|
فقدتك يوم عيد الله
-
فقدتك يوم عيد الله وكلن عايد أحبابه وانا مثل اليتيم اللي هموم القلب يخفيها أشوف الناس مبسوطه وكلن حوله أصحابه وانا ماني بحاسدها عسى ربي يهنيها أجامل من يناظرني بضحكة سن كذابه وأحاول امسح أدموعي بكف اليد وامحيها اناماني طردت الهم يوم العيد وش جأبه؟ انا ماقلت يانفسي هموم الوقت خليها؟ وش اللي جدد الذكرى وهمي من فتح بابه؟ أحاول ادفن العبرة لكن الوقت يبديها انا لو كإن بيديني نسيت الهم وأسبابه نسيت السالفه لكن تجي لامر طاريها ذكرت الله وقمت أقراء على نفسي من اكتابه وقمت العن شياطيني وأقول الله يخزيها تمشيني ظروف الوقت والأقدار غلابه وانا مجبور اهونها على نفسي واهديها اظن الرجل لو يبكي على غاليه ماعابه وانا لامن بكت عيني بكت من فقد غاليها اببكي ياعسى ادموعي تلهيني عن اغيابه هلا بالدمع مادامه هموم القلب ينهيها احس الكون بي ضايق لو انه ماوسع اقطابه واحس اني مللت العيش بالدنيا والا ابغيها انا لو ماخشيت الله والا فكرت باحسابه لااريح نفسي ابنفسي من الدنيا ومافيها لك الله ماشكى قلبي لو إن الهم ماصابه على الله يالضروف اللي تباغتني بلاويها عسى ربي يعين اللي فقد من همه اعصابه تذكرته وانا نفسي لهيب الشوق يكويها دُمتم بخيّر :icon1::004: . [flash=http://im50.gulfup.com/aaubQt.swf]WIDTH=0 HEIGHT=0[/flash] |
رد: فقدتك يوم عيد الله
وش اللي جدد الذكرى وهمي من فتح بابه؟ أحاول ادفن العبرة لكن الوقت يبديها .. آللهَ يآ وتيّن . آختيَآر مُوفقْ , كَلمآتْ رآئعه رُغم آلالم’ . بـ آنتظآر جديدكِ ()* وديّ . |
رد: فقدتك يوم عيد الله
اظن الرجل لو يبكي على غاليه ماعابه
وانا لامن بكت عيني بكت من فقد غاليها اببكي ياعسى ادموعي تلهيني عن اغيابه هلا بالدمع مادامه هموم القلب ينهيها وتيَن .. أولا: يامرحبَا بَك في الملتقى بشكل عام ومنتدى الفنون الادبيَه ثانياً .. اختيار أجمل من رائَع واسلوب الطرَح جميل جداً قصيدتن جزلة وشيلَتن ممتازَه يعطيتس ربي الف عافيه وتين .. لاعدمنا جديدك . تقيمي:rose: |
رد: فقدتك يوم عيد الله
-
سعيدهَ بِكم بنوُتآتْ . |
رد: فقدتك يوم عيد الله
أنا أشهد أنها قصيدة تلامس الشعور والأحساس . أبيات طيبه ولا يوقف . |
رد: فقدتك يوم عيد الله
أحسّ الكون بي ضايق لو إنّه ماأوسع أقطابه وأحسّ أنّي مللت العيش بالدّنيا .. ولا أبغيها * أنا لو ما خشيت الله ولا فكّرت بحسابه لاأريّح نفسي بنفسي من الدّنيا ومافيها سلمت أناملك وتين معبرة ومؤثّرة جدّاً القصيدة والشيلة :verycute: لكِ ودّي :106: وكلّ عام وأنت بخير |
رد: فقدتك يوم عيد الله
،،،
أختيار جميل وموفق للقصيدة و أهلاً وسهلاً بكـ في الملتقى ننتظر جديدكـ لآهنتي ،،، . |
رد: فقدتك يوم عيد الله
لك الله ماشكى قلبي لو إن الهم ماصابه
على الله يالضروف اللي تباغتني بلاويها عسى ربي يعين اللي فقد من همه اعصابه تذكرته وانا نفسي لهيب الشوق يكويها كلمات مؤثرة وفيها من الحزن الشي الكثير سلمت يدااك اختي وتين على هذا الانتقاء الجميل :106: |
رد: فقدتك يوم عيد الله
جميلة جدا ً يعطيك العافية :icon1: |
رد: فقدتك يوم عيد الله
-
منوريّن |
| All times are GMT +3. الوقت الآن حسب توقيت السعودية: 01:30 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه