|
عاجل نداء لطالبات الجغرافيا
السلام عليكم حبيباتي انا تخصصت جغرافيا غصب وتضايقت و خايفة لأن كليتنا هنا كل شي فيها صعب ويعقدون الشي ابيكم تطمنوني الله يطمن قلوبكم كيف طريقة الدراسة معكم سهلة ولا صعبة؟ تحسون انفسكم مضغوطين مرة ولا عادي ؟ الدكتورات نظامهم كيف يساعدون وشرحهم حلو ولالا ؟ انا احب الجغرافيا بس شي معين منه بقول لكم كيف يعني انا احب مثلاً علوم الارض ( مثلاً انواع الصخور وتاريخ الارض بدايتها كيف كانت ومكوناتها اشياء علمية يعني ) وعلوم الفلك والفضاء والكواكب وكذا يعني باختصار الجغرافيا العلمية هالشي تدرسونه هنا ولا مثل المدرسة كله خرايط وقارات ومناخ وكذا ؟ :icon9: يارب فهمتوا علي طيب ايش ممكن اشتغل بشهادة الجغرافيا غير التدريس ؟ تكفون ردوا طمنووني :bawling::bawling: |
رد: عاجل نداء لطالبات الجغرافيا
صديقتي أنقبلت جغرافيا وهي ماتبيه وكان معدلها منخفض
قعدت تقول بكمل ترم بس وبعدها بحول يوم كملت ترم حبته كثير !! المواد كانت كلها تجيب فيهم عالي لأنها تقول انهم مره متساهلين معاهم صحيح فيه دكاترة مش كويسين بس نادراً تلقين بهالقسم . معدلها ارتفع مره وماتوقعت بيوم بتحب الجغرافيا . انا مو جغرافيا فما اعرف شي عنه بس بقولك جربي نفسك ترم لو ما اعجبك يمديك تحولين ان شاءالله |
رد: عاجل نداء لطالبات الجغرافيا
الله يوووفقك ياررب ويسهل لك الطريق .. ويكتب لك الخير ..
واسمه تغير صار الجغرافيا ونظم المعلومات .. وأتمنى يفيدوونك البنات . :004: |
رد: عاجل نداء لطالبات الجغرافيا
وانا بعد دخلت قسم الجغرافيا غصب :smile:
بس حبيته بعدين هو سهل بعض الشي والدكاتره مررررااا طيبين ومتفاهمين ويساعدونك وفي بعضهم شديدين مو كثيرر قليل و شرحهم حلوو خصوصاً الدكتورة هنادي و ايمان عبدالصمد :love080: وطبعا في ماده خاصه بالمناخ وهذي الماده لازم تنجحين فيها لانها لها متطلبات كثيره :16.jpg: وفي صخور وتربه واللي تحبينه :sm5: عموما الجغرافيا ممتعه لا تخافين وشسمه في وظايف كثييره لها م راح تندمين ع التخصص ذا ان شاءالله :icon1: .... هذا دليل الطالبه فيه كل شي المواد اللي راح تدرسينها والوظايف http://www.ud.edu.sa/cs/groups/publi...eug_art_ar.pdf |
رد: عاجل نداء لطالبات الجغرافيا
القسسسسم ممتع وكل اللي ذكرتيه ندرسة وب العكس لا ضغط ولا فيه صعوبه
|
رد: عاجل نداء لطالبات الجغرافيا
جزاكم الله الف خير حبيباتي ريحتوني الله يريح قلوبكم وان شاء الله يكوون سهل :004: |
رد: عاجل نداء لطالبات الجغرافيا
اول شي الف الف مبروك على التخصص
وبنسبة لقسم الجغرافيا يدرس جانبين طبيعي وبشري وفية مواد طبيعية تدرسين فيها تكوين الارض والصخور والاغلفة الجوية والتلوثات وغيرها ... اما الجانب البشري فيدرس النقل والمواصلات والصناعه والتجارة وغيرهااا والمواد البشرية غالبا تكون اسهل بكثير من الطبيعه . وفية مواد ضرووري تدرسينها لان متطلب لمواد لمستوى اعلى وهي مواد عملية مثال : اساليب الكمية و المساحة والخرايط .. بنسبة لدكاترة انا اشوف ان قسم الجغرافيا هو القسم الوحيد اللي دكاترتهمم متساهلين مررة وينعدون بالاصابع اللي شديدات وبالتوفيق حبيبتي وان شاءالله تستمتعين وتحبين القسم ��❤️" |
رد: عاجل نداء لطالبات الجغرافيا
حبيبتي الجغرافيا شي جميل وممتع انا كنت عربي وحولت جغرافياآ والحمممممممممممد للة أحس أني أنقذت نفسسي من الجحيم وربي عسسسل غير انه دراسة الآ انو فية متعه وأنتي تدرسين المآده تحسين تعيشين جو وكذآ
ف لآ تخافين وتوكلي على اللة وأن شاء الله بتحبينة ومن ناحية دكآترة القسسسم حسسيت تعاملهم جميل ومرآ يساعدونك بس أنتي شدي حيلك وربي يوفقك لطريق الخير وايآك آجمعين |
رد: عاجل نداء لطالبات الجغرافيا
حبيباتي انتوا والله ماتقصرون كنت مرة خايفة بس الحين صرت احسن طمنتوني تفائلت وتحمسست :71: جزاكم الله الف خير :004: :004: :11: والله يبارك فيك اختي شو هيدا الحتسي :rose: |
رد: عاجل نداء لطالبات الجغرافيا
السلام عليكم بنات بغيت مساعدتكم بشي الله يعافيكم ايش اسهل او اخف مادتين بالنسبة لأول ترم تخصص ؟ وابي تتكلمون لي عن الدكتورات لو باختصار ؟ عشان لو اخترت وحدة وكانت مو موجودة اقدر اختار بديلة وانا متطمنة بصراحة مواد التخصص كثار ومابي اجازف وآخذها كلها من اول مرة اخاف ما اتاقلم معاه او ما ارتاح واتوهق ما اقدر اكمل وما اقدر احول :39: فـ قررت اني آخذ مادتين تخصص ومادتين او ثلاث عامة منها اجرب التخصص عشان اذا عجبني ان شاء الله اكمل ومنها لو ما ارتحت فيه مايكونون موادي كثار اقدر ارفع معدلي بسهولة واحول مع ان انتوا ماقصرتوا وخففتوا عني خوفي وجد ارتحت للقسم اكثر من قبل و انه مابيكون صعب للدرجة اللي تخيلتها جد جد مشكوراااات :004: :004: :11: بس ما ادري التجربة غير عن الكلام :42: والله يكتب اللي فيه الخير ويعطيكم الف عااافية مقدماً :004: |
| All times are GMT +3. الوقت الآن حسب توقيت السعودية: 06:05 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه