف يشرح الله يجزاك خير يا دكتور سعيد سيف الدين واسف عالاطاله |
رد: اختبار الاحصاء جدا جميل + عتب بسيط على الطلاب
الف شكر لدكتور المادة لانختبار. كان. جدا راااااائع
|
رد: اختبار الاحصاء جدا جميل + عتب بسيط على الطلاب
:Cry111::Cry111::Cry111:طيب حلووو الاسئله واتحدى ان كانت سهله .. انا احتاج اثبات الحين حلو الاسئله خل اشوف العيب بمن .. يارب النجاح بس
|
رد: اختبار الاحصاء جدا جميل + عتب بسيط على الطلاب
جلست أحل حتى أنتهى الوقت و جايين هنا
تقولوا سهلة و مررره جميييل ؟؟؟؟؟؟؟ |
رد: اختبار الاحصاء جدا جميل + عتب بسيط على الطلاب
اقتباس:
استفسار بسيط عن بعض الاجابات خاصة الي فيها كسور لما احسب ما تعطي نفس الاجابه بس قريبه منها جدا ماادري انا صحيح كلامي ولا لا اتمنى الرد وشكرا |
رد: اختبار الاحصاء جدا جميل + عتب بسيط على الطلاب
جايب مدرس يدرسن اسبوعين واخر شي جبت العيد ����
|
رد: اختبار الاحصاء جدا جميل + عتب بسيط على الطلاب
اي سهله والله سويت لكم علم جديد بالإحصاء ��
|
رد: اختبار الاحصاء جدا جميل + عتب بسيط على الطلاب
اقتباس:
اتحداك لو حفظت او شفت اسئلة الاعوام السابقة اسئلة اختبار 1434 الفصل الثاني http://www.gulfup.com/?CePXWd اسئلة اختبار 1435 الفصل الاول http://www.gulfup.com/?pb1TfD هذي هي شوفيها وراح تنصدمين نصها جت بالاختبار |
رد: اختبار الاحصاء جدا جميل + عتب بسيط على الطلاب
على اي اساس تعمم؟؟؟؟
يعني الي يقول الاختبار صعب طلع ماكان يذاكر انا من بداية السمستر وانا متابعه معه كل محاضراته مع التطبيق ولاكثر من مره واليوم رحت الاختبار وانا مطمنه من الماده لكن فعلا انصدمت من الاساله حسيت المسائل كلها بالمقلوب جايبها في قيم المفروض تكون موجوده مواحنا لسه نطلعها كل شرحه كان كيف نطلع الوسط الحسابي المدى التكرار النسبي مواخمن ايش هو تكرار القيمه الي هو المفروض يكون موجود بالاساس والله كل اجاباتي كانت عمليه حسابيه بالعكس والله اعلم تطلع صح ولا لا |
رد: اختبار الاحصاء جدا جميل + عتب بسيط على الطلاب
للامانة المادة صعبه جدا
ولكن اللي تابع المحاضرات المسجلة كاملة استحالة يكون الاختبار صعب لو تابعتوا المحاضرات المسجله الدكتور كان شرحه ممتاز وسهل المادة كثير اختباري ولله الحمد ممتاز وبشكل عام الاسئلة سهله بارك الله فيك د . سعيد - الله يكثر من امثالك اتمنى اجلس مع الطلاب اللي يقولون الاختبار صعب واشرح لهم الاجابات ويتاكدون بانفسهم كيف الاسئلة كانت سهله الخطا من الطلاب اللي يعتمدون اسئلة الاعوام السابقة بدون مذاكره شكرا لكاتب الموضوع كفيت ووفيت |
| All times are GMT +3. الوقت الآن حسب توقيت السعودية: 07:31 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه