قبل أشوفك
 

يوم هبّ الوقت وأعماني عجاجه

.........الفرج عيّا .. وأنا بالصبر راهي

ويوم مال وطال ميله وأعوجاجه

..........رحت أدوّر شي ٍ يشد إنتباهي

وشفت زولك مقبل ٍ مثل إنفراجه

...........كنّه اللي جايبٍ عزّي و جاهي

ياه ياضيقات صدري وإبتهاجه

.............تذكر آخر مرة ٍ شفتك ..متى هي !!

صاحبك من يومها زاد إحتياجه

...........وأمتطى ظهر المصايب والدواهي

سولف الليله على قلبي و ناجه

............من بقى لي غيرك أفخر به وأباهي

يابعد من كدّر غيابي مزاجه

............ويابعد من مرّت حروفه شفاهي

رغم حيرة قلبك ورغم إنزعاجه

...........الزمن .. ماغيّر احساسه تجاهي

ورغم وحشة بعدك وقسوة سياجه

............كل حاجه فيك ظلّت مثل ماهي

الخجل في وجهك أول مـ نتواجه

.............والبراءه في عيونك وأنت ساهي

وبسمتك لامن بغيت تقول حاجه

.............وغيرتك لاشفت كنّي عنك لاهي

قبل أشوفك .. والزمن عاقد حجاجه

..............أسأله : وش فيك ؟! وألقى العذر واهي

ويوم شفتك قلت للوقت وعجاجه :

.............هيه ياللي في طعونك كنت راهي

أنت لو غيّرت فينا ألف حاجه

..........القلوب البيض تبقى مثل ماهي


فهد المساعد

رد: قبل أشوفك
 

_


طرَح رآئع واختيار جميل جدا
ذائقه جميله منَك ياخوي ..
صح لسان الشاعر فهد
وسلمت اناملك مشعلي ع النقل
مبدَع كعادتَك ~
دمت بخير
دوك:rose:

رد: قبل أشوفك
 

مدخل طاقي "ونص راقي" ومخرج وافي

صح لسانك ولسان شعّار الأبيات الرائعة والجزله

لاهنت ولاعدمناك ي "مشعلي"

دمت بود ي الغالي

رد: قبل أشوفك
 

ابيات جميله ومميزه منك اخي مشعلي

ومدخل ومخرج راقي
احترت أي بيت اقتبس
كلها رائعه وتحركك الاحساس

سلمت يمينكك
:rose::rose:
اشكرك على الدعوه

رد: قبل أشوفك
 

يعطيك العافية مشعلي

رد: قبل أشوفك
 

صح لسان الشاعر

ولاهنت أخوي مشعلي

رد: قبل أشوفك
 

رائعه صح السان شاعرها وسلمت يمين ناقلها

رد: قبل أشوفك
 

..............أسأله : وش فيك ؟! وألقى العذر واهي

ويوم شفتك قلت للوقت وعجاجه :

رووووعه
راق لي
شكرا مشعلي

رد: قبل أشوفك
 

اهلاً مشرفتنا المبدعه
الجمال والابداع في حروفك الانيقه
تسلم روحك الجميله تشرفت بأشادتك..
سعدت جداً بهذا التواجد المميز..
لك شكري وتقديري

رد: قبل أشوفك