ملتقى طلاب وطالبات جامعة الملك فيصل,جامعة الدمام - المستوى الثالث مستوى ثالث تعالوا ابيكم بكلمة راس^^

السلام عليكم ورحمة الله وبركاته
اسعد الله اوقاتكم بكل خير
الإختبارات قربت شدوا الهمه ربي يوفقكم^^
بخصوص القائمين على هالقسم من امثال ام عمر وغيرها كثير من مشرفين ومشرفات واعضاء وعضوات
هم ماقصروا يساعدونا بالي يقدرون عليه!.
بالنهايه هم طلاب مثلنا وعندهم اسر والتزامات ومشاغل.!
حبيبتي ام عمر من اول مستوى لي في هالجامعه معاها وانا ملاحظه جهودها الي تشكر عليها فعلا وربي مايضيع اجرها هي وغيرها كثيييييييييييييير.
بخصوص مناقشات الاخلاق الاسلاميه واداب المهنه هي فعلا تغيرت بترتيب المناقشات مو بتغيير السؤال من الاصل وهالشي انا اكتشفته بنفسي!.
من المناقشه الاولى الي المناقشه الرابعه في لخبطه بترتيب المناقشات!.
اذا ركزتوا شوي راح تعرفون هالشي.!
هالشي حاصل تقريبا في اغلب مناقشات هالمستوى.!
..
بخصوص الواجابات بعضها ايضا تغير السؤال نفسه مو الترتيب.!
..
الي يقول ان هذي مسؤلية ام عمر في تحديث المواضيع انا اقوله معاك حق مسؤليتها لانها يمكن عودتكم انكم تلقون المعلومه جاهزة بدون اي تعب!.
الي تسويه ام عمر وغيرها مساعده اخويه بعيده عن الاتكاليه!.
اتمنى فعلا اننا نكون اكثر قدرة على اننا نعتمد على انفسنا فعلا في حصولنا على المعلومه بأنفسنا !.
مايمنع نتساعد ابدا لكن مو لو حصل شي بالقسم نرمي الي حاصل على المشرفين وننتظر يقدمون لنا الحلول على طبق من ذهب!.
بهالحاله اعتقد لازم علينا نقدم درجاتنا الي نحصل عليها لكل من ساعدنا لانهم هم احق منا فيها!.
اتمنى تعاونا في هالملتقى مايعودنا على الاتكاليه!.
بالنهايه هذي درجاتنا حنا!.
وبالاختبار محد راح يحل عنكم.!
اضعف الايمان اقروا المناقشه وطلعوا اجابتها من المحاضره بفهمكم الخاص.!
بيني وبينكم فعلا في فتور هالمستوى ماأعرف وش السبب!.
لكن الي اقدر اقوله انها خيره يمكن عشان فعلا نعتمد على انفسنا.!
انا مستعده افتح متصفح خاص لاي ماده من المواد من مستوى وثالث ونجتمع فيها نتبادل المعلومات ونجمع فيها كل مايخص الماده لكن من يضمن لي ان المتصفح مايقلب استفسارات شاطحه!
او سوالف مالها داعي!.
وبكيذا يضيع الوقت والجهد وعند الله مايضيع شي.
خلونا نتساعد بس مانتكل على بعض !.
ونعذر بعض لو حصل تقصير او خطأ بالنهايه صاحب الجميل لازم نرد جميله بالاحسان مو بالاساءة.!
اتمنى ماأكون طولت عليكم او اخذت من وقتكم الشي الكثير
هي مجرد فضفضه ونصيحه يارب تصيب الهدف
واي شي انا بخدمتكم.^^
اللهم صل على محمد
سبحانك اللهم وبحمدك اشهد ان لا إله الا الله استغفرك واتوب إليك