ملتقى طلاب وطالبات جامعة الملك فيصل,جامعة الدمام - شعر الـحـر وافـــي مـايـخُـون بـراعـيـه حتـى لـو انـه دون راعيـه ينصـاب

- ملتقى الفنون الأدبية (https://vb.ckfu.org/forumdisplay.php?f=150)

الـحـر وافـــي مـايـخُـون بـراعـيـه حتـى لـو انـه دون راعيـه ينصـاب

[align=center][table1="width:70%;background-color:black;border:7px double skyblue;"][cell="filter:;"][align=center]

عـزي لقـلـب ٍ صــار هـمـه مخـاويـه
متعلـق(ن) .. لاهـوب شايـب ؟ ولا شـاب ؟

لاقــادر(ن) يـفـرح بـشــي ٍ يسـلـيـه
ولا قـادر (ن) يلبـس علـى حـزنـه ثـيـاب

راعـي الطمـوح يمـوت .. مـادرك مناويـه
لاخاسـر(ن) حلمـه .. ولا كاسـب اعجـاب !

لاهــو فقـدلـه شــي عـشـان يرثـيـه
ولا ظفـر فـي شـي يحسـب لـه حسـاب ؟

اقسـى عـذاب ؟؟ .. يخلـي الرجـل يبكيـه
عـذاب ! .. لكـن ! تتفـق فيـه الاسـبـاب

الـحـر وافـــي مـايـخُـون بـراعـيـه
حتـى لـو انـه ! .. دون راعيـه ينصـاب

لاضـاعـت الهـقـوه تـمـوت المشـاريـه
ماكنهـا الا ( ثـلـج ) فــي كـفـي و ذاب

خطـاي ! .. عطيـت الشنـب حـق يوفيـه

اليـن ! ماشفـت الـمـره ذلــت اشـنـاب

وش عـذر ؟ مـن صـدق كــلام ٍ يغـذيـه
لاصـار منهـو يدعـي الصـدق ؟ .. كـذاب

علمـت نفسـي درس ! .. مانـي بناسـيـه
ماقيـل لــي ولا حفظـتـه مــن كـتـاب

لاحـدنـي وقـتـي عـلـى شــي مابـيـه
اعـز نفـسـي ومـنـة الـنـاس بـتـراب

الله يـرجـع كـــل غـالــي لغـالـيـه
والله يــرد الشـمـل مابـيـن الاحـبـاب

اللـي يبـي الفرقـا ! .. عسـى الله يهنيـه
مـانـي ورا المقـفـي مـطـارد وطــلاب

لـو كـل مـن قـفـى ! بتـبـع خطـاويـه
مافارقـت عينـي موالـيـف واصـحـاب !

ياصاحبـي .. ماعـاد لـي شــي اداريــه
بينـي وبينـك مابـقـت كلـمـة عـتـاب !

اللـي يحـز بخاطـري ! .. لـيـه احاتـيـه
ماهـوب يستاهـل شقـا وحرقـة اعصـاب !

الظن لامـن خـاب ! .. لاتقـول لـي : ليـه
وش فايـدة ؟ .. تفهيمـك الظـن لاخــاب ؟

كنت احسبك ( بستـان ) محـدن يجـي فيـه
واثـرك ( محـلٍ) ينبنـى فوقـه اطـنـاب

امووووت ضامي ! .. واحضن ( الهم ) واخفيه
ولا آرد ( المـا ) .. لاشربـت منـه كــلاب

لـو كـل شـي بخاطـري ,, رحـت اسويـه
وش عاد ابسـوي .. اذا خاطـري طـاب ؟

راقت لي

[/align][/cell][/table1][/align]