ملتقى طلاب وطالبات جامعة الملك فيصل,جامعة الدمام - إعلام وتقنية الإتصال اماكن القاعات

صفحة 1 من 2

عرض 100 مشاركات من هذا الموضوع لكل صفحة

ملتقى طلاب وطالبات جامعة الملك فيصل,جامعة الدمام (https://vb.ckfu.org/index.php)

- منتدى كلية الآداب بالدمام (https://vb.ckfu.org/forumdisplay.php?f=63)

- - [ إعلام وتقنية الإتصال ] : اماكن القاعات (https://vb.ckfu.org/showthread.php?t=610675)

Mesh1

2014- 8- 31 11:55 AM

اماكن القاعات

لما سجلت المواد طلعت لي اماكن القاعات في الجدول
هل اعتمد اماكن القاعات الموجوده او يمكن انها تتغير ؟؟؟!

سما الابداع

2014- 8- 31 04:12 PM

رد: اماكن القاعات

شيكي عليها في لوحة الاعلانات ينزلون كل مادة واوقاتها وقاعاتها

موفقه ^

زهره الربيع

2014- 8- 31 04:25 PM

رد: اماكن القاعات

ايش هي لوحه الاعلانات؟
وكيف اعرف القاعات ..اليوم لفيت الجامعه عشان اعرف القاعات ولا شفتهم
ادا مكتوب رقم القاعه2 علم اجتماع ..الدور الارضي يعني بتكون موجوده بالدور الارضي ومكتوب على القاعه رقم 2ولا موكذه ..؟
انا توني محوله انتظام ولا اعرف كيف احصل القاعات

سما الابداع

2014- 8- 31 04:44 PM

رد: اماكن القاعات

عزيزتي

اذا مكتوب لك 0-1 او 0-2 .... الخ المهم فيها صفر معناته الدور الارضي

واذا 1-1 او 1-2 ... الالخ معناته الدور الاول اللي بالوسط ^^

واذا 2-1 او 2-2 ....الخ معناته الدور الثاني وهو الاخير فوق

وطبعا بيكون محدد لك المبنى اذا كان 61 - 62 - 63- 64 -65 هذي كلها مباني تلاقين مكتوب فوق بوابة المبنى رقمه

اما اذا عندك بالجدول رقم المبنى من 66 - 67 - 68 ف هذي ابراج بالدوائر اللي فوق وتكون قاعاتها مدرجات فووق

واذا انتي علم اجنماع وخدمة اجتماعية ف المبنى تبع القسم هو 62

وغالبية المحاضرات تبع القسم تكون ب 62 او 63 ونااادرا 61

وعشان تعرفين موقع المباني >> من اول ماتدخلين الكلية جوه تلاقين قدامك كوستا اووكي
امشي ع يسارك وتلاقين مبنى مكتوب عليه 61 وكمان امشي وتلاقين مبنى 62 وهكذا ^^

اتمنى تكوني فهمتى علي ويكون هذا اللي تقصدينه ^^

موفقه *

زهره الربيع

2014- 8- 31 05:13 PM

رد: اماكن القاعات

انا عندي مكتوب
63، 0 -10
يعني بيكون في مبنى 63وداخل المبنى بيكون قاعه 10وبالدور الارضي

كذا تقصدين؟
ومشكوره على الرد مره حايسه موعارفه شي

maram.

2014- 8- 31 05:24 PM

رد: اماكن القاعات

ايه صح بالتوفيق

MA.	2014- 8- 31 05:25 PM

رد: اماكن القاعات

قسم الاتصال وتقنية الإعلام
مبنى 62 الدور 2
وإذا تبغين تتأكدين من رقم القاعات روحي آخر الممر على اليسار تلقين لوحة زجاجية يعلقون فيها كل شيء يخص القسم

موفقة ..

زهره الربيع

2014- 8- 31 05:36 PM

رد: اماكن القاعات

الله يجزاكم خير بس اتحملوني شوي
ابي اسال شنو المقصود بالشعبه؟وهل لو ماسجلت بنفس الشعبه هل هالشي يعتبر مشكله ؟
لاني لما جيت اسجل المواد طلع عندي ثلاث مواد وقتها مومناسب يعني المواد بنفس الوقت واليوم فاضطريت احذف مادتين من مسواي واخذت ماده اعلى من مستوى ثالث

هل في غلط سويته انا ولا عادي ؟

LoLy_sa

2014- 8- 31 10:11 PM

رد: اماكن القاعات

اقتباس:

المشاركة الأصلية كتبت بواسطة زهره الربيع (المشاركة 11325159)

لكل مادة كذا شعبه ( يسمونها شعبه او مجموعه ) باوقات مختلفة وتختارين اللي يناسبك وعاد مو شرط تلتزمين بنفس الشعبة

وبعد عادي تسجلين مواد من مستويات مختلفة بس يمكن يطلع عندك تعارض بجدول الفاينل ( تاكدي من جدول اختبارات الفاينل )

موفقة:106:

زهره الربيع

2014- 9- 1 02:02 PM

رد: اماكن القاعات

الله يجزاك خير
بس حاولت ابحث عن جدول الاختبارات النهائيه وماشفته وين ابحث عنه ؟ اذا لو سمح الله حصل تعارض كيف احل الموضوع ؟ لاني محتاجه ادرس مواد اكثر بس سجلت 6 مواد مره قليل

الله يجزاه الف خير الله يساعدني موعارفه للنظام

All times are GMT +3. الوقت الآن حسب توقيت السعودية: 04:16 AM.

صفحة 1 من 2

عرض 100 مشاركات من هذا الموضوع لكل صفحة

Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه