ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/index.php)
-   ملتقى الفنون الأدبية (https://vb.ckfu.org/forumdisplay.php?f=150)
-   -   يابنت يكفي دخيلك لاتبوسيني... (https://vb.ckfu.org/showthread.php?t=6261)

دفا الروح 2007- 9- 19 09:35 PM
يابنت يكفي دخيلك لاتبوسيني...
 


السلام عليكم....

هذي قصيده أب في ابنته :
منقوله لعيونكم اتمنى تعجبكم.......
يابنت يكفي دخيلك لاتبوسيني
خلاص يكفي ترى مليت مشكورة
وش لك بخدي يابنت الناس فكيني
عندي طريقة وهي ماهيب محظورة
نامي على صدر ابوك وحيل ضميني
لو تصبح عظام صدري منك مكسورة
انتي أساساً مكانك في شراييني
مشاركة بالمحبة والغلا "نورة"
ولاهي غريبة على مثلك تحبيني
لاني أحبك وانادي دوم عصفورة
يابلسم جروح ابوك وفرحة سنيني
يامن لها بالضلوع وخافقي صورة
أهديت غيرك كلام رويشد "اعفيني"
وانتي لك بذمتي "درة وبلورة"
اموت في ضحكتك وانتي ذبحتيني
بلشة عنيدة وكتكوتة وشطورة
أن جيت اريّح وانام الليل توذيني
متسلطنة تضرب الجدران بالكورة
تلعب على عيني الكورة توريني
والله ولا سامي الجابر وجمهورة
واليا بكت تنقلب عندي موازيني
دنياي من دمعها وأن سال مذعورة
كن الزلازل بصدري والبراكيني
قامت تفجر وكن الروح مخطورة
واليا ضحكت قلت أنا بالسوق بيعيني
لو كان سعري ثلاث ريال معذورة
والله ما أحسد على ضحكك سلاطيني
اموالهم في بنوك جنيف محشورة
انتي حياتي وعمري شمعة سنيني
ودي اشوفك إليا شيّبت دكتورة .
ادواي لاجيت لك تعباااان ضميني
الوصفة اللي ترد الروح "عبورة"

منقوله
:37_asmilies-com:


أبو خالد 2007- 9- 19 10:19 PM
رد: يابنت يكفي دخيلك لاتبوسيني...
 
:lllolll: :lllolll: كلمات روعة وناقل اروع لا عدمنا جديدك:s12:

دفا الروح 2007- 9- 19 10:20 PM
رد: يابنت يكفي دخيلك لاتبوسيني...
 
تسلم ع المرور منور بو خالد ,,

وش فيك مرتاع وحاط :s12: خخخخخخخخخخخ

حامد زيد 2007- 9- 19 10:38 PM
رد: يابنت يكفي دخيلك لاتبوسيني...
 
مشكوووووره اختي دفا الرررروح
كلمات روعه وناقل يتميز با الذوق الرفيع
ودليل ان مو بس الام حنوونه حتى الاب :119:

دفا الروح 2007- 9- 19 10:39 PM
رد: يابنت يكفي دخيلك لاتبوسيني...
 
تسلم خيو أحرجتني ,,

أكيد الأب حنووون بعد ,,,

منور خيو لاعدمت لك طلة ,,

المنسي 2007- 9- 20 01:22 AM
رد: يابنت يكفي دخيلك لاتبوسيني...
 
مشكورة ذوقش ادب كووووووول

دائما تتميزين باختيار مواضيع جميله .

ربنا ما يحرمنا منك .

دفا الروح 2007- 9- 20 01:27 AM
رد: يابنت يكفي دخيلك لاتبوسيني...
 
هلا أخوي المنسي ,,
عاش من شافك ,,

تسلم والله أحرجتني ,,ماعليك زود ,,

إنت اللي كوووول على طول ,,

منور ,,لاعدمنا مرورك الحلو خيو ,,

Cute Girl 2007- 9- 20 03:33 AM
رد: يابنت يكفي دخيلك لاتبوسيني...
 
ياااااااي الأب حنون مرررة

ما شاء الله كلمات رووعة من ناقل عسل.. تسلمين يا عسولة

لا تحرمينا جديدك...

دفا الروح 2007- 9- 20 01:10 PM
رد: يابنت يكفي دخيلك لاتبوسيني...
 
هلا بحبيبتي كيوووت ,,
العسل مرورك ,,منورة يالغلا ,,

لاعدمناك,,,,


All times are GMT +3. الوقت الآن حسب توقيت السعودية: 09:42 AM.

Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه