طلب المساعده ..
 

بسم الله الرحمن الرحيم
ربي صل على محمد وال محمد ..
السلام عليكم ورحمه الله..
عندي مشكله وماادري كيف حالها..
اتمنى تساعدوني ..
أنا طالبه من جامعه الدمام كليه التربيه
تم قبولي في اكثر من كليه في سابق ومنهم جامعه الملك فيصل كليه التربيه
لكن بسبب العناد والتسرع وان ابي حريه واستغلال اصريت على جامعه الدمام
كنت افكر متوفر سكن طالبات تبع الجامعه ورخيص حالنا حال الاولاد
لكن ب الحقيقه عكس كذا لايوجد سكن طالبات تبع الجامعه وفيه سكن خاص مثل الحماد
واسعار جنونيه والمكافاه ماتكفي الحاجه عشان اصرف على غرفه وسواق واكل
وابوي مايقدر يصرف ذاك المبلغ ع غرفه والشقه ارخص بكثير
فسكنت عند احد من قرايبي ونفسيتي مره تعبت وجبت درجات مره نازله كرهت كل حياتي
حتى مستقبلي الي كنت دايم اقول ابي اصير شي مهم في المجتمع ابي اجلس على كرسي المديره
حق مكان خااص بذوي الاحتياجات الخاصه .. تحطم لان هذي الكليه مافيها تربيه خاصه وتوها جديده
فختاروا لي تخصص رياض اطفال ندمت ندمت ندمت ومعدلي التراكمي ابداً مايسمح احول انا الي كنت مااقبل انزل درجه في المدرسه
احين معدلي (م ق ب و ل) ..
ماتحملت وضعي ولاعيشتي وسمعت البنات يتكلمون ان اقدر اروح زائره مؤقت للاحساء لان اهلي هناك
رحت والحمدلله تفاجات جبت معدل فصلي زين لكن المصيبه التراكمي لاززال كما هو
.. ماادري افكر أترك الجامعه وافكر اسجل من جديد مع العلم انا من دفعه 2012 ..
ومستحيل ارجع الدمام كرهت شي اسمه الدمام تعبت جداً نفسيتي صارت الدمام لي كابوس
ابي مساعده احس لو بترك الكليه بيسوء حالي .. لان قلت ماعليه دام من احلامي شي تغير اخذ بكالريوس رياض اطفال
واكمل ماجستير تربيه خاصه اعاقه عقليه واكمل اخذ بره علم نفس
.. وخايفه اسحب ملفي وماانقبل لان سالفه حظوظ معن في بالي اقدم في كليه الملك فيصل
واترك اوراقي في جامعه الدمام بس ماادري اذ بتنفع اولا ..
مااحس ان معدلي تراكمي يرفع الراس :( :bawling:

رد: طلب المساعده ..
 

ولارد معقوووله -_-

رد: طلب المساعده ..
 

الافضل انك تقدمين على جامعة الملك فيصل
ولا تنسين التنشيط

واذا لاسمح الله وماقبلوك خلي ابوك يروح قسم الرجال ويكلمهم يمكن يقبلونك

رد: طلب المساعده ..
 

التنشيط كيف؟
اقدم من جديد بشهاده الثانوي او اقدم السجل الاكاديمي على اني طالبه بجامعه الدمام ارغب بتحويل
ممكن توضح الاجابه ..؟!

رد: طلب المساعده ..
 

انتبهي اذا كنتي بتسجلي مرة ثانية بكلا الجامعتين
بيكون سجلك الأكاديمي موجود بالكلية اللي درستي فيها
تقدري تلغين سجلك من الجامعة بس بعد تعب ومشاوير , لانه ماينلغي الا اذا راجعتي العمادة عشان يلغون سجلك
انا اختي لها 3سنوات من طلعت من الكلية وتبغى تسجل مرة ثانية وإلى الآن ماانلغى لها سجلها الأكاديمي كل مرة يقول عند التسجيل " لديك سجل أكاديمي سابق " وبحكم الظروف ماقدرت تروح عشان تلغيه واضطرت تروح تدرس بالتقنية << الحمدلله
نصيحتي قبل ماتنسحبين من الجامعة استفسري أكثر عن السجل الأكاديمي عشان ماتخسرين زيادة
وكلنا بهالدنيا ماحصلنا لو شي واحد من اللي نبيه لكن الحمدلله , واصلي دراستك احسن من انك تطلعي بدون شهادة ويروح تعب السنوات عالفاضي:139:
الله يوفقك ويفتحها عليك...:004::rose:

رد: طلب المساعده ..
 

>< انا في مشكل كبير طيب بحاول اروح قسم الرجال اتحول بس تتوقعون فيه امل التراكمي يصير احسن؟

رد: طلب المساعده ..
 

الله يكوووووون في عونك بسسسسسسسس
وانتبهي استفسري واسالي اكثر واتصلي على الجامعه افضل وخذي المفيد من عندهم
والله ييسر امورك

رد: طلب المساعده ..
 

ان شاء الله يرتفع
حاولي السمستر الجاي تجيبي 4.80 تراها مو صعبة
وان شاء الله يرتفع لك

رد: طلب المساعده ..
 

الله يفرح قلوبكم ان شاء الله يراعون ويحولوني :(
.. الله يسهل ي رب
بس سمعت ان تحويل يصير من تسجيل في موقع جامعه الملك فيصل صح؟
ارجاء الرد السريع

رد: طلب المساعده ..
 

ممكن اعرف ايش يعني التنشيط ؟؟؟؟؟؟؟؟؟؟؟

:Cry111: