![]() |
انقطاع عن الدراسة بدون طلب
السلام عليكم
عندي استفسار مهم ياليت احد يفيدني بإجابة أنا درست المستوى الاول والثاني عن بعد -إدارة اعمال واجتزتها وسجلت مواد المستوى الثالث كاملة وطلع المبلغ تقريبا 2600 ريال صارت لي ظروف وما سددت المبلغ ولا قدمت تأجيل ولا اعتذار ولا حضرت الاختبار لان الموقع ما فتح معي لآني ماسددت..يعني الحالة كانت غير فعال الان ودي ارجع اكمل ..وش الإجراءات اللي أسويها؟ هل أسدد مبلغ المواد السابقة واسوي تسجيل جديد للمواد وأسد مبلغ ثاني لها؟؟ او أسدد بس مبلغ المواد المسجلة سابقاً وارجع اكمل عادي؟ هل يعتبر رسوب؟ هل يكتب في السجل الأكاديمي رسوب؟؟ |
رد: انقطاع عن الدراسة بدون طلب
عليكم السلام ورحمة الله
اول شي اخوي المواد الي ماسددت رسومها ولا قدمت اعتذار ولا تأجيل رح تكون في سجلك f يعني راسب في جميع المواد الي ماختبرتها ولا اعتذرت عنها ,, الحل انك تجيب عذر على شان تسجل لك المواد من جديد اذا قبلو عذرك وتسدد فقط مره واحده اما اذا ماعندك عذر راح تسدد رسوم المواد وراح تطلب عودة للدرسة , وراح تسدد رسوم جديده ايضا يعني راح يكون المبلغ عليك دبل 5200 لانك راسب في المواد بدون عذر ولا تاجيل ,, وراح تكون في سجلك راسب وامامها f ولاهم اذ عندك رغبه في المواصلة تسدد وتطلب عوده للدراسه من الايقونه في الخدمات الطلابيه |
رد: انقطاع عن الدراسة بدون طلب
اقتباس:
هذا الاستغلال والظلم :017: طيب الطالب أو الطالبة ماحضر المحاضرات ولا دخل النت ولا أدى الاختبار ليه ياخذون منه فلوس المواد اللي سجلها بس مجرد إنه سجلها يلهطون فلوسه حسبنا الله ونعم الوكيل طيب وش خسرت الجامعة من تسجيله للمواد طالما لم يتضح في الانظمة لديهم أنه دخل على النظام وحمل مواد أقل شي ياخذون شي رمزي عشان سجل مواد لكن يلهطونها كلها هذا الظلم بعينه |
رد: انقطاع عن الدراسة بدون طلب
اقتباس:
اخوي تفكير منطقي الجامعة وضعت نظام يمشي عليه الجميع وضعت تقويم زمني فيه وقت طلب الاعتذار ووقت طلب التأجيل واذا انت مسجل في الجامعة ولا انت عارف انظمتها , حرام تتهمهم بهذا الكلام لان فيه نظام لازم يمشي عليه الطالب وفيه شروط لازم يمشي عليها والي يخالف الانظمة والشروط يتحمل غلطه . الجامعه تقبل الاعذار اذا كان عندك عذر عن حضور الاختبارات تقبل عذرك ومبلغ المواد يرجع في حسابك ويتسجل لك المواد من جديد .. |
All times are GMT +3. الوقت الآن حسب توقيت السعودية: 12:08 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه