تم قبولي للترم الثاني لكن ما ارسلت ملفاتي!
 

فاتني موعد ارسال الملف, السؤال هو: هل اقدر اعيد التسجيل في الكلية في السنة الجايه؟ ولا خلاص راحت علي؟

ايضا انا حلصت التحضيري في البترول والمعادن, كم بتكون مده الدارسه في المسار التقني اذا عادلوا المواد اللي درستها؟؟ كم ترم بالضبط

رد: تم قبولي للترم الثاني لكن ما ارسلت ملفاتي!
 

السلام عليكم ورحمة الله وبركاته ..

اخوي روح للكلية ايش تنتظر ؟؟ .ترى في كم واحد صار له وضع مشابه لوضعك ومشت امورهم .. توكل على الله

..

الكلية تعادل السنة التحضيرية بس .. معي كم واحد حولوا من البترول ويدرسون الخصص كامل ما فيه معادلة ولا شيء ..

بالتوفيق

رد: تم قبولي للترم الثاني لكن ما ارسلت ملفاتي!
 

الله يبشرك بالخير, الله يعين اخاف ادق مشوار ساعتين رايح وساعتين جاي من بقيق للجبيل وما يقبلوني.
انا بس ابغاهم يعادلون التحظيري وكثر خيرهم, لو اروح هناك من اكلم بالضبط؟ عميد القبول والتسجيل بنفسه؟

لو عادلوا التحضيري, كم بتسير مدة الدراسة ؟

رد: تم قبولي للترم الثاني لكن ما ارسلت ملفاتي!
 

امين ومن يقول ..

معليش نسيت اقول لك دق عليهم .. ما دريت انك ببقيق ..

تفضل ادخل على الرابط وفي رقم على اليسار فاكس وتلفون .. وقت دوامهم يبدأ 7 الصباح الى 3 العصر اتوقع ..

http://www.jic.edu.sa/ar/about/Pages/contactus.aspx

وهذا رقم تلفون مكتب سكرتير الكلية من عندي .. لو ما ردوا عليك .. دق عليه اكثر من مرة

0133409900

كلمهم وقول ابي قسم القبول والتسجيل .. واشرح لهم وضعك وشوف وش ردهم عليك وأسألهم اللي تبي عشان ما تروح على الفاضي ..

في حال رحت للكلية .. عند البوابة تلقى الامن أسأله وين مبنى الإدارة ( أصلا يكون في وجهك ) وراح يوصفك وعلى فكرة يمكن ما يدخلونك ( السيارة ) لان ما معك تصريح ويقول لك وقف في مواقف الزوار بس انت انشب له وقول له ماني من الديرة وجاي من خط .. وماني مطول ... يعني حاول فيه ..

اول ما تدخل مبنى الإدارة روح اقرب مكتب مفتوح وأسأله عن مكتب مدير القبول والتسجيل


بالتوفيق اخوي

رد: تم قبولي للترم الثاني لكن ما ارسلت ملفاتي!
 

دقيت من الساعه 7 الى 11 ولا الاقي احد يرد علي الا مره وحده رد علي مكتب السكرتير و اعطاني رقم ثاني وما يردون
لا حول ولا قوة الا بالله

رد: تم قبولي للترم الثاني لكن ما ارسلت ملفاتي!
 

اعتذر عن التأخير في الرد ..

دامهم ما ردوا ليه ما تروح لهم .. ؟ هذا موضوع مهم جدا لك يستحق تضرب مشوار له .. لان هذا الحل الوحيد ..

عموما براحتك وان شاء الله انك خلصت امورك وكملت أوراقك .

بالتوفيق

رد: تم قبولي للترم الثاني لكن ما ارسلت ملفاتي!
 

كلام اخوي silver NEO صحيح روح و شوف شالوضع ياخوي ولا تضيع عليك سمستر عشان مشوار كم ساعة و ربي يوفقك

رد: تم قبولي للترم الثاني لكن ما ارسلت ملفاتي!
 

راجع الادارة و الله يسهل طريقك

رد: تم قبولي للترم الثاني لكن ما ارسلت ملفاتي!
 

كل طلالب البترول المحولين لكلية الجبيل يعادلون لهم السنه التحضيريه ، هذا في حال انهم انهوها في جامعه البترول.

يعني ان شاء الله راح تدخل على التخصص مباشره .. سنتين وانت مخلص دراستك في الكليه باذن الله