|
حتى تكون كليتنا أفضل ... تفضل ...
صباح الخير
فتحت موضوع آخر لزيادة التعريف بكليتنا فتحول الموضوع لنقاش عن السلبيات، فطالما هناك رغبة للحديث عن السلبيات فليكن هذا الموضوع خاص بذلك ... أولا ليكن واضحا أن حجم السلبيات ونوعها تختلف من فرع لآخر فلنراعي ذلك ... ثانيا ليس بالضرورة ما تراه سلبيا هو بالضرورة أمر سلبي فعلا ثالثا ليس كل أمر سلبي يؤثر حقيقة على العملية التعليمية وعلى تحصيلك الدراسي بشكل مباشر لذا ينبغي أن نصنف ونفرق بين السلبيات والنقائص الموجودة بالكلية وأنها في النهاية لا تؤثر على حقيقة أن الكلية تتطور من سنة لأخرى وتسعى للتحسن باستمرار وفي النهاية هي كلية حديثة وناشئة وطبيعي يكون هناك أخطاء .... ملاحظة/ عند المشاركة اذكر اسم الفرع الذي تدرس فيه وبنين أو بنات ... تفضل بمشاركتك .... |
رد: حتى تكون كليتنا أفضل ... تفضل ...
هذا تعقيب مني على أحد الأعضاء
اقتباس:
****** ثانيا ليس من مصلحتك كخريج من الكلية تشويه سمعة الكلية ثالثا تغيير العميد أمر لا يؤثر عليك بشكل مباشر، ومشكلة تختلف من فرع لآخر رابعا مش مهم مصدر المحاضرات اهم شي جودتها وأدائه لها خامسا كم تريد تكون المحاضرة تكون 10 سلايدات مثلا سادسا هناك طلاب وأتمنى أن لا تكون منهم يلقي باللوم على الكلية والدكاترة ليبرر سوء حاله .. بالنسبة لمبنى الكلية ووضعها فأعتقد أن الكلية ما غشتكم ولا ضربتكم على يدكم وقالت لكم تعالوا ادرسوا عندي بالغصب حالها واضح للجميع وأن مبناها مؤقت وبالتالي كل تجهيزاتها مؤقتة أو شبه مؤقتة فعلى أي أساس تنتقد هالشي وهو معلوم قبل ما تضع أول قدم فيها ... بالنسبة لمشكلة سنة الامتياز فهي مشكلة حقيقية ما نقدر ننكرها لكن لنكن واقعيين، من جهة يختلف حجمها من فرع لآخر ومن تخصص لآخر، غير كذا المشكلة متساوي فيها طلاب الحكومي بالخاص باستثناء أن الحكومي ممكن لها مستشفى خاص فيقل حجم المشكلة، أخيرا ليش هذي المشكلة موجودة السنة هذي فقط؟ بسبب تدريب حملة الدبلوم اللي صدر لهم أمر ملكي لهالسبب أخذوا أكثر الأماكن في المستشفيات وأماكن التدريب ... وبالتالي فالمشكلة ما تتحملها 100 % الكلية ، هي تتحمل مسؤولية أن طريقتها في التقديم غير جيدة لكن هالكلام مو مفيد، المفيد لو جاء وقت التدريب وما تدربت وتأخر تدريبك حينها وجه اللوم للكلية وليس الآن. بالنسبة لصغر حجم الفصول فهي مناسبة لعدد الطلاب إلى حد ما والفصول الصغيرة بأعداد قليلة من الطلاب أفضل في التعليم وأسهل ... بعدين الدكتور ما رايح يكون مصمم على طبيعتك لكل دكتور طبيعته الخاصه ونفسيته وهالشي لازم ما يكون عائق |
رد: حتى تكون كليتنا أفضل ... تفضل ...
او شيء المبنى !! مرة صغغغغغغيييير .
مب مبنى كليه معليش يعني ! والكفاتيريا مدري شقول صراحه . و الشؤون تعاملهم مره زفت ! جايتك بإحترام ! من حقي تعامليني باحترام ! ومن حقي كطالبه اعرف وش بيفتحون اقسام ! قبل تنتهي السنة ! -بس مفتوح التمريض ! - - فرع القصيم - |
رد: حتى تكون كليتنا أفضل ... تفضل ...
عفواً .. اذا بنتكلم نبي نأخذ راحتنا كل شخص وله تجربته فيه اللي تجارب كويسة وفيه اللي تجاربهم كانت صعبة , يعني لما تكلم الأخ مختبرجي خلاص ياخي مو من حقك ابداً تجي ترد عليه هو تكلم بأسلوب محترم ولا سب أحد وعاش تجربة وطبعا الدكاترة اللي عنده غير عن اللي عندك وعندي , اما اذا بتجلس على كل شيء نكتبه تجي تدافع ماأعتقد فيه أحد رح يشارك !! بالنسبة لي انا اشوف من السلبيات / الكلية صغيرة شوي ومافيها اهتمام يعني من ناحية الفصول , تمنيت تكون مرتبة أكثر من ناحية الشكل لكن معليه دام الدكاترة اللي مروا علي هالترم ممتازين وان شاء الله الاترام الباقية نفسهم فالحمد لله .. وثاني شيء الكلية يعني بالنسبة لنا لما اخذنا listening ماوفروا سماعات والدكتور دايم يشتكي منهم وبالاخير الدكتور بنفسه هو اللي جاب لنا سماعات من عنده .. ثالث شيء مب سلبية بس انا اتمنى يضبطون الموقع الإلكتروني ويحطون فيه الغياب والنتائج والمقررات المجتازة والمتبقية والاعلانات , وبكذا هم يريحون انفسهم ويرتاحون الطلاب بعد .. وبالاخير لكل شخص وجهة نظر ولازم نحترمها. - فرع نجران - |
رد: حتى تكون كليتنا أفضل ... تفضل ...
اقتباس:
ثانيا ... مو من مصلحة أحد اعطاء صورة خاطئة عن الكلية ثالثا ... أشكر لك مشاركتك والأشياء اللي ذكرتها سلبية نتمنى علاجها بالمستقبل، لكن لا يخفى عليك أن مبني الكلية مؤقت ولم يصمم أساسا لأهداف تعليمية وبالتالي هم يعملوا ما يقدروا عليه علشان يخلوا البيئة أفضل ما يمكن وهالشي مو سهل لأن مثل ما تعرف المبنى مستؤجر ومصمم لأهداف ثانية طبعا بالنسبة لنا كطلاب احنا المستفيدين من ناحية ان الكلية بدأت ولم تنتظر لحين الانتهاء من بناء المباني الدائمة لأن هالشي أتاح لنا البدء في الدراسة في مجال صحي ، فلازم نتحمل هالشي ... وممكن تنقل تصورك إذا ممكن التطبيق للعميد وتشوف امكانية تطبيقه على الواقع ... بالنسبة للموقع الالكتروني الجميل أنهم بدؤوا ونأمل أن يصبح الموقع دائم بعد تجربته ويتجاوزوا السلبيات و تزيد الخدمات المقدمة منه وبالنسبة لالنتائج والمقررات المجتازة والمتبقية والاعلانات كانت متاحة على الموقع سابقا .... فالأمور مبشرة ... |
رد: حتى تكون كليتنا أفضل ... تفضل ...
اقتباس:
والله صراحتن دكتوركم يرفع له القبعة :biggrin: حنا فرعنا في المدينة سمعت ولا ماسمعت مشكلتك . جايبين لنا سماعات كمبيوتر ترجع لعام 1895 المفروض يدخلون موسوعة غينيس عليها :biggrin: |
رد: حتى تكون كليتنا أفضل ... تفضل ...
طبعا الان حنا عايشين وكنا في عصر ابو لهب . :confused:
لعام 2014 هل فيه كلية بالعالم لو ان شاء الله فـي نيجيريا بدون موقع الكتروني محنك ؟ الموقع يسهل علينا المراجعات للشون الطلبة او القبول والتسجيل وويوفر جهد الطالب . سلبية ليس لها حجة على الاطلاق لاهو مبنى الكلية ولا اعضاء تدريس والموقع ليس مكلف .. * عفواً ليه مافيه اترام صيفية للكلية ؟ ياخي انا شاك انها كلية اصلاًَ :biggrin: :106::icon19: |
رد: حتى تكون كليتنا أفضل ... تفضل ...
اقتباس:
حسب المعلومات اللي عندي أن هناك سببين رئيسيين: 1- تمتع أعضاء هيئة التدريس باجازتهم السنوية وفي نفس الوقت الكلية ما عندها استعداد تدفع زيادة للدكاترة حتى يدرسوا في الصيف 2- قصر الفصل الصيفي خصوصا في ظل كون شهر رمضان يتخلله وبالتالي يؤثر على التحصيل اللازم لطالب المجال الصحي هذه تبريرات الادارة والدكاترة ووجهة نظرهم ... |
| All times are GMT +3. الوقت الآن حسب توقيت السعودية: 04:15 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه