ملتقى طلاب وطالبات جامعة الملك فيصل,جامعة الدمام

السلام عليكم

كتبت ضروري لاني ادري انكم اول ما تقرون راح تفزعون لي
الصج اني حبيت بس اقول لكم الله يوفقكم بالسنه اليدية
اليدد والخريجين والي بالنص
الله يسهل عليكم وتكون هذه السنه اساهل سنه عليكم والي بعدها اسهل والي بعدها اسهل واسهل

ان شاء الله تتظبط جداولكم كلها واوقاتكم تكون منظمة

واقولكم نصيحه صغيرووونه اول ما يبدي الترم وتعرفون الدكاترة راح تسمعون انواع التحبيط من الي حولكم
مااالكم شغل انا قاعده 5 سنين بالجامعه ولا أي احد عاجبها أي دكتور كله لو خذيتي عند هذاك احسن وهذا فيه وفيه
الحمد الله اني كنت اطنش وكانت معاملتي زينه معاهم لاكنت ارادد وكنت اركز معاهم وهذا الي يبونه عطوهم الي يبون عشان ترتاحون

الله يوفقكم وتكون خفيفه لطيفه عليكم

وحبيت اعطيكم شي يريت الكل يخلي عنده
انا شفته باخر ترم لي لاني كنت بنبط ومو قادرة وكان يحمسني واااايد

تفظلوا

http://www.youtube.com/watch?v=h5WY0...tBCGU5axx3tmRh

ايه وشي ثاني وااايد مهم

خلكم مع ربكم دايم مو تدعون وتصلون بس وقت الامتحانات ويعد ما تاخذون الي تبون تبطلون
الله يعطي الذاكرين اكثر من السائلين
واريح لكم
اقروا كل يوم اول ماتقومون صفحه قران وحده وروحوا الجامعه
بكل تفاؤل مهما كانت المواقف الي صارت او الي متخيلنها بتصير
البنات انتوا مو رايحين حفله مو لازم اللبس الاوفر والمكياج
والاولاد انتوا مو رايحين ديوانيه حق الربع
انتوا رايحين تدرسون
في وايد اشياء بتصير حلوة ولازم تصير اشياء ما تعجبكم
بس والله والله انه لما تخلصون بتحسونها تااااااااااااااااااااااااااااااافه ومالها داعي
ولا كان له داعي أي تصرف بعصبيه
خلكم هادين لان كل شي بيصير اولا الله كاتبه ثانيا والله ما يسوى

الله يوفقكم كلكم واسأل الله ان يرزكم كلكم بدون استثناء سعاده لا نهايه لها

:rose::rose::rose::rose: