|
بحاجة الى مساعدة
السلام عليكم ورحمة الله وبركاته
أخوتي الأعضاء السنة الجديدة القادمة بمشيئة الرب طالعة لخارج السعودية مع زوجي رحلت عمل بتستمر لسنتين بحول من الله وقوتة. الموضوع أني إذا ربي يسر لي وتمم لي علئ خير بكون مستوئ خامس .شتنصحوني فيه مع اني قارنت موادنا اللي ندرسها مع مواد الجامعات هناك في حين لو كان فيه فرصة لتحويل ساعات لكن ولا مااادة ما خذينها يدرسونها:sm1: .شرايكم أبغئ أكمل وأنا مصرة علئ هالشيء لكن بنفس الوقت ماودي أضيع هالفرصة علئ نفسي وعيالي بحيث أن بيستفيدون من تعليم المدينة اللي بروح لها بعون من الله ماودي أضيع عليهم فرصة مثل هذي وودي أستمر :sm18: . رايكم يهمني… شكرا لكم :love080: |
رد: بحاجة الى مساعدة
عليكم السلام
الله يوفق لك ياارب وين ماكنتي:004: للاسف مااعرف بنالسبه للتحويل وهيك بس لو كنتي مصره تبين تكملين كملي وانزلي بس وقت الفاينل انا اعرف بنت كذا مبتعثه برا وتنزل السعوديه وقت الفاينل تخلص وترجع ان شاءالله غيري يفيدج اكثر بالتوفيق لك وللجميع:106: |
رد: بحاجة الى مساعدة
جزاك الله خير حبيبتي علئ الرد ..ولا أزال مترددة ..الموضوع يبغاله دراسة من ناحية النزله للسعودية عشان أختبر مو سهل الموضوع انا اتكلم عن 20 ساعة طيران + ممكن تواريخ ماتتوافق مع تواريخ إجازة المدارس عندهم ..
الله يعيين ويسهلها لي والمسلمين .. لا أزال محتارة شبسوي وكيف أتصرف ..ومنصدمة بنفس الوقت. |
رد: بحاجة الى مساعدة
على فكرة .. الفرصة في العمر تجي مرة وحدة بسسس ..! غيرها مافي .. اولاً اتمنا لكم سفرة سعيدة و في نفس الوقت انا اقول و اتوقع ان ما راح تستفيد اي شي من ساعاتنا اللي تعتبر شبة مضروبة بالنسبة لجامعات براء .. من الناحية الثانية اقول ادرسي هناك و الفترة سنتين تقدري تاخذي لك شهادة دبلوم و اذا عندك دبلوم و معترف بة في جامعة معينة في نفس منطقتك كملي عليها او على حسب قبولهم للساعات المدروسة او اللي اجتزتيها .. و بعدها كملي و بكذا راح تختصري مشوار كبير على نفسك و بالذات اذا صار الوضع ساعات انا اقول ممكن يكون قبول للساعات اذا صار بة قبول و الاختصار راح يكون من صالحك انتي بأختصار شديد لا تضيع الفرصة .. غيرك يتمنها بالطول او بالعرض و اهم شي بالموضوع اذا اخترتي الجامعة حاولي تشوفي وضع الجامعة عندنا هنا يعني لا تكون مو معترف فيها او اي شي من هذا القبيل فرصة براء لا تضيع و الواحد دامة بصحة و عافية و توة شباب انا اقول يدرس و فالك التوفيق أتمنا أتمنا أتمنا اني أفدت ولو بشي بسيط و انا لو عمري تحت الخمسين كان درست براء عند الشقر |
رد: بحاجة الى مساعدة
ياحبيبة نصيحتي لك مستقبلك هو الاهم وانا راح انبهك ع شغلات مهمة :
أولا : قبل كل أمر كهذا مهم الاستخارة ثم الاستخارة ثم الاستخارة لأن ماعند الله هو الخير ثانيا : سنتين ليست كفيلة تماما من أجل يتعلموا اطفالك انجلش مايمديهم تعلموا الا وينسون كل ذلك ثالثا : لا تتسرعي وتتركي دراستك هنا حتى تتأكدي من وضعك بالخارج لأنك تحتاجين اجتياز اللغة أولا وقد تحتاجين فترة من ستة أشهر الى سنة حسب لغتك واذا اردتي الاستفادة ادخلي دورة انجلش وابقي ع دراستك هنا حيث تحضرين فترة الاختبارات هنا فقط وتكونين بذلك ضربتي عصفورين بحجر ع قولتهم امسكي العصا من النص باختصار .. وتستطيعين الانضمام لزوجك للبعثة لتدفع لك الملحقية هناك الضمان المالي أتمنى حقيقة أكون أفدتك ووضحت لك نقاط مهمة تضعي أول خطواتك عليها من واقع تجربة سابقة .... سفرا سعيدا وسعيا مجيد أمنياتي لك ودعواتي ... |
رد: بحاجة الى مساعدة
اقتباس:
الهي لما الواحد ينزل موضوع ويرد عليه أحد يبرد قلبه… فعلا أنا ليش جالسة أقلب الموضوع لأن فعلا هذي أعتبرها فرصة لي ولأطفالي بعد اللي بالمرحلة الإبتدائية خصوصا هناك تعليمهم متقدم وطرق التدريس عندهم متعديتنا بمررراحل ..للأسف انا قارنت وراسلت الجامعات هناك كلهم وبحرقة اقولها رفضوا اني اعادل الساعات اليوم جاني الرد لان كشف المواد والساعات اللي درستها لا يتطابق مع موادهم . الآن انا قررت وباقي الإستخارة علئ القرار النهائي بحول من الله وقوته الله بكتب لي ولك وللمسلمين الخير والبركة في كل شيء . |
رد: بحاجة الى مساعدة
اقتباس:
|
رد: بحاجة الى مساعدة
اقتباس:
يابطلة احسنتي ... تفكير سليم ... :(204): توكلي على الله وماراح ترجعي بخسارة باذن الله .. حتى في حال لم يتيسر موازنة المواد ادخلي معهد لغة انجلش او كولج هناك ويكون عندك شهادة لغة مرموقة ... كل التوفيق حبيبتي وساق الله لك الخير سوقا :004: |
رد: بحاجة الى مساعدة
بداية اتمنى لك التوفيق في حياتك . بصراحة انتي امام فرصتين تاريخيتين وقد لاتتكرران معاً او احدهما على الاقل،، لك في المستقبل. اكمال الدراسة بالجامعة + السفر بالعائلة للخارج رأيي : البسيط والمتواضع ان تمسكي وتتشبثي بالفرصتين حتى الرمق الاخير والى النهاية مهما تكن الظروف.[align=justify]وانا اشوف انهما مهمان بنفس القدر ( انت بحاجة للشهادة الجامعية + السفر ضرورة عائلية وأسرية[/align] الحلول: سافري مع الاسرة لامشكلة + حاولي تكلمي السفارة السعودية بالبلد الاجنبي يسوون لك اختبار لجميع المواد بنفس مبنى السفارة طبعاً ( هنا السفارة تخاطب الجامعة وتطلب موافقتها ) وان وافقوا تختبري في سفرك في مباني السفارة بكل راحة وفي جميع المقررات . وان رفضوا مالك غير تختبري بالمملكة نهاية كل فصل يعني عندك اربع مرات سفر الى الدمام بهذه الفترة. كان الله معك وفي عونك. بالنسبة لعدم قبول المعادلة ( طبعاً لان موادك عامة وليست تخصص ) اما مواد التخصص فهي مقبولة معادلتها بجميع دول العالم والتجربة عندي انا قد راسلت جامعتان اهليتان بالخارج ووافقوا وحددوا الرسوم مع الفترة اللازمة ) المهم( نصيحة لاتفرطي في دراستك مهما يكن ولاتضيعي فرصة السفر) كييفي وهيئي نفسك مع الظروف وسخريها لمصلحة مستقبلك. توكلي على الله وأبذلي جهدك قدر استطاعتك وتستشعرين كيف أن الله معك ولن يخيب ظنك إن أحسنت ظنك به .. فقط ابذلي وابذلي . ولا تقلقي. والله يوفقك والجميع بخير ان شاء الله تعالى |
| All times are GMT +3. الوقت الآن حسب توقيت السعودية: 10:18 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه