|
انتشر حبك بجسمي
انتشر حبك بجسمي .. لا وحتى بالعظام واختلط حبك بدمي .. فالمعاليق يعدي يا هيام ٍ في هيام ٍ في هيام ٍ في هيام يا ضياعي ! يا اتجاهي ! يا دروب المهتدي لو تذوق النوم .. جفني ما تهنّى بالمنام طاوله فيك الغرام .. وطاوله فيك سهدي لك حبيبي في ثنايا جوف هالقلب احترام لك حبيبي قولتي:لبيه .. آمر .. يا بعدي كيف اصبحك بسلام وكيف امسيك بسلام وانت في مجرى وريدي مع سواقيه تغدي ! لك عيوني لك حياتي .. لك سنيني لك مقام لك حلالي لك فوادي .. لك ورودي وشهدي فوق كفك دق حنّا .. والبلا فعل الزمام والحلا .. ليل ٍ تسلل فوق الامتان اجعدي لا طويل ولا قصير .. ويا حلو زين القوام جلّ من صوّرك والله في غرامك مولدي ما لقينا لك شبيه ٍ في غنادير الشوام وما لقينا لك شبيه ٍ في بنات الاحمدي انت دانه وانت آيه .. وانت عشق المستهام وانت نادر في عيوني يا .. عيوني وسعدي وانت والله يا ( صغير الحب ) من قبل الفطام ما قصرت الفكر دونك .. لا ولا ضاع جهدي انت امسي وانت انسي .. وانت جرحي والختام وانت والله يا حبيبي .. شمعة اليوم لغدي انت غاية مطلبي يا روح روحي والغرام وانت شف البال والله وانت غاية مقصدي احسد البرقع عليك .. ولا حسدت إلاّ لثام كيف ما يخجل ! وليله ما غدى عنه اجودي فوق خدك حب خالك وازعلوا منه العمام كيف يقدر يستبيح الخد يا خد ٍ ندي ! ترتدي ثوب الشرف و العز من فوقه وسام كيف ما يصبح وسامك ! وانت عزّه مرتدي بنت شيخ ٍ ما توانى .. ما يفك إلاّ الزحام فزعة اللي ينتخي ويصيح تكفى يا سندي و الحظيظ اللي قرب حظه من حظوظ الكرام ما خشى شر الزمان .. ولا خشى الحظ الردي! اترك الواقع واعيشك في خيالي بنسجام واربط الواقع بأحلام الخيال السرمدي ما بغيتك فالظلام .. ولا بغيتك بالحرام ! ما بغيتك غير بالعز الشريف المقتدي ما بغيتك بالتلاعب .. ما بغيتك بالكلام ما بغيت إلاّ اخوك يصير خال ٍ لولدي لك جنوني لك ظنوني .. يا حبيبي والسلام وانت غالي .. ثم غالي .. ثم غالي يا سعدي |
رد: انتشر حبك بجسمي
ما بغيتك فالظلام .. ولا بغيتك بالحرام !
مابغيتك غير بالعز الشريف المقتدي مابغيتك بالتلاعب .. مابغيتك بالكلام ! مابغيت الا اخوك يصير خال لاولدي :060::060: اعجز عن التعبير .. كل بيت اجمل واحلا من الثاني مضمون رائع وطرح أروع احسنت احسنت .. جازت لي جداً صح لسان الشاعر وسلمت ياخوي كل الشكر لك :love080::icon1: |
رد: انتشر حبك بجسمي
قصيده جميله وجزله صح لسانك يابعدي تسلم يدينك والله يعطيك الف عافيه |
رد: انتشر حبك بجسمي
كيف أصبّحك بسلام وكيف أمسّيك بسلام وأنت في مجرى وريدي مع سواقيه تغدي * سلمت يمينك أخوي قصيدة :verycute: رائعة تقديري لك :icon19: |
رد: انتشر حبك بجسمي
جميلة جداً
صح لسانه يعطيك العافية :icon1: |
رد: انتشر حبك بجسمي
لك حبيبي في ثنايا جوف هالقلب احترام
لك حبيبي قولتي:لبيه .. آمر .. يا بعدي كيف اصبحك بسلام وكيف امسيك بسلام وانت في مجرى وريدي مع سواقيه تغدي ! ابيات جميييييييييله صح السان راعيها وصح بدنك عالنقل بنتظار جديدك |
رد: انتشر حبك بجسمي
،،، احسد البرقع عليك .. ولا حسدت إلاّ لثام كيف ما يخجل ! وليله ما غدى عنه اجودي فوق خدك حب خالك وازعلوا منه العمام كيف يقدر يستبيح الخد يا خد ٍ ندي ! الله عليك أخوي أحسنت الأختيار و أبدعت في النقل . قصيدة راقت لي بالحيييل ،،، لآهنت ،،، . |
رد: انتشر حبك بجسمي
صح لسآنه وعلا شآنه
وع الأخرى عآنه .. سلمت على هالأبيات العذبة والنقل الجميل ويسلم شاعرها المبدع لآهنت ع الطرح |
| All times are GMT +3. الوقت الآن حسب توقيت السعودية: 12:09 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام