|
أنا أخطر على نفسي من الناس !
" تحدث بإيجابية ، ولا تسمح لكلمة سلبية عن ذاتك أن تمر على لسانك
فأنت تسمعها ، وعقلك يحفظها ، واللاوعي يقوم بتخزينها " . من كتاب سلمان العودة “ أنا وأخواتها “ من زمان احس ودي ابربر عن هالموضوع شوي والله يعينكم مسكت معي الحين .. http://www.vb.eqla3.com/images/smilies/2/eq-113.gif فيه موضوع شفته هنا قريب من هذا بس مو كثير .. يالله بسم الله توكلنا على الله ، اللهم انا نعوذ بك من شرور أنفسنا ! جد جد يعني ترا الشخص مافيه اشين منه على نفسه ، http://www.vb.eqla3.com/images/smilies/2/eq-39.gif تقدر تفكر تفكير ايجابي ويصير كل شي تمام ونفسيتك زينه http://www.vb.eqla3.com/images/smilies/2/eq-102.gif وبنفس الوقت اول ما تبدأ تتخيل شي شين على طول تتنكد وكأن التفكير صاير . انا عن نفسي احياناً تجي على بالي افكار وتخيلات شينه مثل لو اتخيل احد عزيز علي يموت الله لا يفجعنا ، توصل لدرجة اني اصيح وكأن الشي صار!! http://www.vb.eqla3.com/images/smilies/2/eq-67.gif واصير متنكده لمده من الوقت لمجرد اني جبت تفكير مو زين على بالي . قريت مره موضوع يقول انه من افضل طرق العلاج انك تكلم نفسك بصوت مسموع او قدام المراية وتقول لها وش تبي منها وكل شي اهم شي الصوت ، جد والله لا تستخفون بالسالفه ، يعني مهم مره انك تسمع اللي انت تقول . http://www.vb.eqla3.com/images/smilies/2/eq-121.gif اقنعكم؟ لو كنت بمكان وفيه شخصين قريبين منك ومالك دخل فيهم ويتكلمون مثلا عن عاده شينه بشخص ثالث مو موجود حتى ، ويقولون والله كل شي فيه زين الا هالطبع ومن هالكلام ، وأنت ( سمعت ) هالكلام اول شي يجي على بالك تسأل نفسك انا كذا ولا لا؟ http://www.vb.eqla3.com/images/smilies/2/eq-81.gif واذا كان هالشي فيك بتتضايق حتى لو كان كلامهم مو موجه لك .. كل شخص عنده اشياء يبي يغيرها بنفسه ويتمنى لو يقدر يعود نفسه على شي معين ما قدر يستمر عليه “ مثل انه يشد حيله بالدراسه وهالموضوع مأزمني “ ، http://www.vb.eqla3.com/images/smilies/2/eq-71.gif لازم نحط ببالنا ان كل شي نقدر عليه بس لازم نقتنع بأننا نقدر قبل نجرب . قريت مره مقالة عن احد الدراسات اللي يسوونها عن تأثير النفس وكذا ، الباحثين بهالدراسة طلبوا من احد المساجين اللي محكوم عليهم بالاعدام انهم بيسوون دراسه عليه عن تجفيف الجسم من الدم ، زي قولتهم انت مايت مايت بس حنا بنسويها بطريقة ثانيه وبيعطون اهله مبلغ وقدره وافق السجين وجاء اليوم اللي محددينه ، ربطوه بكرسي وسكروا عيونه وقالوا اننا بنحط انابيب عند مرفقيك يطلع دم من خلالها ومع الوقت بيجف دمك وبتموت وحنا بنراقب هالشي ، وفعلا حطوا الانابيب لكن ما خلوا الدم يطلع من جسمه اصلا ، خلوا يمر فيها مويه دافيه بدرجة حرارة الجسم وجابوا دلوين وحطوهم بالارض بحيث الانابيب تنقط فيهم ، وعيونه مربوطه زي ما قلت لكم وبس يسمع صوت المويه اللي على باله دم ينقط بالدلو ، ومع الوقت لاحظوا انه بدأ يجف لونه ويصفر وعلى شوي شوي يزيد هالشي .. لما مات !! http://www.vb.eqla3.com/images/smilies/2/eq-81.gif متخيلين مات وهو ما تغير شي بجسمه وصحته تمام ، بس هذا التأثير النفسي وقوته . واتوقع كلكم تعرفون الحديث الشريف “ لا تتمارضوا فتمرضوا فتموتوا “ ، http://www.vb.eqla3.com/images/smilies/2/eq-33.gif اذا الرسول عليه الصلاة والسلام معلمنا هالشي قبل مئات السنين مو محتاجين دراسات ولا شي عشان نقتنع بهالكلام .. خلاصة هذا كله لا يأثر فيكم الكلام السلبي لا من الناس ولا من انفسكم . http://www.vb.eqla3.com/images/smilies/2/eq-57.gif وسلمان العودة بالكتاب يقول “ الوسواس هو تخيل سلبي “. خلاص طولت عليكم ، بس يالله عاد خلونا نفكر بطريقة ايجابية . ويالله عطونا رايكم بهالسالفه ، تخالفوني أو توافقوني ؟ وأنتم من الناس اللي تأثيركم على أنفسكم قوي ولا لا ؟ لكم http://www.vb.eqla3.com/images/smilies/2/eq-57.gif |
رد: أنا أخطر على نفسي من الناس !
جزاكِ الله خير ..
|
رد: أنا أخطر على نفسي من الناس !
المنااال اهنيك على طرحك بس تصدقين قريت موضوعك مرره ومرتين وثلاث وبرضووه متنحه ماقدرت امسك طرف خيط علشان اشارك (( انوااااااااااااااااااااااااااااع التناااحه احس مخي مثل تفااحه معرعره غير صالحه للاكل هع))
بس اعجبتني قولتك الواحد لازم يكلم نفسه لاتخاافين انا اكلم نفسي باليوم اكثر من أي شخص ثااني اماا التخيلااات رووووووووووووووح يا خيااال عفت الغلا محد مثله لاعب فيني الخيااال بشكل مش طبيعي واحس الخيال والتخيل افضل احل بهالوقت التعبااان وكاني لمحت كلام النااس _------_ ابشرك انا من النوع اللي يسمع كلامهم من هنا ويطلعه مع رسم الخدمه من هناااا نبغى نعيش يا معووووده المهم ان موضوعك حلوووووووووووووووووووووووووووووو مثلك وووبس دمتي جميله:106: الله اكبر الله اكبر الله اكبر لا اله الا الله الله اكبر الله اكبر ولله الحمد |
رد: أنا أخطر على نفسي من الناس !
جزاكِ الله خير ع الطرح الطيب والمفيد والايجابي
موضوع داعم ويعطي دافع نفسي جميل شكراً لسموكِ الكريم |
رد: أنا أخطر على نفسي من الناس !
يقول الله تعالى : " وما أبرئ نفسي إن النفس لأمارة بالسوء إلا ما رحم ربي إن ربي غفور رحيم " .... أعتقد ما يحدث في مجريات حياتنا تعود للنفس ولو كانت أمّارة بالزين لَمَا كان هذا حالنا .. بالإضافه للنفس هي قناعات ذاتيه أما أنك تطور من حالك للأفضل وتتقبل الصدمات بدافع الإيجابيه أو يكون التغيير للأسوء وحينها تنقلب موازين الأيام وتظل سوداوية الحياة غشاوه على القلب .. وإلإنسان هو صاحب القرار في ذلك منال موضوع قيّم شكرآ لك على هذا الطرح .. تقديري لك |
رد: أنا أخطر على نفسي من الناس !
موضوع رائع مبدعه دائما
|
رد: أنا أخطر على نفسي من الناس !
طرح جميل وأسلوب مميز؛ راق لي موضوعك كثيراً .. سلمت أناملك perf manal :icon1: |
رد: أنا أخطر على نفسي من الناس !
طرح رائع
التصورات او التخيلات شي طبيعي في البشر قد لآ نطاقها وتجبرنا على ذلك أن نساغ إليها مهما حاولنا في أنفسنها أن نبعد عنها فهي تجبرنا في كل لحظه فالعقل دائماً في حالة أنفعال أما أجابي أو سلبي فالمرء يجب أن يعود نفسه ع تخيلات أجابيه تساعده ع مواجة ما هو سلبي شكرا ع التنبية اختي نورة |
رد: أنا أخطر على نفسي من الناس !
طرح رااااائع تشكرين عليه
والإنسان في يده اتعاس نفسه واسعادها وموضوعك كما قال الاخ قنوع داعم ويعطي دافع نفسي جميل ودمتي :rose: |
رد: أنا أخطر على نفسي من الناس !
كلام جميل نحتاج مثل هذا الطرح المفيد بارك الله فيك أشكر من نبهني |
| All times are GMT +3. الوقت الآن حسب توقيت السعودية: 04:13 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه