ملتقى طلاب وطالبات جامعة الملك فيصل,جامعة الدمام - شعر ضمني يا نور عيني في حشاك شوية

- ملتقى الفنون الأدبية (https://vb.ckfu.org/forumdisplay.php?f=150)

- - [ شعر ] : ضمني يا نور عيني في حشاك شوية (https://vb.ckfu.org/showthread.php?t=603852)

ضمني يا نور عيني في حشاك شوية

ياعذابي منك ياموتي ويا حرماني
زابنك بالله تخفف عني اللي فيه

من عذابك وشهو اللي باقيَ ماجاني
في عيوني من عذآبك صايرً ماريه

وانت تدري كل ماتحتاجني تلقاني
يشهد الله عنك ماتقدر تشح يديه

بس تكفي لاتعذبني ولا تنساني
ضمني يانور عيني في حشاك شويه

كل ماشفتك تدخلني بعالم ثاني
عين تنظر لك بشر و الثانيه حوريه

فيك شيطان الهوى يامنيتي وصاني
بالغلا و الولف والتقدير و الحنيه

والقصيد اليا بغيته فيك مايعصاني
يتباشر في وصوف عيونك السحريه

و وجودي لو اشوفك يابعد خلاني
و الله لحذف الغتره مع الطاقيه

كيف انا المجني عليه وكيف صرت الجاني
لعنبو حظك ضبطت الخلطه السريه

لين من طيشك ومن حبك نسيت اخواني
صرت اجي و اروح لاهاذي ولا هذيه

والهوى هو حاكم شعوري وهو سلطاني
لاحصل لي منه لارحمه و لا ماويه

اشهد انه راح فيها تركي الميزاني
والله اعلم وش تكون الخلطه السريه