|
عقبال ياماخذ فـؤادي ميـة عـام ..
عقبال ياماخذ فـؤادي ميـة عـام .. .. ضيعتني منك وانـا مـا اهتديتـك لا ما نسيتك كيف بانساك مـا دام .. .. ذكرى الفراق تهزني لـو نسيتـك حبك قدر وانا على ديـن الاسـلام .. .. مكتوب في وجه الجبين ورضيتـك لك في الضمير الود والحشمه اتوام .. .. ولي في ضميرك مثل ما انا بغيتـك ولك منزلٍ في نايف القلـب وخيـام .. .. وذود الغـلا ترعـاه ولا شكيـتـك يفطر عليك القلب وان فارقك صـام .. .. والله لونك شـوك سـدره كليتـك القلب طيرٍ لادعـي للهـوى حـام .. .. والا انت وكره من كثـر ماهويتـك كن العيون من النظر عقبـك ايتـام .. .. وكني ماريت الا انت من يوم ريتك وكنك معي وانا فقدتك مـن اعـوام .. .. مـع الخيـال القـاك كنـي لقيتـك من صعب وصلك ما تهنيتك احـلام .. .. وان جابتك فزيت شـوق ومحيتـك يعني وصالك صعب واهدافي اوهـام .. .. يعنـي زرعتـك للقـدر ماجنيتـك صبرك يقولون العرب كـل الايـام .. .. يوم عليـك ويـوم لاجـاك جيتـك ويا قلب ياللي ورثك اجـروح وآلام .. .. بليتنـي ماهـو بانـا اللـي بليتـك ولعتني من عادني في الهوى خـام .. .. واسرفت بي وانا خطامـك عطيتـك طعتك وزبدة طاعتـك هـم وهيـام .. .. مالله كتب لي واستخرت وعصيتـك لوللقلـوب اسـواق بايـع وسـوام .. .. لاابدلـك وان جيتنـي ماشريـتـك والا انت ياللي جيش عينيك مقـدام .. .. لا اقنعت منـك والرجـا مارجيتـك كني سجين بين..افـراج ..واعـدام .. .. وكنك سجن وانـا بنفسـي بنيتـك تنبيك عن حالي محاصيـل الالهـام .. .. وتخبرك نظراتـي نهـار التقيتـك عقب الوصال اللي على عين من لام .. .. قدهو يكفيني عن الوصـل صيتـك وقدني الى مريت بالشـارع العـام .. .. لديت من ما في الضميـر ودعيتـك ادري ان صوتي ماقطع عشرة اقدام .. .. وادري بي اعود الى مـن نصيتـك ياشينهـا يامحنـيٍ راس الابـهـام .. .. ماقدر على شوفك وانا عنـد بيتـك الاعمار ما تضمن وانا اخاف الاحكام .. .. ارثيك خـاف اودعـك مـا رثيتـك مما راق لي |
رد: عقبال ياماخذ فـؤادي ميـة عـام ..
_
كني سجين بين..افـراج ..واعـدام .. .. وكنك سجن وانـا بنفسـي بنيتـك رائَعة يالبدرَ .. كلمات جميلة .. جاز لي ذا البيت جداً .. صح لسان الشاعر وسلمت اناملك على الطرح :004:.. كل الشكر لك ~ :icon19: |
رد: عقبال ياماخذ فـؤادي ميـة عـام ..
ولك منزلٍ في نايف القلب وخيام وذود الغلا ترعاه .. ولا شكيتك سلمت يمينك أخوي بدر رائعة القصيدة :verycute: راقت لي تقديري لك :icon19: |
رد: عقبال ياماخذ فـؤادي ميـة عـام ..
جميلة جداً
يعطيك العافية :icon1: |
رد: عقبال ياماخذ فـؤادي ميـة عـام ..
قصيده رائعه يا بدر تسلم يدينك وصح لسانك ماننحرم جديدك يا بعدي يعطيك ربي الف عافيه |
رد: عقبال ياماخذ فـؤادي ميـة عـام ..
:rose:
اقتباس:
الرائع هو تواجدك دائما في صفحتي عسى ربي يوفقك ويرضى عليك وعلى والديك دنيا وأخرة وكل الشكر لك :rose: |
رد: عقبال ياماخذ فـؤادي ميـة عـام ..
اقتباس:
وتسلم يمينك ويسعدك ربي ويرضى عليك وعلى والديك دنيا واخرة وتقديري لك :106: |
رد: عقبال ياماخذ فـؤادي ميـة عـام ..
اقتباس:
والجمال تواجدك دوما يعطيك العافية ويرضى عليك:106: |
رد: عقبال ياماخذ فـؤادي ميـة عـام ..
اقتباس:
الروعه هو وجودك اخوي نايف وتسلم يدينك وصح بدنك والله يعطيك العافية ويرضى عليك وعلى والديك دنيا واخرة |
رد: عقبال ياماخذ فـؤادي ميـة عـام ..
يعني وصالك صعب واهدافي اوهـام ..
.. يعنـي زرعتـك للقـدر ماجنيتـك طعتك وزبدة طاعتـك هـم وهيـام .. .. مالله كتب لي واستخرت وعصيتـك ........................ رائعه ولاعدمنا ماراق لك يدوم طرحك .... |
| All times are GMT +3. الوقت الآن حسب توقيت السعودية: 02:13 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام