تم استلام الوثيقه بسهولة ويسر اللهم لك الحمد
 

السلام عليكم ورحمة الله وبركاته

اخواني رحت امس للجامعه ابي استلم الوثيقه الساعه تقريبا 9 ورحت عمادة التعليم عن بعد كلمت الاستقبال وعطوني ورقة اخلاء طرف خلال اقل من 10 دقايق وقعتها في نفس المبنى ورجعتها للأستقبال وخذها موظف وصعد وجاب لي ملفي اللي فيه شهادة الثانوية

وقالي روح عمادة القبول والتسجيل

ورحت العمادة وخلال تقريبا 10 دقايق استلمت الوئيقة لدرجة اني ماصدقت قلت له خلاص كذا قالي اي

اذا تبي نسخ طبق الأصل صورها وتعال نختم لك

سألته وين التصوير قالي الدور الثاني بكلية التربية اللي جنبنا هنا يعني المبنى قريب مره

رحت بس للأسف ماحصلت احد واضطريت اني اصور برى الجامعه وارجع لهم

صورت 4 نسخ

ورجعت لقيت الأختام محطوطه على مكتب اللي سلمني الوئيقه وقالي ختم اللي تبي

وفعلا ختمت النسخ

الغريب اني وانا داخل مبنى عمادة القبول والتسجيل شفت واحد طالع زعلان يقول مرمطونا من مبنى لمبنى وقلت الله يسهلها والحمد لله تسهلت

ويوم دخلت خلصت كل شيء بسرعة

ختاما الحمد لله على كل شيء درست وتخرجت مع وجود المحطمين بكل فصل هنا بالمنتدى ولكني لم التفت لهم وهذا بفضل الله ونصيحة اي موضوع فيه كلام عن اعتماد الشهادة او شيء لاتفتحه عشان ماتسمح لأحد يقلل من عزيمتك

اشكر الأخوان بعمادة التعليم عن بعد والقبول والتسجيل تعاملهم كان راقي ولله الحمد

اعجبتني المدينة المدينة الجامعية فيها تطور كبير واتمنى للجامعة التوفيق ومزيد من التقدم

رد: تم استلام الوثيقه بسهولة ويسر اللهم لك الحمد
 

ماشاء الله
ربي يبارك في علمك

حلو شعور التخرج وفرحته لا توصف

رد: تم استلام الوثيقه بسهولة ويسر اللهم لك الحمد
 

طيب ياليت احد اذا راح يستلم الوثيقة يسالهم عن الاخطاء في السجل الاكاديمي الانجليزي

رد: تم استلام الوثيقه بسهولة ويسر اللهم لك الحمد
 

ما شالله مبروك انشالله ربي يوفقك بالوظيفه الي تتمناها
انا مستجده بس اقرا هالشكاوي والمشاكل فهالمنتدئ قلت الله يستر من هالجامعه

رد: تم استلام الوثيقه بسهولة ويسر اللهم لك الحمد
 

يارب يجي يوم تخرج

رد: تم استلام الوثيقه بسهولة ويسر اللهم لك الحمد
 

الف الف مبروووك التخرج الله يديم الفرحه بقلبك :(315):
وعقبالنا يارب ......

رد: تم استلام الوثيقه بسهولة ويسر اللهم لك الحمد
 

مبروك التخرج والله يديمها عليك

عقبال الوظيفه

وعقبالي اتخرج بقى لي سنه بس :(

رد: تم استلام الوثيقه بسهولة ويسر اللهم لك الحمد
 

مشكور يالغالي على الموضوع الجميل

بس اذا قدمت على وظايف قول لنا ايش صار معاك عشان نعرف قيمة الشهادة الحقيقية

الله يوفقك يارب وعقبالنا

رد: تم استلام الوثيقه بسهولة ويسر اللهم لك الحمد
 

الف الف الف مبررروك وعقبالنا

رد: تم استلام الوثيقه بسهولة ويسر اللهم لك الحمد
 

ماشاء الله تبارك الرحمن
الف مبروووك .. والله ييسر لك كل امورك

في ناس تتحلطم على كل شيء ! تلاقيه مر باللي مريت فيه بس هالعشر دقايق ضايقته