ابي شوركم في حيره من امري
 

السلام عليكم
قبل كم يوم كتبت موضوع اسأل وش افضل دبلوم محاسبه انتظام ام بكالوريوس انتساب وللاسف مالقيت الردود الشافيه للموضوع


قدمت على الكلية التقنية للبنات قبل اسبوع واليوم جاني رسالة على الايميل بأنه تم ترشيحي وإلا الان وانا محتاره في امري هل اترك الانتساب وادرس دبلوم ولا اكمل بالانتساب خايفة اختار شيء وبعدين اندم
ودي بالدبلوم بالتقنية البنات وفي نفس الوقت خايفه اتحسف مستقبلا


تكفون وش اسوي ووش الافضل من الخيارين .. الله ييسر امور الي يساعدني يااااارب :004:

رد: ابي شوركم في حيره من امري
 

رد: ابي شوركم في حيره من امري
 

ما ازيد ولا حرف نفس الكلام اللي بقوله

رد: ابي شوركم في حيره من امري
 

وعليكم السلام ورحمة الله وبركاته


تكملة البكالوريوس :004:

بعدها " لكل حادث حديث "


:icon1:

رد: ابي شوركم في حيره من امري
 

شوفي تجربتي وانت بعدين قرري،،،

انا اتخرجت دبلوم ادراة اعمال من كلية الجبيل الصناعية، وبمرتبة الشرف ولله الحمد قولوا ماشاء الله،،،

وللاسف، قدمت في اماكن واجد، بس مافي احد يعرف للدبلوم، والله وحتى مو عارف وضعي،،
يعني كيف،،،

لا انا ثانوي، ولا انا جامعي،، يعني معلق بينهم، وللأسف مافي احد اقدر ينصف طلاب الدبلوم حتى هذا اليوم، وتحسفت حسافة كبيرة عشان اني انا كنت من اول محاسبة في جامعة الملك سعود، ولو كملت فيها انكان تخرجت بكالوريوس، اقل القليل، اعرف قدري زين،،،
لكن شاءت الاقدار اروح كلية الجبيل واتخرج بالدبلوم، وجلست افر المملكة من شمالها الى جنوبها، ابي اكمل عليه بكالوريوس، وللاسف ما لقيت،،،،
ومضت من عمري سنين وانا كذا، وفي النهاية قلت الحل الوحيد ان اعيد هنا في الفيصل على امل اني اخذ البكالوريوس،،،،
وكلها غمضت عين البكالوريوس وتخلصيها، ولا تستعجلي على رزقش،،،

نصيحتي لا تفرطي ابد في البكالوريوس مهما كان، لانه يظل اعلى من الدبلوم، والشغلة الثانية: انه الحين البلد صار الغالب فيها شهادة البكالوريوس، يعني بعد كذا سنة، راح يصير الي ما عنده بكالوريوس كأنه ولاشي،،،






والله يوفقش

رد: ابي شوركم في حيره من امري
 

واحب اضيف شغلة بعد،،،

اني انا بالفعل توظفت في شركة كبيرة ولله الحمد، لكن للاسف كان وضعي مقارب مرة الى الي توظفوا بشهادة الثانوية، بينما الي عندهم بكالوريوس وضعهم افضل بكثير، يعني يبغى لي حول 10 الى 12 سنة عشان اترقى واوصل الى مستواهم الي حطتهم فيه الشركة...

اكرر، احرصي على البكالوريوس.

رد: ابي شوركم في حيره من امري
 

100+ :d5:

نفسك بالضبط تخرجت من الكلية التقنية ادارة مكتبية بمرتبة الشرف الثانية :(269):

واتوظفت انا والثانوي بنفس الراتب :53:

خلك ع نصيحه الشباب البكالوريوس افضل واضمن

بالتوفيق

رد: ابي شوركم في حيره من امري
 

الموضع سهل جدا

كملي انتظام دبلوم

وانتساب بكالوريوس


بالنسبه للشهادة طلعي بدل فاقد

رد: ابي شوركم في حيره من امري
 

وعليكم السلام ورحمة الله وبركاته


اكيد اولا الاستخاره وبعدين الاستشاره

لكن ممكن تضيعين سنتين عاالدبلوم وبعدها اربع بكالريوس يعني ممكن تضطرين تدرسين من اول وجديد

ليس ما تكون اربع بكالريوس ومن بعدها سنتين او اكثر ماجستير ان شاءالله

واذا حابه زيادة علم خلي الدبلوم بعدين