|
رسالة الترشيح منهم
السلام عليكم ورحمة الله وبركاته هذه مشكلة ولد اختي
انا سجلت بجامعة الدمام وطلبوا مني احط الرغبات واليوم جتني رسالة يقولون لي تم ترشيحك للقبول ادخل وشوف ودخلت مكتوب على الرغبات الطب طلب والهندسه طلب والعلميه طلب اما الدراسات التطبيقيه الي انا حاطها قبل الاخير قبول مشروط وكاتبين تبارك لك جامعة الدمام ترشيحك للقبول للعام الجامعي 1435/1436 هـ (قبول مشروط بإنهاء جميع الاجراءات الالكترونية) في البرنامج المحدد في الجدول أدناه. عليك القيام بإكمال الاجراءات الألكترونية وذلك بتعبئة البيانات الشخصية والبيانات المطلوبة الأخرى وطباعة اشعار القبول والحضور في التاريخ المحدد في الاشعار لبدء الدراسة . الطلاب المرشحين للمسار الصحي او كلية العلوم الطبية التطبيقية بحفر الباطن عليهم الاحتفاظ بنموذج كشف اللياقة المهنية لحين وصول رسالة نصية تحدد لهم موعد الكشف .ولا يتوجب عليهم الحضور لعمادة القبول والتسجيل لأي إجراء. وتحته مكتوب حالة القبول للمتقدم الأن هي: قبول مشروط الرجاء الضغط على الرابط للدخول إلى صفحة المعلومات الشخصية الاستمرار للتالي انا مو فاهم شي هل انه انقبلت بالدراسات التطبيقيه ويبوني اكمل معلوماتي واصير فيه لان انا ما كنت ابغاه ولا ادري وشو هو اصلا وكنت حاطه الرغبه قبل الاخيره او انهم يقولون انهم يبوني اكمل بياناتي لان اخاف اكمل وخلاص انقبل بذا الي محطوط جنبه قبول مشروط ولا اذا ماكملت بيصير طلبي على المطلوب واذا جاء قبول فيهم اكمل ولا استنى لمن انقبل بالي ابي واكمل احد يفهمني يعطيكم العافيه |
رد: رسالة الترشيح منهم
اذا فيه قبول مشروط يعني قبلوك بالكلية هذا الللي اعرفه
|
رد: رسالة الترشيح منهم
انت كمل الاجراءات الالكترونية المطلوبة عشان تدخل في المنافسة للدفعة الثانية يمكن يقبلوك بتخصص برغباتك اللي في البداية
|
رد: رسالة الترشيح منهم
وعليكم السلام ..
اولاً مبروك القبول .. ثانياً اود التوضيح لك عن سياسة القبول في جامعه الدمام .. انت الان انقبلت بكلية الدراسات وفوقها رغبتين .. اذا اكملت بياناتك الان وارفقت المطلوب , تنتظر الدفعتين الجايه لو الدفعه الثانيه نزلت نسبة المسار العلمي ووصلت الى نسبتك , طلبك يترقى تلقائياً وتصير طالب بالمسار العلمي ولو بالدفعه الثالثه نزلت نسبة المسار الهندسي الى نسبتك يترقى طلبك تلقائيا وتصير طالب بالمسار الهندسي .. فهمتني ؟ |
رد: رسالة الترشيح منهم
كم نسبتك الموزونه ؟
/ وقفت نسبة الدفعه الاولى ب الدراسات 84.86 .. وهي اعلى نسبة من المسار الهندسي والعلمي . . اذا ممكن تقول لي نسبتك الموزونه |
رد: رسالة الترشيح منهم
نسبتي الموزونه 81.020
|
رد: رسالة الترشيح منهم
اقتباس:
|
رد: رسالة الترشيح منهم
غريب والله قبلوك بالدراسات وانت نسبتك اقل من اللي وقفوا عليها ..
من المستحيل انهم ياخذون نسبة اقل من اللي وقفوا عليها .. لكن ان شاء الله هذي بداية الخير لك و نسبتك ممتازه , ان شاء الله تنزل النسب بالدفعات الجايه وتترقى للرغبه اللي تبغاها ياخوي توكل واضمن مقعدك وكمل باقي الاجراءات , كمل باقي البيانات المطلوبه ولو قبلتك جامعه ثانيه بتخصص افضل تقدر تسحب اوراقك منهم + تاخذ اخلاء طرف |
رد: رسالة الترشيح منهم
ماقصرت ريمنقو ولا الباقي معك بس مافي غلط ولا شيء ، نسبته فعلا اقل من المسار العلمي ببعد الفاصله يعني بإذن الله الدفعه الجايه راح يكون رقوه الى العلمي او الهندسي بس عدم تسليمه للاوراق الآن يسقط حقه بالقبول حتى لو نزلت النسب لباقي الرغبات الى نسبته يعني قبل ماتنتهي المده المحدده للتسليم للدفعه الاولى عليه يسلمهم / ونفس ماقالت ريمنقو في حال قبلته جامعه ثانيه بتخصص افضل يقدر يسحب اوراقه مع ورقة اخلاء الطرف .. واذا بيرسل اوراقه للجامعه الثانيه ضروري يرفق ورقة اخلاء الطرف معهم والف مبروك قبوله |
رد: رسالة الترشيح منهم
يمه شلون بدو بالقبول وهو تو فتحو التسججيل اصلااا
امس سجل اخوي بالجامعه |
| All times are GMT +3. الوقت الآن حسب توقيت السعودية: 05:12 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام