هل أتخرج هذا الترم أم الترم الدراسي المقبل !؟؟
 

السلام عليكم ورحمة الله وبركاته

اخوتي طلاب وطالبات جامعة الملك فيصل رحمه الله وغفر له

أرغب باستشارتكم بخصوص جدولي الدراسي في الترم المقبل

وإن كان الوقت مبكراً للتفكير في ترتيب المواد ولكني رغبت بقطع حيرتي الكبيرة بقرار أخير لارجعة فيه

المواد المتبقية لي كالآتي ،،

http://im81.gulfup.com/ApuvWK.png

وأفكر ..

هل آخذها جميعها وأتخرج هذا الترم

أم أقسمها إلى ترمين منفصلين وبذلك يتأخر تخرجي

رأيكم يهمني ،

ولكم جزيل الشكر والإمتنان :icon1:

رد: هل أتخرج هذا الترم أم الترم الدراسي المقبل !؟؟
 

اختيارك لأخذ المواد كلها او لا يعتمد بالأساس على ظروفك الشخصيه وما اذا كنت مو مستعجلة واذا يهمك المعدل
انا مثلك المفروض كان الترم اللي راح اتخرج وكان عندي 10 مواد فاضطررت اخذ 7 منها وخلصت منها الحمد لله والثلاثه الباقيه ان شاء الله راح اكملها هالسمستر كانت لاظروفي الشخصية وخوفي على المعدل سمح لي اخذ اكثر فشوفي الوضع اللي يناسبك وانتي تقدرين تحددين اخذ المواد كلها او لا . فاذا تفكرين تاخذنن جزء منهم حاولي تخلصين اللي بالمستويات السابقة عشان لايصير تعارض في الترم الجاي ومايبقى لك الا من مواد المستوى الثامن . وان شاء الله اكون افدتك :119:

رد: هل أتخرج هذا الترم أم الترم الدراسي المقبل !؟؟
 

وعليكم السلام ورحمة الله وبركاته

هلا اختي دخنتوس

هذي موادك حسب جدول الاختبارات ضبطتها لك

http://im68.gulfup.com/2ZFXbx.jpg


أنا اشوف عندك مشكلتين تواجهك أختي أول مشكله ان عندك تعارض مادتين ومادري الجامعه

بيسمحون لك تاخذين المادتين هالترم هذا مثل ماصار معي الترم اللي راح وسمحوا لي أخذ مادتين

فيهم تعارض واختبرهم بوقت واحد أو لا..

والمشكله الثانيه هو ضغط المواد ورى بعض خصوصاً عندك الـ 3 أيام الأولى بالاختبارات راح تختبرين 4 مواد

يعني هذي يبي لها مجهود كبير ولازم تهيأين نفسك من بدري لهالشي وانا اخوك ولاتنسين ان عندك مادة

مشروع التخرج وهالماده مشكلتها مافيها اختبار لكنها عله :icon9: لأنه على حسب الدكتور فأنا من

رايي تاخذين 4 مواد هالترم مع مشروع التخرج وتخلين 5 مواد آخر ترم عشان ماتنضغطين ولا ينزل معدلك

وغير كذا تحطين احتياط ترم لأن مشروع التخرج مشكلته مشكله اختي دخنتوس هذا رايي وانتي فكري

وشوفي الأنسب لك قبل تقررين .. ربي يوفقك ويسهل عليك ويحقق لك كل ماتتمنين :004:

رد: هل أتخرج هذا الترم أم الترم الدراسي المقبل !؟؟
 

بمآ ان باقيلك تسع موآد بالاضافه الى البحث
نصيحه لوجه الله خذي خمس مواد الحين واربع السمستر الجاي

والترم الثاني سريع مجرد مايخلص الترم الاول بتشوفينا بدينا بالثاني
تاجلين تخرجك 3 شهور وتكسبين تركيز اكثر عالمواد ومعدل اعلى بأذن الله
ولاتضغطين نفسك هالترم وينزل معدلك ويتوزع تركيزك بين كثرة المواد وضغط البحث

بالتوقيق .. :love080:

رد: هل أتخرج هذا الترم أم الترم الدراسي المقبل !؟؟
 

نعم الراي
:(204)::(204):

رد: هل أتخرج هذا الترم أم الترم الدراسي المقبل !؟؟
 

كان فيه تعارض مواد اذا فيه اجليه وماتفرق اللي صبرك سنين يصبرك كمن شهر
اما اذا كنت متفرغه تماما ومعدلك مايهمك اهم شي تعدين وانحلت سالفه التعارض خذيهم كلهم مثل ماقلتلك يعني اذا ظروفك تسمحلك

مشروع التخرج ماعليه اختبار انا باخذها الترم ذا وسمعت يبيلها تركيز

تاريخ الخليج ماده عامه لو تجلسين عليها هاليومين راح تخلصينها وسهله شوفي اسئله الاترام الماضيه وتاكدي من الدكتور هو نفسه اولا



لكن نصيحتي الاخيره انك تقسمينها


وبالتوفيق يالغاليه

رد: هل أتخرج هذا الترم أم الترم الدراسي المقبل !؟؟
 

ياجعلكم بالجنة ياااااااارب أشكركم وبعنف على التعاون الجميل أفدتوني عسى ربي يسسعدكم

خلاص بآخذ برآيكم وآخذ اربع مواد مع مشروع التخرج مثل ماقلت أخوي صالح الروقي

عشان أضمن إني ما أخذ ترم عاشر إذا ماعديته وماراح أضغط نفسي مع إنه ماورااي شئ بس عشان المعدل

أخاف ينزل مثل ماقلتو

ي حبي لكم ششششكراً قد السسسماء :icon19::icon19::icon19::icon19:

رد: هل أتخرج هذا الترم أم الترم الدراسي المقبل !؟؟
 

خليها على ترمين أفضل لرفع المعدل .