|
المقابله الشخصية !!
السلام عليكم*
بدخل في الموضوع ع طول .. البنات الي انقبلوا في التخصصات الصحية* وعملوا المقابله الشخصية شنو نوع الأسئلة الي أطرحوها.. ياليت تفيدوني بهذا الشي ..:rose: |
رد: المقابله الشخصية !!
عليكم السلام ورحمة الله وبركاته
اول شيء انا طب بس من الدفعات القديمه ويمكن اللي اكتبه يفيدج... المقابله ما تخوف وعادة المقابله ماتكون سبب للرفض بس عشان يتأكدون من سلامه السمع والبصر والكلام والاعاقات طبعا.. الأسئله تكون عرفي عن نفسج والنسب والدرجات مالتج وليش اخترتي هالتخصص تكلمي عن نفسج مثلا بالانجليزي او قولي جمله عن الطب او التخصص اللي انتي فيه بالإنجليزي ...اشراح تسوين لو ما قبلناج ... اهم شي توضحين ثقتج بنفسج وانج تحبين هالتخصص وانه طموحج من كنتي صغيرة وانج ووضحي ان لو ما انقبلتي تتحطمين وعادي لو تقعدين سنه وتقدمين مرة ثانيه اهم شي هالتخصص .. وعلى فكرة ما قد سمعت ان احد ارفضوا بعد المقابلة...في شيء مهم حاولي انج تسلمين عليهم وما تحطين رجل ع رجل وبعد ماتخلصين صافحيها وقولي يعطيج العافيه بابتسامه موفقه يا رب صلي لج ركعتين قبل ما تروحين وتوكلي ع الله وحاولي تدربين بالبيت اذا حبيتي وثقي بالله ثم بنفسج اولا واخيرا... |
رد: المقابله الشخصية !!
مشكورة ويعطيك العافية ..
جد استفدت ريحتيني الله يريحك كنت احاتي الرفض بعد المقابله ،،، |
رد: المقابله الشخصية !!
ليش هم كم وحده :mh12: |
رد: المقابله الشخصية !!
جزاك الله خير
|
رد: المقابله الشخصية !!
في اكثر من وحدة تسوي مقابله بس انتي تشوفين اسمج عند اي وحدة وتروحين لها بس انتي وياها بالمقابله...ريلاكس لا تحاتون موفقين واي سؤال انا حاضرة باللي اقدر عليه
|
رد: المقابله الشخصية !!
اهم شيء الثقة بالنفس والتوكل على الله
|
رد: المقابله الشخصية !!
السلام عليكم، مقابلتي بكرى ، هل الأسئلة بتكون بالعربي ولا الانجليزي ، لاني موكثير بالانجليزي وحفظت كم كلمه بالانجليزي يعني ليه اخترت التخصص و عن نفسي، فهل تأثر على قبولي او لا ، و جزاك الله خير
|
رد: المقابله الشخصية !!
كلنا بالبداية مو حيل بالانجليزي وهم عارفين هالشي وعشان جذي في سنه تحضيرية تقوي اللغه فلا تحاتين من هالنقطة وحلو انج حفظت جم كلمة حلو لان هم ما راح يطلبون اكثر من جملة او ثنتين....ربي يوفقج ولاتحاتين وانقلي للبنات تجربتج وخبريني شو راح يصير معاج...ثقي بنفسج وتوكلي ع الله
|
رد: المقابله الشخصية !!
المقابلة بالعربي وان شاء الله انها ما راح تاثر ع قبولج لا تحاتين
|
| All times are GMT +3. الوقت الآن حسب توقيت السعودية: 09:31 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه