|
نصيحة مجرب للي بيسجل مواد
قد يتفق معي البعض عليها اما عني انا فمره ممتازه واستفدت منها كثير
وهي عند تسجيل المواد اسجل ايام وليس مواد كيف ؟!؟ مثلا تبدا الاختبارات الثلاثاء - انزل ماده من مواد الثلاثاء مايهم اي مستوى المهم الثلاثاء وبعدها ماده الخميس والجمعه اجازه انزل السبت وبعدها الاثنين وبعدها الاربعاء وش صار ؟ اللي صار اني اختبر يوم ويوم اف راااحه وتركيز ماذا استفدت من فلسفتي اني تقديري ممتاز ومافيه مجهود يذكر هذي تجربتي بس ملاحظه لا تشطح كثير تاخذ من مستوى ثاني وثامن بما اني الان على بوابة تخرج الفصل القادم واستفدت منها فحبيت يستفيد منها الاغلبيه واخر شيء اني باذن الله بخلص في ثلاث سنوات ونص اللي بيسأل يسدح سواله محبكم |
رد: نصيحة مجرب للي بيسجل مواد
طبعا يحسب حساب التعارض
|
رد: نصيحة مجرب للي بيسجل مواد
اشكرك .. وعقبال التخرج يا رب لك وللجميع
فكرة ممتازة للمستويات الأخيرة . من وجهة نظري .. لأن بعض المواد لها متطلبات سابقة ويعتمد بعضها على بعض . |
رد: نصيحة مجرب للي بيسجل مواد
مشكور جزاك الله الجنه
الله يوفقك و يرفع قدرك |
رد: نصيحة مجرب للي بيسجل مواد
الشكر مروركم
طبعا التعارض ماراح يحصل بسهوله اقول لكم ليه قايل لكم لاتشطح بالمستويات يعني الجامعه تخلي المستوى الاول والثاني واحد فتره اولى والثاني فتره ثانيه ومستوى ثالث فتره اولى ومستوى رابع فتره ثانيه وهكذا عشان كذا انا بالبدايه اقول خلك على مستويين وممكن تدخل ثالث كماده وحده وباذن الله ماعندك مشكلة تعارض وبالاخير بخصوص المتطلبات اكيد احسب حسابها صح وارسم لها للمستوى اللي بعده عن تجربتي لم اعاني من تعارض ولم انضغط ايام الامتحانات وكنت قمة الراحه واخيرا اني خلصت باسرع وقت بسبعة اترام والاهم ان معدلي امتياز وفترة التسجيل لنا لقاء باذن الله |
رد: نصيحة مجرب للي بيسجل مواد
انا ما ينفع معي ولا ودي والله براحه بين اختبار واختبار
|
رد: نصيحة مجرب للي بيسجل مواد
يعطيگ العآفيه الافضل انو الواحد يمشي علىآ الخطه
وانا گنت اسوي گذا وندمت ورجعت اعدل |
رد: نصيحة مجرب للي بيسجل مواد
وإذا مواد الخطة كثير وماينفع يوم إيه ويوم لآ وش السواة في الحالة !؟؟
هذا أنا أيام ورى بعض وضغط وآخرتها ترم تاسع محتمل كل تخصص وخطته الدراسية يختلفون عن بعض |
رد: نصيحة مجرب للي بيسجل مواد
انا مع اختي دخنتوس ما ينفع ابد مع الخطه الدراسية خصوصا اذا كانت مواد التخصص كثيرة تخصصنا انجليزي موادنا بالهبل الله وفقني هالترم واخذت يوم ايه ويومين لا واخذت تقريبا 8 مواد 4 ابدعت فيهم و 4 الله يستر منهم طبعا مش اهمال او كسل بس كل واحد وعلى ظروفه خصوصا اذا كانت صحيه |
رد: نصيحة مجرب للي بيسجل مواد
فكرة رائعة ولكن ضع بالحسبان حاول تاخذ الحد الاعلى بالمستويات الاولى حتى لو حصل بعض المواد ورا بعض لانك راح ترتاح بعدين ... بالتوفيق
|
| All times are GMT +3. الوقت الآن حسب توقيت السعودية: 09:46 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه