ملتقى طلاب وطالبات جامعة الملك فيصل,جامعة الدمام - شعر •·.·°¯`·.·• ( ثلاثية الابعاد ) •·.·°¯`·.·•

(ملف أخضر)
!i!

ملف أخضر ..
وحظ أقشر ..
... وعيون الناس كالمنكر
هنا للمنتهى غايه ...
نهاية بس ... مو أكثر
وآنا ميت ...
بين أعيش .. وكيف أعيش ؟؟
... وليه أحلم أو أفكر ؟؟
أنا ... عاطل !!
أنا... ..مُهدر !!

فـ هالملفات الكئيبه .. الف طيبه
الف مآساه ومصيبه
حلم .. واوراق ... وصور
امي .. واخواني ... وخواتي
.... والحبيبه !
شخص تايه
من ثلاث سنين وأكثر
بين يعيش .. وكيف يعيش ؟؟
... وليه يحلم أو يفكّر ؟؟
شخص عاطل !!
شخص ..مُهدر !!

يا جريده ...!!
يا جدار ...!!
يا قوائم ...!!
ودي أكبر ..
من ثلاث سنين وأكثر
وآنا ميت بين أعيش .. وكيف أعيش ؟؟
... وليه أحلم أو أفكر ؟؟
شخص عاطل !!
شخص ..مُهدر !!

يا وظيفه ..
يالسراديب المخيفه
يا عنا ... يا بهذله
يا مآسي مهمله ...
يا ملل..
يا عُمْر يمضي ... كذا
يا أذى !!
ودي أكبر ..
من ثلاث سنين .. وأكثر
وآنا ميت بين أعيش .. وكيف أعيش ؟؟
... وليه أحلم أو أفكر ؟؟
شخص عاطل !!
شخص ..مُهدر !!

يا طباشير وكتابه
يا مراسم ... يا كآبه
يا فصول ...
يا صغار :
هذا "ابو بكر" و"عمر" ...
هذي هي غزوة "حنين"
وهذي "مؤته"
وهذي هي غزوة "بدر "
هذا هو "عبدالعزيز"
ذا "وطن الله أكبر" !!
ذاكروا الدرس برويّه
وانت يا "صالح" تذكر
يا مؤدب يا كويّس
بكره تكبر
وتنجح .. وتصبح مدرّس ؟!!
هذا عمري ..
هذا حلمي ...
هذا بس اللي قريته ..
هذا بس اللي كتبته ..
هذا هو اللي كتبني ..
ما أبيها .. لا " فواكه " ولا " بنشّر" !!
حلمي ... أكبر
بس أبي فرصه ... وبأكبر
ودي أكبر ..
من ثلاث سنين وأكثر
وآنا ميت بين أعيش .. وكيف أعيش ؟؟
... وليه أحلم أو أفكر ؟؟
شخص عاطل !!
شخص ..مُهدر !!

(الطفل والمحارم)
!i!

كان في وسط المدينة
طفل أكبر من سنينه
والده شح بحنانه
ولا قعد يندب زمانه
صادق هموم الشوارع
يمسح الدمع ويصارع
طفل . لكن كان بارع
يوم أعز الناس .. خانه
يمسح أطراف القوايل عن جبينه
يبعد الشمس ويطاردها بيدينه
طفل أحزانه معالم
طيب وسمح ومسالم
يمشي ويطوح بصوته
يبغى قوت أمه وقوته
المحارم .. المحارم .. المحارم

ولا أقبل الليل ورحل وجه النهار
راح لأمه مثل الأطفال الصغار
وارتمى في حضنها
ارتمى في جفنها
ارتمى في حزنها
وقامت أمه تبكي لضيعة سنينه
وصاح يمه ليه يا عمري حزينه
دمعتك يالغاليه والله ثمينه
تحسبين اني حزين
لا وراسك ما ألين
من لقى هذا الحنين
ينسى حزنه .. ينسى همه ..
ينسى حتى العمر كله

دامك أنتي تحترينه
وفي صباح من صباحات الضياع
الحزن قرر يقول اله الوداع
نادت أمه .. ما سمع
صاحت أمه .. ما نفع
طاحت أمه .. ما رجع
الصغير اللي ملى الدنيا صراع
مات من كثر الوجع .

(الف شكر للورق)
!i!

آه... لو كل الكلام اللي يقال
يعود لي
كان ما خليت , بالدنيا ولا كلمة
توصل للبكي
وكان خليت الزمن غير
وحزن من يفقد أبوه .. وصوت أمه غير
وكان خليت المسا غير
وصباح الخير غير
بالقلوب وبالعيون وبالورق
والورق هذا الرقيق
كم تحمل ....!!
اسألوني وش يطيق ؟!
وش يطيق ؟؟
كل ما يكتب عليه
من أحاسيس ومشاعر
ود ما بين الحبايب
كتب شاعر
رسم طفل قلبه أبيض
وانت ... كان عندك لي سؤال
اتركه والحل باكر
وآه .... لو كل الكلام اللي يقال
يعود لي
كان بدلت القساوه بالتفاهم
وانمحت كلمة زعل .. من كل المعاجم
وجلست أردد بيني وبيني
من أول حرف لأخرك للطين
مثل أول
ومو مهم شلون تاصل
المهم انك وصلت
في زمنا
صارت الذمات غير ... باختصار
الضمير الحي مات
صارت الحكمة بها الدنيا المهم
انك تعيش بها الحياة
..... ويني
ويني.....
ضاقت الدنيا عليه
مابقا للناس بعيوني قضيه
انتهيت من البدايه
أوبديت من النهايه
آه من هالناس ما ترحم أحد
تدري عاد ,لا نطولها وتطول
ألف شكر يا ورق
كم تحملنا ولا علم أحد
يا حبيبي يا حبيبي
يا حبيبي يا الورق .......؟!!

ܓܨ من,ن ܓܨ

http://www.5foq.com/vb/smail/sm/paint.gif