ملتقى طلاب وطالبات جامعة الملك فيصل,جامعة الدمام - ملكتي على ولد خالي# و ولي امري كان اخوي) ..

السلام عليكم ورحمة الله وبركاته

هذا الحلم قد فسره انيس النفوس .. ولكن اطلب من الشيخ أبو عبدالرحمن تفسيره

((اللهم اجعل له من كل هم فرج ومن كل ضيق مخرج وارزقه من حيث لا يحتسب
اللهم آمين))

حلمت أن كنت في بيت جدي (ابو امي) وكنت في بيتهم بس كان متغير شوي كنت في جهة مجلس الرجال وكان كبير مرررة وكان لونه عنابي او بنفسجي غامق بس شكله فخم كانوا يجهزونه ويرتبونه وكان فتر ة الصبح على القرابة الظهر وكان شكل الستار شكلها مرررة حلو وبعدين شفت اخوي مع خالي( اخو أمي بس مو شقيقها ) وكانت فترة المغربية يعطي اخوي حزمة فلوس 500 ريال في في ربطتين او 4 ربطات.. وكان يقول هذا المهر لأن ولده هو الي راح يتملك علي اسمه ( عبدالعزيز) وكانوا يتناقشون...في نفس المكان الي هو المجلس...ما كان من اخواني الا هو..ولا حتى ابوي كان موجود.. فصار هذا اليوم هو يوم ملكتي و بعدها دخلت على الصالة فقاموا خالاتي ومعاهم بنات خالتي دخلوني مجلس صغير في البيت نفسه ولبسوني فستان ابيض وقاعدين يحطون ماكياج ويضبطوني لأن اليوم ملكتي وكانوا متجمعين وحدة تضبط شعري وحدة مدري وش تسوي يعني كانوا يجهزوني...

بعدها طلعت للحوش وشفت عيال وبنات الاسرة كلهم متجمعين ولما اقبلت عليهم قاموا يسوون حركات قدام ولد خالي عبدالعزيز ويقولون شف من جت هو يوم لف وشافني دار وجه عني للجدار كان مستحي مني وكنت اقول في نفسي ليش يستحي مني...وكان لابس ثوب رمادي او زيتي كذا لونه كان .. بس كان في الثوب لمعة ( لمعه فضيه )...

وبعدها فجأة حسيت كنه فاصل ....تغير المكان...صرت في غرفة مجلس في نفس البيت قاعدة على الارض عند قدام التلفزيون وماسكته في حضني ولد ,,, وخالي نفسه ابو عبدالعزيز جالس على الكنب جنبي يطالع التلفزيون وكان لابس ثوب بيت ....

وقمت من النوم.......

وقت الحلم كان من4 سنوات....كنت صف اول ثانوي وانا الحين ثاني جامعة
وحلمته فترة المغربية...

ولد خالي اسمه عبدالعزيز..وهو اكبر مني بسنه

انا عزباء