|
الذهاب للاحساء من الرياض
سلام كيف حالكم يا شباب انا ان شاء الله ناوي اروح للاحساء الاسبوع القادم لاستلام الوثيقة بس حبيت اسال هل يحتاج الواحد انه يستاجر فندق علشان الاستلام الوثيقة وهل فيه شقق مفروشة عند الجامعة للعزاب ولا كل شي للعوائل ووش افضل طريق للاحساء من الرياض شاكر ومقدر لكم جميعا
|
رد: الذهاب للاحساء من الرياض
اخوي فيه طريقين يودون للاحساء
الاول: طريق الرياض الدمام بعد ما تمشي تقريبا 105 كم و لما توصل لسعد ادخل المخرج (طريق الهفوف-خريص) وراح تمشي 200 كم وبعدها بتلاقي لوحه مكتوب عليها جامعة الملك فيصل الثاني:طريق الرياض الدمام بعد تقريبا 250 كم مع مخرج مكتوب عليها عريعره والنعيريه ادخل معه بتمشي 90 كم لكن من المخرج لحد ما توصل للاحساء لايوجد محطات لذا ارجح الخط الاول وفي كل الطريقين انصحك تمشي فيها بالنهار لان الطريق مليان بعارين وانتبه طريق السلامه وتروح وتجي بالسلامه |
رد: الذهاب للاحساء من الرياض
يوجد شقق قريب الجامعه معليك لاتخاف عزاب وعوائل
|
رد: الذهاب للاحساء من الرياض
اساسا الفندق اللي بتستاجر منه يوجد شقق عوائل وعزاب كل الفنادق كذا مخصصين الدور الاول للعوائل والثاني للعزاب واتوقع انه ما يحتاج تستاجر لانه لو جيت بدري راح تخلص بدري وراح تاخذ وثيقتك نفس اليوم
|
رد: الذهاب للاحساء من الرياض
اقتباس:
وممكن الله يعطيكم العافية ترشحون اسم فندق نظيف وقريب من الجامعة |
رد: الذهاب للاحساء من الرياض
توكل على الله صلي الفجر و امسك خطك
الاذان بالرياض الفجر الساعة 4 تخلص الصلاة 4.30 على حسب المسجد وان شاءالله 8 ونص أو 9 بالكثير وانت بالجامعة والظهر مخلص اذا طولت يعنى و صلاة العصر وانت في الرياض أو قبلها بكثير تمر أقرب بوفيه تأخذ فطورك و الا أفطر في محطة لتر ( مقهى دوه ) الفطاير ممتازة مع شاي تلقيمه ... وخذ واحد ثاني للخط عشان تروق أكثر بعد تفتيش ( سعد ) أول كبري خذ يمين معاه ( انتبه ساهر ثابت عند محطه ابوهيثم قبل التفتيش حق سعد بالوسط ) يعنى خلك على 120 كم من طلعتك من الرياض الين تعدي تفتيش سعد و تدخل يمين من الكبرى اللي بعد التفتيش بعدها خذ راحتك و امسك خطك لين الاحساء ومن عند اول اشارة ( بنده ) امشي سيدا ( تجيك اكثر من اشارة ) لين تجيك اشارة على يمينك بالزاوية محل حق حج و عمرة ( ناسي اسمه ) تعدى الاشارة و الاشارة اللي بعدها على طول يمين اسمه شارع الجامعة وامشي لين تجيك اشارة عند محطة بنزين و يسارك بعيد الشر ( السجن ) ادخل يمين و أول اشارة ادخل يسار هذه البوابة الرئيسية طبعا على يمينك مطاعم و شقق مفروشة مقابل البوابة الرئيسية طبعا فيه أكثر من وصف بس عطيتك الاسهل عشان ماتضيع والله الفنادق و الشقق بالاحساء لك عليها ... الا اذا تروح الانتر بس بعيد احسن لك تخلص أمورك و ترجع على طول أو انزل الخبر غير جو وثاني يوم أرجع الرياض وبالتوفيق أخوي |
رد: الذهاب للاحساء من الرياض
انا وصلت الجامعة الساعة 9 الصباح و استلمت الوثايق و مشيت من الأحساء الساعة 11 يعني أخذت ساعتين لإنهاء الإجراءات
بس ضيعت وقت عشان اعرف موقع مبنى التعليم الالكتروني ولا كان خلصت فى ساعة [BIMG]http://im48.gulfup.com/ypz8YQ.jpg[/BIMG] |
رد: الذهاب للاحساء من الرياض
كأني أنا اللي بالشماغ، نفس زولي، ونفس شماغي :smile:
|
| All times are GMT +3. الوقت الآن حسب توقيت السعودية: 01:12 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه