قال الغلا ؟ قلت الغلا ما بعد مات
فالنايفهـ شامخ ولا هو بقاصر

قال المشاعر ؟ قلت هيهات هيهات
كلي مشاعر يا رقيق المشاعر

والحب كيف ؟ وقلت سرّاق بسكات
سيفهـ على العشاق ينهى ويامر


قال الفراق ؟ وقلت مابهـ سلاامات
يا شين لهفات الحبيب المسافر

قال الصبر ؟ قلت الصبر فيهـ لوعات
انشد وانا اللي خابرٍ فيهـ خابر

قال الوفا ؟ قلت الوفا خمس كلمات
عهد ووفا واخلاص والشوق حاضر


قال الخيانهـ ؟ ثم جريت ونات
سمٍ ذحاح برووس طعن الخناجر

قال الليالي ؟ وقلت حلوهـ ومرات
راجع ملفاتكـ وشوف الدفاتر

قال الامل وينهـ ؟ وتليت الآهاااات
على الامل باقي حبيبي وصابر

قال الهوى ؟ قلت الهوى سهام عجلات
جيش وسرايا وليل كلهـ مخاطر

قال انت ناسي ؟ وقلت في كل الاوقات
ينبض خفوقي وصورتكـ بالمحاجر

بالعرق لكـ بالدم روحهـ وجيات
سكرت عن غيركـ جميع المعابر

من بيننا ما حال طول المسافات
والحظ شامخ فوق ما هو بـ عاثر

قلت العفو يكفي من الوقت لحظااات
الليل طال ونحتري شوف باكر

لا تاخذكـ سكهـ بدرب المتاهات
للصبر نقوى وانت للوصل قادر

يا حاضري ومستقبلي وكل ما فااات
يا اجمل قصيدة حب في قلب عابر

المشاركة الأصلية كتبت بواسطة Lєɢєиd ♪ (المشاركة 11126228) جميل كعادتك