|
عشر الوصايا لـ حمد البريدي
أبي يقول اسمع وصاتي وانا ابيك عشر وصايا قادحه من شراره من تجربه الدنيا وجردن مهاليك لقا بها الافراح عقب المراره الاوله طيب النبى في ملاقيك حافظ عليه ولا تنقص عياره لاتغض عينك لاتكلم محاكيك عطه على جوه وقدر وقاره والثانيه من جاك زابن وناصيك قله احرست ودارك تصير داره وان صاح ابن عمك فلا تقول وشفيك افزع معه واصمد على كل غاره والثالثه خوة اهل الطيب تغنيك والا ضعيفين الروابع خساره ومن يضحك بوجهك وهو ما يدانيك كبه وخله يحترق وسط ناره والرابعه لا حُزت نصرك بأياديك اقنع بنصرك لاتعاود مساره لاتومي بنفسك بدرب المهاليك مشين على الرجال كون انكساره والخامسه خابرك وانا مربيك ماينفعك كثر اللعب والدواره قلط ربوعك مجلسك يوم تأتيك وخل الدخون يدور داير مداره والسادسه رفيقك اللي يخاويك سافر معه وتعرف ماكر حراره اما رفيقن في مماشيه يحييك والا تغير وجهتك عن مساره والسابعه سرك يميتك ويحييك عليك باالكتمان تاره وتاره افشاء سرك عند من لايراعيك مايرفع البنيان عقب انهياره والثامنه من قبل لا اقول واوصيك لا خير في جارن ماهو يحب جاره جارك عطه روحك وما تملك اياديك ركد له الدله وشب المناره والتاسعه لو يغلط بحقك اخيك خذها بشحم وارفع مع الناس كاره علمه ترى علمك وطاريه طاريك عليك به لو كان ماله جداره والعاشره حب الهوى جعل مايجيك وان جاك فاللطف به وصونه وداره يومن بيضحك بك ويومن بيبكيك وياعزتي لك لاتعدى الستاره واللي عن العشر الوصايا بيغنيك عمود دين ونور درب ومناره ترى الصلاه وبس هي من تنجيك واللي ماهو يصلي حياته خساره :: |
رد: عشر الوصايا لـ حمد البريدي
واللّي عن العشر الوصايا بيغنيـك عمـــود دين ونـــور درب ومنـــاره ترى الصلاة وبس هي من تنجيك واللّي ماهو يصلي حياته خساره سلمت يمينك أخوي سلطان قصيدة رائعة و وصايا قيّمة لك :rose: مع تقديري |
رد: عشر الوصايا لـ حمد البريدي
*
والعاشره حب الهوى جعل مايجيك وان جاك فاللطف به وصونه وداره ؛ ي جمال البريدي وجمال اختيارك و ذوقك * مبدع ما شاء الله عليك ؛ لا حرمنا يارب |
رد: عشر الوصايا لـ حمد البريدي
-
آبيآتْ جزلهَ و حَكم رآقيَه . سلمتْ آلانآمل عَ آلانتقآء , كُل الودْ . سُولآفْ . |
رد: عشر الوصايا لـ حمد البريدي
افشاء سرك عند من لايراعيك مايرفع البنيان عقب انهياره حكَم .. درر نصائَح قمة الجمال قصيدة جزله ياخوي صح بوح الشاعر وسلمت دياتك انتقاء جميل جداً ~ يعطيك ربي الف عافيه :106: |
رد: عشر الوصايا لـ حمد البريدي
صح لسانك ولسان الشاعر
ربي يعطيك الف عافيه عالانتقاء الجميل تسلم ماننحرم من جديدك |
رد: عشر الوصايا لـ حمد البريدي
الله يعطيك العافية
انتقاء جميل:rose: |
رد: عشر الوصايا لـ حمد البريدي
ربي يحفظكم جميعا شكرا على المرور |
| All times are GMT +3. الوقت الآن حسب توقيت السعودية: 10:59 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه