لاتحــــسب أني متـــصل فيك مـحتاج

.......................لا والـــذي ســــــواك ماني بحاجه

الحمــد للي خـــالق ٍ ظـــــيق وأفراج

.......................اللي عـــــقب ضيقه يجيك أنفراجه

ولا تحسب انك في نظر عيني اسراج

.......................ماهـــمني راســــــك ولا كبر تاجه

ماني من اللي رفقـته ظـــيق وإحراج

.......................لا طال بـــــك دربك تغـــــير مزاجه

ولالي مــع الطفقين مـــدخل ومخراج

.......................ولاني مـن الواشين وأهل اللجاجه

والطـــيب لو هــو بالـــــعماير والابراج

.......................ماشفت بن ختروش يظحك حجاجه

في مجلس ٍ مافــــيه قـــفل ٍ ومـزلاج

.......................مشــــرع ٍ بابه ومشــــعل سراجه

والرفــــقه اللي شرطها ربـــح وانـتاج

.......................راسي معــــــاها مايطيب إندماجه

قبل إتصالي خــــــذني الفــــكر دواج

.......................مريت في بالي وقـــــــلت أنتواجه

وما دامني ياصاحبي هــــم وأزعـــاج

.......................أوعـــــدك دربك مانــــحرك عجاجه

وأوعدك مانكنت على أســــمك إدراج

.......................ما دام رقمي مايزيـــــــــد إبتهاجه

بنــــساك والنسيان مــــن ربي إعلاج

.......................للي الوفى والطيب ماهـــو علاجه

المشاركة الأصلية كتبت بواسطة 2cool (المشاركة 11337821) الرفقه اللّي شرطها ربح وإنتاج راسي معاها مايطيب إندماجه تسلم أيديك :106: ياأبو رحمه قصيدة رائعه :verycute: الله يهنيك بالرفقه الطيبه تستاهلها

المشاركة الأصلية كتبت بواسطة لططوف (المشاركة 11338762) تسلممم يمناككك يعافيكك

،،


وما دامني ياصاحبي هــــم وأزعـــاج
.......................أوعـــــدك دربك مانــــحرك عجاجه
وأوعدك مانكنت على أســــمك إدراج
.......................ما دام رقمي مايزيـــــــــد إبتهاجه


أبيات جميلة وعذبة
سلمت ع الأنتقاء أبو رحمة

لآهنت ،،،

.