|
استفسار عن التعليم عن بعد جامعه الدمام
السلام عليكم .. كيفكم ان شاء الله بخير :icon19: حبيت استفسر عن نظام الدراسه عن بعد -جامعه الدمام- انا ودي اسجل هالسنه ان شاء الله بس عندي كم سؤال :verycute: 1- ممكن النظام هذا يقبلني بوظيفه في البنك ؟ لاني سمعت ان يقبلون عادي بس الوظايف الحكوميه لا .. بس ابي اعرف مدى صحه هالشي ياليت اللي عندهم خبره والاكيد يعلموني مابي اتورط :mh12: 2- ابي اعرف كيف طريقه التدريس عن بعد ؟ يعني كيف بدرس السنه التحضيريه ؟ هل اني ادرس التحضيري انتظام وبعدها عن بعد ولا ادرسها عن بعد ؟ ادري ان محد ينصح الدراسه عن بعد وان مالها مستقبل بس ظروفي جابرتني لا تقلبون المواجع :sm1: و انتظر اجوبتكم لا تبخلون علي :love080: .. |
رد: استفسار عن التعليم عن بعد جامعه الدمام
يُنقل للقسم المناسب (:004:) |
رد: استفسار عن التعليم عن بعد جامعه الدمام
الي اعرفه ان الشهاده معتمده يعني بأذن الله تتوظفين بس لازم معدل كوويس
وطريقه التدريس تحضرين محاضراتك كلها بالبيت والسنه التحضيريه كمان بالبيت في السمستر عندك اختبارين ..اختبار فصلي واختبار نهائي .. واربع واجبات .. وثلاث محاضرات مباشره الاختبار الفصلي عليه عشر درجات بعشره اسئله تختبرينه بالبيت .. والواجبات بالبيت والمحاضرات المباشره بالبيت الاختبار النهائي يبي لها تداومين تختبرين بمركز الجامعه .. يكون من 70 درجه .. و30 درجه الباقيه عباره عن تحميل المحاضرات المسجله او مشاهدتها و الاختبار الفصلي والواجبات اما المباشره الثلاث اذا ماحضرتيها كلها تحرمين من الماده لازم محاضره وحده على الاقل هذا كل شئ اعرفه عملت تنبيه عشان يفيدونك اكثر بخصوص الوظيفه :icon19: بالتوفيق ان شاء الله :rose: |
رد: استفسار عن التعليم عن بعد جامعه الدمام
وعليكم السلام ورحمة الله وبركاته
ماقصرت هكونا بالرد عليك بالنسبه للدراسه كيف طريقتها ، اما الوظيفه فـ الى الان محد تخرج من جامعة الدمام ادارة اعمال عن بعد ، بمعنى اننا مانقدر نحكم الوظيفه الحكوميه هي عباره عن تدريس غالباً ، والتدريس حالياً يتطلب شهاده تربويه مو بس جامعيه البعض درس دورات وفي معاهد ومادرس جامعه لكنه توظف واذا انتِ خايفه من سالفة الوظيفه بـ امكانك الدراسه لمدة سنه والتحويل للأنتظام ودائماً اختاري انتِ ولا تسمعين لااحد ، تأثرك بكلام الناس انتِ اللي راح تضيعين مو هم ، سوي اللي انتِ تبينه وماعليك من احد مادام انه يرضي الله والله يوفقكك :rose: |
رد: استفسار عن التعليم عن بعد جامعه الدمام
وعليكم السلام ورحمة الله وبركاته شكرا مها على النقل :rose: تسلمين هكونا على التنبيه :rose: حياك ريناد :004::rose: قبل امس الصباح كنت بالبنك وكنت اسولف مع الموظفة وجبنا طاري الوظايف قلت لها اقدر اتوظف بشهادة التعليم عن بعد ادارة اعمال او تسويق ؟! قالت البنك مو مهم ايش درستي انتظام او انتساب او تعليم عن بعد يقبلون اي شهادة طالما انها دبلوم او بكالوريوس وذكرت ان اغلب اللي متوظفين بالفرع متخرجين من معاهد وشهادتها من جامعة سويسرية لكن غير معترف فيها بالسعودية مع ذلك توظفت بها للامانه كلامها معي شجعني وحفزني اكثر بس حطمتني بشغله :biggrin: تقول كل اللي درستيه قطيه بحر اذا اشتغلتي بالبنك لانك ترجعين تتعلمين على السستم وبتلاحظين ان دراستك الشيء والنظام اللي تتعلمينه شيء ثاني .. بالنسبة للوظايف الثانية يقبلونك عادي ماعدا الوظائف التعليمية .. بس ان شاء الله يتغير الحال طريقة التدريس كل شيء من ورى الشاشات محاضرات و واجبات واختبارات كل شيء من النت عدا الاختبارات النهائية تروحين للجامعة تختبرين * بالنسبة اللي ماينصحك ويقول مالها مستقبل قولي له جربت ؟! :biggrin: موفقه عزيزتي :rose: |
رد: استفسار عن التعليم عن بعد جامعه الدمام
^
الوظائف التعليميه بوظيفة ( معلم ) هيّ الغير معتمده فقط .. أما البقيه تم إعتمادها في ديوان الخدمه المدنيه .. مثلها مثل الإنتظام بالضبط ، مع أن الأولويه للإنتظام بالنسبه للقطاعات الحكوميه بشكل خاص .. |
رد: استفسار عن التعليم عن بعد جامعه الدمام
الله يعطيكم العافيه ويوفقكم ما قصرتوا والله
|
رد: استفسار عن التعليم عن بعد جامعه الدمام
مافي شي اسمة مايقبلونة بالوظائف الحكومية,,,سلمات ياخوي هذي جامعة جكومية اساسا اشلون تخاف مايقبلونك بالوظائف الحكومية؟؟
غريييييييييييييييييييييييييييييييييييييييييييييييب وكفانا اسئلة مشككة |
رد: استفسار عن التعليم عن بعد جامعه الدمام
اقتباس:
اهلين اختي مشكوره على ردك اولا و ثانيا انا بنت :106: وسؤالي لا تشكيك ولا شي بس من حقي اعرف لاني جاهله بهالشي مافيها شي لو استفسرت واحد نصحني او علمني |
| All times are GMT +3. الوقت الآن حسب توقيت السعودية: 12:53 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه