بخصوص التوصيات عاجل جدا
 

السلام عليكم ورحمه الله وبركاته
ابي اسالكم بخصوص اوراق التوصيات من وين اخذهم وهل لابد اني امر على الدكاتره واحد واحد او اوديها للعميد ويوقع ويختم عليها مره وحده بدل ماروح للدكاتره انفسهم ارجوكم علموني هل اطبعها التوصيات او اخذها من الجامعه علما تخصصي اداره اعمال وشكرا للجميع

رد: بخصوص التوصيات عاجل جدا
 

اكتب بقوقل نموذج توصيات جامعة الملك فيصل
وتحصلها موجودة وعليها شعار الجامعة ... انا طبعتها من قوقل ورحت لهم وكتبوا وختمتها على طول
اطبعها ورح بها للجامعة و للدكاترة بالذات
انا رحت للجامعة الاسبوع الماضي انا ادارة اعمال وحصلت السوداني مصدق ( موضوعات خاصة ) ومصلح العضائلة ( الكترونية ) ويحضيه سملالي ( ادارة التغيير ) فقط والبقية اجازات ... وجميع هذه المقررات حصلت فيها على ممتاز لانهم طلبوا مني السجل الاكاديمي ليتاكدوا من التقدير واخذت منهم الثلاث توصيات دون علمهم لانهم اذا علموا بان لديك توصيتين راح يرفضون .... طبعا الثالثه احتياط هههههههههه
وفقك الله واتمنى افدتك

رد: بخصوص التوصيات عاجل جدا
 

طيب ياخوي هل اجد عندهم اوراق نموذج التوصيات بالجامعه واذا لا هل فيه خدمات طلابيه اطبع من عندهم نموذج التوصيات ونموذج السجل الاكاديمي وشكرا لك على الرد

رد: بخصوص التوصيات عاجل جدا
 

السجل الاكاديمي اطبعه انت افضل لك من مكتبة او غيرها لانهم مو فاضين لك ... كويس يردون السلام
التوصيات عندهم على الاجهزة بس على ورقة بيضاء وفيها سطرين يعني بالعربي مالها داعي كشكل .. بس اللي عليها شعار الجامعة شكلها ومعلوماتها مرتبة وجاهزة للكتابة

رد: بخصوص التوصيات عاجل جدا
 

الله لايهينك ياولد الشيخ بس ياليت ترسل لي موقع التوصيات او تنزله لي بي دي اف واكون لك من الشاكرين وتلقى دعوه طيبه في رمضانوياليت تكون بالانجليزي وشكرا

رد: بخصوص التوصيات عاجل جدا
 

بالنسبة للتوصيات في اي مادة اخذت فيها ممتاز وإلا ضروري من مواد التخصص

رد: بخصوص التوصيات عاجل جدا
 

المواد الي خذيت فيه ممتاز ويفضل بالتخصص

رد: بخصوص التوصيات عاجل جدا
 

لازم فقط ممتاز جيدجدا ينفع ولا ما يعطوك توصيه ؟