|
تغير التخصص
السلام عليكم انا بتخصص مختبرات بس حابه اغيرالى اشعه شرايكم ابغى اراء اصحاب التجارب اي التخصصيين انسب |
رد: تغير التخصص
من ناحيتي أنا ، كلها حلوه بالدراسه ، لكن كمستقبل وظيفي انا اشوف الاشعه حلوه لأن اتذكر اخوي خريج مختبرات جامعه حكوميه قبل 6 سنوات ويوم تخرج قعد سنه عاطل . ولو ما طالب بالتوظيف ورفع خطابات وبرقيات هو ودفعته كان هو جالس يقطع طماطم مع شغالتنا عشان رمضان ^_^ . لكن بالنسبه للأشعه فهي سريعة التوظيف تقرييا .
بالنسبه للوظيفه ، إذا انتي تحبين العمل والحركه ؟ فالمختبرات حلوه وفيها علاقات أجتماعيه بشكل كبير وفيها طلعه ونزله وممتعه وهو القسم الوحيد المعزول عن المستشفى بحيث ان مافيه مراجعين يقلطون معك بالقسم مثل الأشعه . ولكن اذا تبين الدلع والراحه عندك الاشعه . بالنسبه لسلبيات هالقسمين فالمختبرات قد تنقل لك اي فيروس بالغلط لان كل يومين يجي اخوي البيت وهو مزكم خخخخ والله يستر من كورونا . والأشعه مضره وعاد م يحتاج نقول وش الاضرار اللي يمكن تحدث لك اذا تعرضتي لها بالغلط لا سمح الله . وركزي اني كاتب لك بالغلط يعني لو حرصتي واخذتي اسباب الوقايه زين انشاء الله انه م يصير لك اي شي . الزبده هذا اللي اعرفه عن القسمين رغم اني ما درست فيها لكن كان لي احتكاك مع طلاب هالقسمين ، وحبيت اتكلم عن اللي اعرفه وما أبخل عليك . وعسى الله يختار اللي فيه الخير ♡ |
رد: تغير التخصص
اشعه طبعا
|
رد: تغير التخصص
ماقصرتو الله يعطيكم العافيه
بس خااايفه مايرضون يغيرون التخصص |
رد: تغير التخصص
كل التخصصات بما فيها الطب ممكن ما تتوظف مباشرة ولازم فترة كم شهر لحد ما تلاقي الوظيفة فخلوا هالاحتمال في راسكم ...
بالنسبة لاختيار التخصصين فاختاري التخصص الأنسب لقدراتك كل تخصص من التخصصين يختلف عن الآخر ويعتمد على أشياء مختلفة و الصعوبة في كل تخصص يختلف عن الآخر ... فلو هتختاري تخصص لمجرد أنه في هذا الوقت مجال التوظيف لتخصص أفضل من الآخر فهذا لا يكفي ... لازم تختاري التخصص الأنسب لقدراتك وتميلي له بشكل أفضل ... وللأسف أكثر الطلاب معلوماتهم عن التخصصات ومقرراتها محدود أو خاطئ شوفي الأشياء اللي أنتي قوية فيها و تميلي لها في نفس الوقت بعدها شوفي أي التخصصين بتلاقي فيه الأشياء اللي انتي قوية فيها وتميلي لها أكثر واختاريه .... مو فقط لأن الناس يمدحوا تخصص ولا لأن وظائفه الآن أكثر ... هذي المرحلة مجرد مرحلة عبور تنقلك من نقطة لأخرى لما تتجاوزيها بتلاقي خيارات أوسع واحنا بيدنا نضيقها أو نوسعها على نفسنا ... |
رد: تغير التخصص
اقتباس:
|
رد: تغير التخصص
- التخصصين كلها حُلوة وطبعاً إنتي أختاري حسب الأنسب ولك رغبة فيه .. آما بخصوص التوظيف لو مثلاً تأخر التوظيف شهور او سنة فعادي لأن ياكثثثثر اللي كذَا لكن لاتدخلين شيء بس عشان التوظيف مٌباشر لأن الوظيفة طٌول العمر وبتصرفين من راتبها عشان كذا فكري زييين وقرريّ وبالتوفيق لك ولنا جميعاً . |
| All times are GMT +3. الوقت الآن حسب توقيت السعودية: 04:28 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه