|
السكن .. النقل
السلام عليكم ورحمة الله وبركاته
انا من الاحساء وتم قبولي في كلية الغد فرع الدمام ولله الحمد واموري ان شاء لله ضابطه بس مشكلتي السكن .. ادور على سكن طالبات يكون مناسب ونظيف طبعا غير سكن الحمادي وماعندي مشكله لو في شقه لمجموعه من البنات محتاجين عدد زياده ممكن انضم لهم او لو فيه بنات مثل وضعي ممكن يكون بينا اتفاق وناخذ شقه تضم اربع الى خمس طالبات ويكون بينا نظام معين واحترام متبادل فأي وحده عندها معلومه ممكن تفيدني فيها فلا تبخل عني , وربي ييسر امور الجميع اما بالنسبه للنقل فممكن تفيدوني بارقام سواويق مشاويرهم من الحسا للدمام(الكليه) ومن الدمام(الكليه) للحسا وهذا بكون بشكل مؤقت الى ان استقر في سكن مناسب ويعطيكم العافيه ويوفق الجميع ان شاء الله |
رد: السكن .. النقل
من نآحيـة السكن اككيد البنآت م راح يقصرون معك
بس من ناحية النقل اقدر افيدك انك تنتقلين بالقطآر اكثر امان لك ويكون لك تخفيض وفيه مواعيد منآسبة لفترة الدرآسة |
رد: السكن .. النقل
الردود 1 والمشاهدات 57 ومافي اي تعاون !!
معقوله جميع طالبات الكليه من اهل الدمام وماعندهم معلومات :smile: |
رد: السكن .. النقل
طالبات أهل الاحساء عددهن كبير في الكلية
اقتراح محمد جيد بخصوص ( القطار) اكثر امان ... خصوصا أن هذا الامر مؤقت |
رد: السكن .. النقل
طيب من راح ياخذني من محطة القطار الى الكليه ومن الكليه الى المحطه
فيدوني بارقام باصات او سواويق يعطيكم العافيه :) |
رد: السكن .. النقل
- والله أنَا كنت سآكن بالشرقيَة طُول عمريّ وكل السوآقين آعرفهم =)) بَس حالياً ماعنديّ أَحد من رأيي أول أسبُوع يعني ترُوحين بالقطَار او تشُوفينْ إذا فيه بنات بالأحسَاء بالكُليَة وتروُحين وترجعينْ معاهُم أمَا بالنسبة للسكَن الأفضَل أولاً تروحين وترجعين لبيتكُم ، بَعدين البنَات بالكُلية تقدرينْ تسألينهُم وبإذن الله ترتاحين وتتعوِدينْ , وتسكنينْ بالدمَام فترة الدرآسَة والويكندْ للأحساَء بالقطَار , ومعليك من نآحية السوآقين ياكثرهُم وتقدرين تتفاهمين معَاه , بالتوفيق |
رد: السكن .. النقل
وعليكم السلام و رحمة الله و بركاته . أنا معاي كذا بنت , بس ما حصلنا شقة .. إذا انتِ تعرفين شقة ياليت تقولين لنا و نصير معك . |
رد: السكن .. النقل
[glint]مشكورين ويعطيكم العافيه
سحابه اذا انتو جادات بالموضوع خلينا نتفاهم خاص عشان يمدينا ندور شقه مناسبه تضمنا جميعاً[/glint] |
رد: السكن .. النقل
شوفي احنا تم قبولنا في جامعة الدمام مو في هذي الكلية ,
و ما أقدر أرسل لك خاص و لا انتِ لأن مشاركاتنا أقل من 100 , ----- مادري أنا ما أتواصل إلا مع وحدة منهم .. أول نبي نلقى شقة و بعدها نقرر . طيب كليتكم هذه بعيدة عن جامعة الدمام الي بالراكة ؟ |
رد: السكن .. النقل
ايوه كليه البنات للغد بعيده عن الراكه الراكه قريبه الخبر وكليه
|
| All times are GMT +3. الوقت الآن حسب توقيت السعودية: 09:40 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام