قصيدة " سلمى " عبدالكريم الجباري ..
 

مابين حق النفس والدنيا وحق الوالدين
ومابين تجريح العباد وهرجها وسكاتها

ومابين رغبات اليسار ورغبه اصحاب اليمين
انا ضحيه عالم(ن) تمشي وراء مشهاتها ،

طيب واحب الطيب وامشي في سلوم الطيبين
لكن قلوب الناس تصدمك نياتها ..!

الطيب فاقد له عرب والحق فاقد له عوين
والحسد اكبر ظاهره تشر علي راياتها ..!

والحب نغمه مابها غير التوجد والحنين
كم سربة(ن) عاشت وماتت مالقت غاياتها*

العفن يلقى حاجته والخبل صار هو الذهين
والناس فزة للعفون و دورت مرضاتها

البارحه فكري يقلبني وراء ذاك البطين
وتطري علي " سلمى " وتطري علي جلساتها

الله مزينها وجاعلها متاع الناظرين
بنت الرجال اللي تهيب منخاتها

حنا تربينا على الهيبه // مع العقل الرزين
مانحني الهامه مثل اللي حنا هاماتها

رجالنا لوهو ضعيف ما يجنبك السمين
يومنها بعض العرب تبلشك في لجاتها

احد(ن) ذبحلك مصلحه ويضحك لك الحاجبين
وماتدري انه عقرب(ن) ما " تنومن من غشاتها "

واحد(ن) يذكيها ولايدري تراهـ انت منين
يمناهـ في درب المراجل تعجبك مداتها*

" وترا الحيا ساس المراجل ينفعك دنيا ودين
والمرجله لابد ما أنك تعرف اوقاتها "

والفخفخه والطخطخه والكبر للقلب اللعين
والعقل ! هو سوق الرجال اللي علت قيماتها

وانا ليا قربت ثم طالعتني عين(ن) بعين
عرفت وشلون الاسود تهابها بسكاتها

-------

الشاعر عبدالكريم الجباري

:rose::rose:

رد: قصيدة " سلمى " عبدالكريم الجباري ..
 

الطيب فاقد له عرب والحق فاقد له عوين
والحسد اكبر ظاهره تشر علي راياتها ..!

يسلم احساسك اللي انتقى .
وتسلم أناملك التي نقلت .

قصيدة بها الكثير المعاني .
من كرم وحكم تحاكي واقعنا .
استمعت بما قرات .
فصح لسان شاعرها علـ إبداعه

لجديدك من المنتظرين .
دمتِ بتألق دايم

رد: قصيدة " سلمى " عبدالكريم الجباري ..
 

_


ياسلام على الشاعر عبدالكريم
جداً أبدَع , كلمات جميله جداَ
صح لسانه وسلمت اناملك
اختيار موفق ..
دوك:icon19:

رد: قصيدة " سلمى " عبدالكريم الجباري ..
 

رد: قصيدة " سلمى " عبدالكريم الجباري ..
 

ياسر*
وجودك هنا زاد من الجمال جمال
خجلتني حروفك*

وجودك في مواضيعي*
لـ شرف ونور*

شكرا من الاعماق ي راقي
لاهنت ع مرورك الجميل كجمالك*
*:rose:

رد: قصيدة " سلمى " عبدالكريم الجباري ..
 

صحت جوارحتس ي انيقه
الابداع مرورتس

نورتي

رد: قصيدة " سلمى " عبدالكريم الجباري ..
 

صح بدنك ي نايف
لاعدمنا طلتك

نورت . لا هنت ..

رد: قصيدة " سلمى " عبدالكريم الجباري ..
 

صح الله لسان الجباري

شكراً قمر على ماخطت أناملك

كالعاده لا تأتين ألا بأطلاله كنور القمر

رد: قصيدة " سلمى " عبدالكريم الجباري ..
 

تسلم ي نادر
ما اجمل من طلة القمر الا طلتكم الجميله
لاهنت ي اخوي

*تسلم وتبقى
:rose: