مستقبل
 

السلام عليكم
لو سمحتم ابي اسئل لو كان طالب انتظام وطرد من الجامعة يقدر يسجل بجامعة ثانية او خلاص ماتقبله اي جامعة بسبب الطرد

رد: مستقبل
 

تفكير جميل ... اسمه (الزبنه بعد الشحته) بداء في الثمانينات ميلاية



يمكن يفيدونك الشباب .... ترى نمزح النفسيات ابتعد 100 متر

رد: مستقبل
 

حسب الشئ اللي طرد من اجله واذا انكتب بملفه او لا

رد: مستقبل
 

اذا كان رسوب ل3 مرات

رد: مستقبل
 

خذ الكلام الصحيح والموثوق،،

هناك حالتان:
الحالة الاولى: تسمى الطرد، وتعني انه انطرد من الجامعة عشان رسوب، او غياب، الخ. ويحق له التسجيل في أي جامعة اخرى.
الحالة الثانية: تسمى فصل، وتعني انه انفصل من الجامعة عشان شيء تأديبي مثلاً: اعتداء على المدرسين، مخالفة لانظمة الجامعة، الخ. وهنا يعتبر مفصول تأديبي ولا يحق له التسجيل في الجامعات الحكومية فقط، اما الاهلية فيحق له.

ان شاء الله افدتك.

رد: مستقبل
 

بالمناسبة،،،

احيانا عند التسجيل في اي جامعة، يكون من شروطها ان المتقدم لم يفصل من اي جامعة لأسباب تأديبية..
وغالباً ما لاحظنا هذا الشرط في قبل سنتين او اكثر، اما الحين ما اشوفهم يكتوبوه، يعني شكلهم تراجعوا عن هذ الشرط،

عموما انت اقرأ الشروط بشكل مزبوط، ويمكن تزبط معاك في اي جامعة حكومية،،

وبالتوفيق.

رد: مستقبل
 

شكرا لك طمنتني الله يطمنك ويوفقك