|
طالبتكم طلبة . . . لا تردوني . . .
السلام عليكم ورحمة الله وبركاته . . . في البداية أحب أبارك حق أخواتي وأخواني بمناسبة حلول شهر رمضان المبارك أعاده الله علينا بالخير واليمن والبركات . . . اللهم آمين :praying: أدخل في صلب الموضوع << أنا رحت اليوم الجامعة وكان عندي محاضرتين الأولى اللغة الإنجليزية من 9.30 حتى 10.30 ورحت أدور على القاعة بس ما عرفتها وأنتهى وقت المحاضرة وقلت خلاص بأدور مكان المحاضرة الثانية فيزياء عامة من 10.30 حتى 12.30 وقعدت أدور على هالقاعة بس ما لقيتها وسألت بنات ودلوني عليها ولما رحت ما شفت أحد المهم يمكن قعدت ساعة أدور بدون فايدة والمشكلة أني ما أعرف أحد من اللي بأدرس معهم >> فأتمنى من كل طالبة مستجدة في كلية العلوم الزراعية نموذج الجدول { ب - 4 - 2 } أنها تساعدني وتقولي مكان المحاضرات ورقم المبنى وبكون شاكرة لها . وعندي أستفسار بخصوص وقت المحاضرات مثلاً عندي في الجدول مقدمة علم الأقتصاد عملي مكتوب عندي من الساعة 1.00 حتى الساعة4.40 وفي الجدول اللي بموقع الجامعة مكتوب من الساعة 1.00 حتى الساعة 2.40 فأي وقت آخذ وأقيس عليه في رمضان عشان السواق يعرف متى يجي ياخذني . . . والله يخليكم لا تطنشوني لأني تعبت مع هالجدول وطول هالأسبوع في حوسه :017: |
رد: طالبتكم طلبة . . . لا تردوني . . .
اقتباس:
شمس الضحى و أنتِ بخير و صحة و سلامة و الله يعوده علينا كل سنة ... بخصوص أستفسارك الأول .. أنصحك أول شي تطبعين الجدول من نظام البانر .. أول شي أفتحي النظام من خلال هذا الرابط : http://banner.kfu.edu.sa/pls/ar-EG/t...?name=homepage و بعد ما تسجلين دخول .. أختاري الطلاب والمكافأت المالية و بعدين التسجيل و بعدين جدول الطالب الدراسي و بعدين اختاري الفصل الأول 1428هـ و رايح تطلع لك أسماء المواد و أوقاتها و أسماء الدكاترة و كل شي أنصحك تطبعين هذا الجدول و تآخذينه معاكِ دائماً للجامعة .. خصوصاً الآن في البداية و بعد ما تتعودين على كل شي .. ما يحتاج تآخذينه أنصحك بعد تتواصلين مع منسقة الشؤون الأكاديمية في كليتك و اذكري لها مشكلتك و إن شاء الله خير اقتباس:
تفضلي على هذا الرابط : http://www.kfu.edu.sa/ads/notes22.asp |
رد: طالبتكم طلبة . . . لا تردوني . . .
ادخلي هنا
http://www.kfu.edu.sa/ads/Notes24.asp |
رد: طالبتكم طلبة . . . لا تردوني . . .
مشكور أخوي بوأحمد على المرور . . . بس اخوي أنا دخلت على النظام وسويت الخطوات اللي قلت لي عليها ولما أختار جدول الطالب الدراسي وأختار الفصل الدراسي الأول 1428هـ وبعدين تنفيذ يطلع لي " إنك غير مسجل حالياً في هذا الفصل الدراسي " شنهو يعني هالكلام و أنا أستلمت الجدول من الكلية ووقعت أني أستلمته . . . :mh19: أما بخصوص وقت المحاضرات أنا ما أقصد الوقت في رمضان ولكن اللي أقصده أنو عندي في الجدول مواد الوقت اللي حاطينه أطول من الوقت اللي موجود بالجداول اللي بموقع الجامعة فأنا أي وقت آخذ عشان أعرف الوقت في رمضان على سبيل المثال مادة مقدمة علم الأقتصاد عملي شعبة 82 في الجدول عندي من الساعة 1.00 حتى الساعة 4.40 وفي الجدول اللي بموقع الجامعة من الساعة 1.00حتى الساعة 2.40 ولأنها آخر محاضرة فأبغى أعرف الوقت وعندي مادة ثانية نفس الحالة . . . وعذراً على الأطالة . . . |
رد: طالبتكم طلبة . . . لا تردوني . . .
مشكور أخوي " FaRiS " على المرور والله يعطيك ألف عافية . . . |
رد: طالبتكم طلبة . . . لا تردوني . . .
اقتباس:
الظاهر أن كليتك إلى الآن ما سجلوا المواد في نظام البنر للطالبات :mh19: اقتباس:
أعتمدي على التوقيت ألي في جدولك ألي أستلمتيه من كليتك مثلاً .. لو كان توقيت المحاضرة عندك من الساعة 1 الظهر إلى الساعة 2.40 بيكون توقيتها في رمضان من الساعة 1.00 الظهر إلى الساعة 2.00 |
رد: طالبتكم طلبة . . . لا تردوني . . .
اولا حبيت اباركم لكم على رمضان والله يعيدة على الجميع
وكل عام وانت الى الله اقرب اختي شمس الضحى انا اذا دخلت على النظام العام الدراسي 1428 >> تنفيذ (لايسمح لك بالتسجيل في هذا الوقت ) ادري غثيتكم بهذي الجملة بس تحملواا:cheese: وانتي وش يطلع لك :mh19: وبعدين لية تروحين هذا الاسبوع :cheese: انا قلت لك مافية محاضرات شفتي راح تعبك بدون فايدة لو سامعة كلامي الله يهداك :cheese: ======>>> صايرة ناصحة البنت :003: وبعدين كليةالعلوم الزراعة عطونا ملف(عن نفسي عطوني الملف مرتين )اول مرة : بعد ماتسلمين اصول الشهادات ايام التسجيل وثاني مرة :بعد ماتستلمين الجدولوتوقعين اتوقع كل البنات خذوة ملف فية المواد اللي بندرسها في المستويات الجاية واوراق كثيرة من ضمنها جدول بأماكن البثوث والقاعات في اي مبنى واي دور بالنسبة للمبنى اللاول يعني ترجعين لة للحصول على مكان القاعات اكيد مو كل القاعات والبثوث موجودة بس اكثرها ........:lllolll: واتمنى اني اكون افدتك واي مساعدة انا موجودة وفي الخدمة رمضان ايامة سعادة ..... عساكم من عوادة ...... :g9: |
رد: طالبتكم طلبة . . . لا تردوني . . .
السلام عليكم ورحمة الله وبركاته . . . والله وجيتي بوقتك أختي فتاة الأسلام أنا رحت الجامعة أمس لأني قرأت الموضوع اللي طرحتيه يوم الثلاثاء وشكيت أنا وقلت خلني أروح الجامعة وأشوف بنفسي سألت وحدة مستجدة في الجامعة وفي كلية العلوم الزراعية بعد بس مش معاي وقالت أن الدكاترة دخلوا عليهم وخذوا حضور وغياب وعطوهم نبذة عن المادة اللي بيدرسونها والكتب المطلوبة أنا شفت قدام وجهي مجموعة ملازم وبصراحة أنا خفت لما سمعت أنهم خذوا حضور وغياب لأنه يأثر على المعدل . :bawling: وبالنسبة لنظام البانر أنا لما أختار الفصل الدراسي الأول 1428هـ يطلع لي " إنك غير مسجل حالياً في هذا الفصل الدراسي " ومن فوق يطلع أسمي والرقم الأكاديمي حقي أنا احس أن الجدول وهمي ! ! ! :000: وإذا ما عليك أمر ممكن تعطيني واحد من الملفات اللي عندك إذا ما تحتاجينه لأنهم ماعطوني ولا شيء لا يوم تسليم الشهادات ولايوم أخذت الجدول . . . بصراحة المسؤلات اللي بالجامعة أخلاقهم "أستغفر الله" ما يعطون وجه كله صراخ وتفشيل أنا من يوم شفت المسؤلات يتخانقون مع بعضهم يوم تسليم الشهادات وأنا غسلت يدي . . . :s3: . . . وكل عام وأنت إلى الله أقرب . . . |
رد: طالبتكم طلبة . . . لا تردوني . . .
ان شاء الله البنت اللي سالتيها مو معي في نفس الشعبة :mh19: :cheese:
اصلاا النظام انا غسلت يدي منة خلاص ماراح ادخل علية :003: اختي الملف موجود وفي اي وقت قولي لي تبغية وانا اجيبة :119: صدق والله المسؤلات بصراحة مايعطون وجة ونفسهم في خشمهم وجاي رمضان بعد خلاص مو رايحة اسال ولا وحدة فيهم ====>>>>>حرمت البنت :003: والله خوفتيني:Cry111: من سالفت ان الدكاترة دخلوا وخذوا حظور:070: والله مالهم حق خصوصا احنا المستجدات على الاقل يعطونا هذا الاسبوع والله ماارتحنا في الاجازة كل تسجيل وحوسة مع هالجامعة ... مااقول الا حسبي الله ونعم الوكيل :praying: :s12: |
| All times are GMT +3. الوقت الآن حسب توقيت السعودية: 04:37 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه