ملتقى طلاب وطالبات جامعة الملك فيصل,جامعة الدمام

- ملتقى المواضيع العامة (https://vb.ckfu.org/forumdisplay.php?f=3)

- - سبحان من خلق فصنع فأبدع (https://vb.ckfu.org/showthread.php?t=629976)

سبحان من خلق فصنع فأبدع

. معلمة رياض اطفال تقول : يوم اتعين كان فيه حرمة كبيرة مدرسة رياض اطفال من اول الدنيا ، وانها ما شاء الله دائماً تجلس وتهمس مع نفسها تسبح وتدعي الله وتقول على الله توكلت وكذا .. تقول مره غابت ومسكت مكانها واسمع واحد من الاطفال يردد زيها ، صاروا الأطفال يقلدونها ما شاء الله دون ما تبوح ❤️❤️ المهم الحرمة تقاعدت وراحت هذي المعلمة والمعلمات يزورونها وقالت لهم موقف جميل حصل لها
تقول راحت زوارة او عزيمة لوحدة من قرايبهم تزوجت واحد
المهم صادف انها جلست بمجلس صديقات العروس ، والعروس توريهم صور سفرتها وماليزيا وزوجها وهنا سوينا وهنا فعلنا ، والحرمة بعيدة عنهم تذكر الله
تقول وتسمع العروسة تسولف لصديقاتها تقول : هنا يوم كنا فوق الجبل جيت بصوره قال اصبري ، ورفع يده قام يقول (سبحان من خلق فصنع فأبدع )
ما يدرون الا والحرمة حبيبتي تصيح ارتاعوا البنات شفيك يا خالة ، قالت مين هو رجلتس؟ قالت فلان الفلاني ..
قالت هذا انا مدرسته ❤️ كانت تخليهم يغمضون عينهم ويفتحون عشان تذكرهم بنعمة ربي ، واذا شافوا شيء يقولون سبحان من خلق فصنع فأبدع ❤️❤️❤️ كان موقفها جميل صراحة ، زاحم اشياء قلبي وأخذ له مكان فيه 💖💖💖
تأثير معلمات رياض الاطفال والابتدائي كبير ع الاطفال ويبقى معهم طول العمر ....

ازرعوا فيهم حب الله والاشياء الجميله فهي تبقى معهم ويرجع لكم اجرها ان شاء الله❤❤❤❤❤

صبحت على هاذي الرسالة و حركت شيء بداخلي و ذكرت عيالي
و تذكرت معلمتهم برياض اﻻطفال

الله يجزاهم كل خير