|
مطلوب عنوان او موقع الجامعة في الاحساء بالضبط؟؟؟
السلام عليكم ورحمة الله وبركاته
يا حبايب شلونكم ان شاء الله تكونون جميعا بأتم الصحة والعافية باختصار شديد اخوكم معلوماته صفر عن الشرقية ما ادل شي ابدا .. بالأخص الهفوف او "الحسا" :Looking_anim: وناوي اسافر الشرقية بعد فترة استلم وثيقة التخرج والذي منه ..... فياليت احد يتكرم علي ويدلني على مكان الجامعة في الهفوف بالتحديد والتفصيل و .. وش اقرب حي او منطقة للجامعة ممكن نسكن فيه "شقة او فندق مثلا" :(107): الله يسعدكم ويرضى عليكم :004: |
رد: مطلوب عنوان او موقع الجامعة في الاحساء بالضبط؟؟؟
الاحساء _الهفوف_الخالديه
|
رد: مطلوب عنوان او موقع الجامعة في الاحساء بالضبط؟؟؟
اقتباس:
الله يوفقك بانتظار المزيد من "الوصف الدقيق" :53: |
رد: مطلوب عنوان او موقع الجامعة في الاحساء بالضبط؟؟؟
يسعدلي صباحك اخوي حاتم
اسمع انا بوصف لك وانت جاي من الرياض اول ماتدخل الاحساء لاتروح لا يمين ولاشمال خلك ع طول لما تجيك اخر اشاره بعدها حرف t انت خذ يمين وخلك ع طول لما تجيك اشاره شف الجامعة قدامك اتمنى الوصف واضح واذا ماظبط معك الوصف علمني وين مكانك وامر عليك ونروح للجامعه ع فكرة انا ماوصلت للاحساء الا البارح علشان استلم الوثيقة |
رد: مطلوب عنوان او موقع الجامعة في الاحساء بالضبط؟؟؟
هذا الكلام منقول من احد الشباب بوصف الموقع:
... توكلعلى الله صلي الفجر و امسك خطك الاذان بالرياض الفجر الساعة 4 تخلص الصلاة 4.30على حسب المسجد وان شاءالله 8 ونص أو 9 بالكثير وانت بالجامعة والظهر مخلصاذا طولت يعنى و صلاة العصر وانت في الرياض أو قبلها بكثير تمر أقرببوفيه تأخذ فطورك و الا أفطر في محطة لتر ( مقهى دوه ) الفطاير ممتازة مع شايتلقيمه ... وخذ واحد ثاني للخط عشان تروق أكثر بعد تفتيش ( سعد ) أول كبريخذ يمين معاه ( انتبه ساهر ثابت عند محطه ابوهيثم قبل التفتيش حق سعد بالوسط ) يعنى خلك على 120 كم من طلعتك من الرياض الين تعدي تفتيش سعد و تدخل يمينمن الكبرى اللي بعد التفتيش بعدها خذ راحتك و امسك خطك لين الاحساء ومن عنداول اشارة ( بنده ) امشي سيدا ( تجيك اكثر من اشارة ) لين تجيك اشارة علىيمينك بالزاوية محل حق حج و عمرة ( ناسي اسمه ) تعدى الاشارة و الاشارة الليبعدها على طول يمين اسمه شارع الجامعة وامشي لين تجيك اشارة عند محطة بنزين ويسارك بعيد الشر ( السجن ) ادخل يمين و أول اشارة ادخل يسار هذه البوابةالرئيسية طبعا على يمينك مطاعم و شقق مفروشة مقابل البوابةالرئيسية طبعا فيه أكثر من وصف بس عطيتك الاسهل عشان ماتضيع واللهالفنادق و الشقق بالاحساء لك عليها ... الا اذا تروح الانتر بس بعيد احسن لكتخلص أمورك و ترجع على طول أو انزل الخبر غير جو وثاني يوم أرجع الرياض |
رد: مطلوب عنوان او موقع الجامعة في الاحساء بالضبط؟؟؟
السلام عليكم أسهل شي إذا مو عارف شي استخدم خريطة Google جدًا مفيدة حدد موقعك و الموقع اللي بتروح له يحدد لك بخط و يقول لك كم المدة بالدقيقة و الله يوفق الجميع |
رد: مطلوب عنوان او موقع الجامعة في الاحساء بالضبط؟؟؟
اقتباس:
صباحك سكر ياغالي وصفك واضح جدا ماقصرت الله يجعل والديك في الجنة اوما انا ريض .. ممكن بعد اسبوعين ثلاثة الله اعلم .. حسب الظروف اقتباس:
لاهنت وانا اخوك الله يسعدك انت وراعي الوصف جزيل الشكر اقتباس:
فعلا خرائط جوجل مفيدة الله يكتب اجرك |
رد: مطلوب عنوان او موقع الجامعة في الاحساء بالضبط؟؟؟
خريطه قوقل توكل على الله واعتمدها مضبوطه
الحسا كلها متاهات |
رد: مطلوب عنوان او موقع الجامعة في الاحساء بالضبط؟؟؟
اذا بتروح للجامعة ياليت تفيدنا
فاتني التسجيل وودي اقدم هناك |
رد: مطلوب عنوان او موقع الجامعة في الاحساء بالضبط؟؟؟
اقتباس:
|
| All times are GMT +3. الوقت الآن حسب توقيت السعودية: 04:07 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام