|
عزة ظمأ .. ولا مذّلة سحابه !*
السلام عليكم ورحمة الله وبركاته
هذي قصيدة تعجبني حيل وان شاء الله ماتكون مكرره :sm5: لـ الشاعر ؛ فهد المساعد اللـي بعـد ماغـاب عنـكـم بكـيـتــوه..! ................... كـم صـار لـه مـعـكـم ولحـدٍ درابـه .. ياليتـكـم ملتـوا عـلـيـه وسـألتـــوه .. .................. ســؤالكـم يمـكـن يغـيّـر جـــوابــه .. لكـن خذيـتـوا كـل شـي وتركتـوه .. .................. لضيقـــتـة ولعـزلـتـه واغـتـرابـه .. اليـوم بـس اليـوم يعـنــي فـقـدتــوه..! .................. وهو له سنه من يوم ما اقفت ركابه .. لو كان فيكم خير .. كنتوا ذكرتوه .. ................. قبل الزمن يسرق ملامح شبابه .. يعني عشانه ما اشتكى .. ما سمعتوه ..! ................... هذا الخطأ اللي ما حسبتوا حسابه .. ما قد عرض شكواه حتى على أخوه .. .................. شلون اجل يشكي عليكم صوابه ؟ طبعه يموت ولا ألحق الغيم مشروه .. ................... عــزة ظـمـأ .. ولا مـذّلـة سحـابـه ؟ اقفى .. عساه مجار من كل مكروه.. ....................راسه عزيز .. وراس ماله ثيابه .. وعفّة يديه اللي خذاها من أبوه .. ...................... و صبره على جوعه وقلّة زهابه .. خلّه يتوه بكيفه .. احسن ولا يتوه .. ..................بـ يدين ناسٍ شرعها شرع غابه .. الذيب فيها من سلك درب مشبوه .. .................. واللي ما هو ذيبٍ كلته الذيابه .. يا ما أنبنى من حلم فينا وهدّوه .. ................ وقتٍ غريب وناسٍ أكثر غرابه .. صدق القناعة كنز .. لكن هم أفنوه.. ..................... و حتى الأصابـع علمـوها تشابــه .. ما دام صوتك من ورى الباب مسفوه .. ................... يا ريـح هـدّي باب مـن سـدّ بابــه .. والصاحب اللي غاب لو هم تناسوه .. ...................... قـولــي لـهـم لا يفـرحـون بغيابـه .. هـم حصّـلوا في غيابه اللي تمـنّـوه .. ...................... بس الوعد لا من برى من صوابه .. :icon1::004: |
رد: عزة ظمأ .. ولا مذّلة سحابه !*
جميل أختيارك
أبدعتي والله ,, وشكرا على التنبيه :rose::rose: |
رد: عزة ظمأ .. ولا مذّلة سحابه !*
خلّه يتوه بكيفه .. احسن ولا يتوه ..
..................بـ يدين ناسٍ شرعها شرع غابه :verycute:أعجز وأنا أقول رآآآآآآآئعه مبدعه مهره :004:بإنتقاءك راقت لي وبقوه وماهو غريب عليك ياحلوووه :rose: أشكرك على الدعوه وكلك ذوق:106: غاليتي تقبلي ودي +تقييم |
رد: عزة ظمأ .. ولا مذّلة سحابه !*
أشكرك ..
لدعوتكـ .. ونشكرك لآختياركـ القيم لهذه القصيدة .. والتى نعجز عن أختيار أجمل بيت بها .. لانها جميلة بكل ما فيها .. فكل بيت به جمال وحكمه . ابدع الأنيق / فهد المساعد ..بما كتب . وسلمت يمناكـ ’’ مهرهـ ’’ علـ هذا الآختيار . ولمثله منك لمنتظرين .. تقديريـ قبل تقييميـ .. |
رد: عزة ظمأ .. ولا مذّلة سحابه !*
صح لسان شاعرها .. وتسلم يمين وذوووق قمرنا .. :004: مهرتي .. :004: |
رد: عزة ظمأ .. ولا مذّلة سحابه !*
طبعه يموت ولا ألحق الغيم مشروه عزّة ظمأ .. ولا مذلّة سحابة؟! سلمت أناملك مهره قصيدة قمة في الرّوعة لكِ عزيزتي:rose: |
رد: عزة ظمأ .. ولا مذّلة سحابه !*
الذيب فيها من سلك درب مشبوه .. .................. واللي ما هو ذيبٍ كلته الذيابه .. يا ما أنبنى من حلم فينا وهدّوه .. ................ وقتٍ غريب وناسٍ أكثر غرابه .. صدق القناعة كنز .. لكن هم أفنوه.. ..................... و حتى الأصابـع علمـوها تشابــه .. آبيات مميزة تسلم يمينك ي مهره وشكراً على الدعوه |
رد: عزة ظمأ .. ولا مذّلة سحابه !*
ابيات جزله ومؤثره جداً راقتني
تنقل الشاعر فيها بكل اقتدار بين العتب واللوم وبين عزة النفس طبعه يموت ولا ألحق الغيم مشروه .. ................... عــزة ظـمـأ .. ولا مـذّلـة سحـابـه ؟ تصوير جميل جداً بهذا البيت انتقاء اكثر من رائع وذوق متفرد.. جمال القصيده متكامل من حيث الجزاله وقوة المفرده والتصير الخيالي.. ذوق راقتني جداً واشكرك على الدعوه |
رد: عزة ظمأ .. ولا مذّلة سحابه !*
جميل ماسطرتي ي الغلا
تسلم يمينك يعطيك العافيه محد نبهني انا جيت بروحي هههههههه تحياتي |
رد: عزة ظمأ .. ولا مذّلة سحابه !*
قصيده جميله ابدعت واحسنت الاختيار يامهره ربي يعطيك الف عافيه علي هيك طرح كل الود و التقدير لك |
| All times are GMT +3. الوقت الآن حسب توقيت السعودية: 11:50 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه