|
يوم من اللا مسؤوليه .. << حلطمه من نوع فاخر ..
يوم من اللا مسؤوليه .. <<< نوع فاخر من الحلطمه .
السلام عليكم ورحمة الله وبركاته .. هذا الموضوع خاص لأصحاب المسؤوليات المكافحين .. استثني منهم اللي يقرا اسئله الامتحان ويجي يمتحن ويحس نفسه تعب .. :41jg: طبعا الامتحانات بالنسبه لنا .. هي انك تراكم مسؤولياتك لين تخلص مختبر ويجي اخر يوم وفرحه الوناسه تخربها غصة المسؤوليات .. :Looking_anim: بالنسبه لنا كرجال تتمثل في .. مقاضي .. بزارين يبغون يتمشون زوجتكك تبي السوق قبل زحمه العيد فواتير مأجله وبكرا تخلص اجازتك من الامتحانات وتبدا دوام :eek: وبالنسبه لربات البيوت والمكس ربات بيوت و وبزنس ومن .. بيت مقلوب فوق تحت وبزارين متمردين لعدم التوجيه وزوج مطنقر مل من اكل المطاعم واحيانا الدوام يبدا بكرا .. :eek: :verycute: انا مشكلتي احس للحين محتاج احد يحتفل فيني اذا خلصت امتحاناتي ويحسسني اني انجزت .. حنيت لايام كانت اذا نجحت ما يردني الا محل الالعاب مع الوالد و نقي يا وليدي اللي تبي .. :Looking_anim: صاير اذا نجحت اخذ عيالي لمحل العاب وانقي لهم اللي ابي عشاني ناجح .. :verycute: :cool: اللي حنا قاعدين نسويه هو المعنى الحقيقي للكفاح .. :cool: وميزة الكفاح ان الاراده فيه تكون قويه .. والدافع هو ذاتك .. لذاتك .. اكثر شي يغبن الانسان .. انه يكون عارف ان عنده امكانيات عاليه .. لكن يفتقد لورقه مختومه تثبت وجود هالامكانيات .. و المشكله هالورقه احيانا تشهد لشخص خالي منها تماما << وهذا رزق ما اقول شي .. لكن عتبي على هالورقه اللي صارت مقياس لنا بغض النظر عن وش حنا فعلا .. حنا بزمن شهادتك هي مقياس نبوغك .. والا وش حدنا على المر :sm12: مالكم بالطويله انا 1-احتاج قسطا من الراحه .. وعجزت ارتاح :biggrin: 2-ودي ادخل على امي وابوي واناقز واقول نجحت .. :icon120: واخاف يقولون انهبل .. 3-وودي اتخرج باسرع وقت .. بس ابي اعرف شعور اللي معه بكالوريوس واببروزها وابدا بالماجستير .. عشان اعرف شعور اللي معهم ماستر .. وهكذا لين اتشبع ورق وارضي غروري عن نفسي .. :cool: :lllolll: وبس .. دمتم بخير .. :love080: |
رد: يوم من اللا مسؤوليه .. << حلطمه من نوع فاخر ..
احمد ربك انت عندك اجازه ايام الاختبارات
حنا موظفين القطاع الخاص محرومين حتى من الاجازه بالاضافه لكل ماذكرت من مسئوليات بيت وبزارين انا مطلبي بس انه يترك لي وقت كافي ادرس فيه ايام الاختبارات بالنسبه للنجاح انا معاك نحتاج جوائز عليها لكن اللى المفروض ناخذ عليه جوائز اكثر هو مسؤولياتنا كأرباب اسر وهو اللي بناخذه من عيالنا زي حنا مانعطية لابائنا بيجينا الوقت اللي يقول فيه ابنائنا ارتاح خلاص سويت اللي عليك عطنا فرصه نرد لك شي بسيط ونصير ناخذ اايام من اللا مسئوليه مو بس يوم لاكن عسى الله يصلح ابنائك وابنائي وابناء المسلمين ويرزقنا برهم وطاعتهم على الخير |
رد: يوم من اللا مسؤوليه .. << حلطمه من نوع فاخر ..
حزنت على كلامكم خلاص ابشرو نسوي حفله في بداخلنا طفل عيا يكبر ياحليلنا ..ولاتستعجل على الفرحه وان شاء الله تستلم الشهاده وماتكون بروزه وبس .تحياتي
|
رد: يوم من اللا مسؤوليه .. << حلطمه من نوع فاخر ..
|
رد: يوم من اللا مسؤوليه .. << حلطمه من نوع فاخر ..
كلام جميل ... الفرح لا يعرف عمر معين ,, والمسؤوليات سرقت منا متعتنا وحقوقنا في السعاده .. يعجبني حديثك عن محدوديه العقول في فرض الورقه المختومه وجعلها مقياس لوظائفنا ولهويتنا وثقافتنا وكونيتنا ...! هناك من اشترى شهاده الدكتوراه وهو الان يدعي العلم وبعضهم يمكث في كرسي المسؤوليه وهو بكل سهوله ينكشف (ويتعـــرى ) فكره الضعيف في اول نقاش معه عن ابجديات التعامل مع الحياه وكيفيه التعامل مع رعايه اطفاله مثلا او على سبيل المثال لو ناقشته (هل قناه mbc قناه تمثل الشعب السعودي او لا ..) فتجده يدعي انها تمثل الاعلام الحر الذي يبني الاسر السعوديه والاجيال القادمه على المعنى الحقيقي للحضاره وهنا يتجلى هل الورقه يجب ان تكون اهم محدد لمن نكون <<<< شطحه لاتدقق :) اعذرني فحديثك حرك بعض اوراق الشجر بداخلي .. نعم كلنا نحتاج لمن يهتم بنا وكلنا نحتاج الرعايه بغض النظر عن العمر وعن المسؤوليات ولكن قدرنا اننا جزء من مجتمع يغير هويته في اليوم اكثر من مره كالحرباء وننسى هويتنا كمسلمين وعرب وهي الامثل والانسب .. اشكرك ولاعاد تهيضنـــــــــــــا ههههههههه :(269): |
رد: يوم من اللا مسؤوليه .. << حلطمه من نوع فاخر ..
كلام جدا رائع ����
|
رد: يوم من اللا مسؤوليه .. << حلطمه من نوع فاخر ..
جميل جداً ما قرأت وان كانت الروح السلبية تعلو غيرها
انا الحمد لله لست موظفاً لا بقطاع خاص ولا عام ولست تاجراً ولست طالباً مجتهدا. تقدر تقول حياته خسارة خخخخ لا والله احب حياتي ع تعاستها واطمح للافضل دائماً ولكن ي اخوان تراودني افكار شيطانية او غريبة بين الفينة والاخرى افكار احسها تجيني ما تجي غيري احتياجاتي تختلف عن احتياجات اقراني من الشباب عاهدت نفسي بأن لا اعيش الا الحياة التي اردتها بقناعاتي ومفاهيمي ولدي صراع غريب مع الافكار غير الطبيعية بمجتمعنا مثلاً اريد الزواج ولكن لا اريد الاطفال ولا احبذ تربيتهم ورعايتهم والصرف عليهم اجد ان فكرة الانجاب جميلة في ظاهرها مكلفة وموجعة في باطنها ما ابي اتزوج وافرخ عشر ورعان والشارع يربيهم ووجود طفل بالمنزل يسبب لي كابوس فكيف بمجموعة اطفال ومنهم اطفاله ؟؟ اطفالي ههههههه مرة من المررايت كان اخوي مسافر ووهو عنده اطفال فرحت اقضي لهم من الصيدلية اقسم بالله حاسبت ب 640 ريال وانا ما عبيت كيسين لما جاء اخوي سألت انت دايم تتقضى بهالمبلغ ..؟ قال تقريباً كل خمس ايام اسبوع بالكثير ! قلت لو انصقعت ع راسي وتزوجت وخلفت بزر وكان يطلب زي عيالك باخذ بالسيارة معي واقود به لخط سريع واحذفه باقرب محطة بنزين طبعاً ما راح احذفه يمكن اشوف عقيم او عانس تتبناه وتربيه لها ورميه بمحطة البنزين مجرد مبالغة ثقيلة دم الحياة ي اخوان مكلفة والزمن تغير ما عاد مثله قبل قبل تدخل السوبر ما كت تعبي عربيتين ب 300 ريال اللحين يالله الف ريال تعبي نص العربيه افكر اهاجر لكندا والا النمسا :biggrin: والله يمدحونه كندا للهجرة تشتغل هناك كاشير والا في مطعم وتعيش حياتك بين الماء والخضرة والوجه الحسن |
رد: يوم من اللا مسؤوليه .. << حلطمه من نوع فاخر ..
" تصدق هيضتني اذكر اخر اختبار طلعت منه للموتر وجلست نص ساعه تقريباً يشهد الله اغرورقت عيناي وانا في داخلي ازدواجية شعور فرح واحساس بالراحه بعد هالمشوار ... ما اتكلم الان الا عن من يجتهد في المذاكره وحل بنفسه الواجبات والمشاركات والمحاضرات نحن معشر الرجال حالنا افضل نستطيع نلقى زاويه نقراء فيها لو تاخذ موترك وتاقف على الخط لكن الاخوات اللي متزوجات وعندها اطفال ويمكن عندها والدي زوجها كان الله في عونهن ..جد معاناه فعلاً في داخل كل منا شحنات طفوله متأخره زمان لا نجحت ما يوقفني الا محل السياكل وآخذ آخر موديل:5aga: ولا فيه جدار بالحي ما بنطت فيه وحبيته بخشتي:icon120: لكن ما يقهرني إلا اصحاب السيارات لا شافوني سوبرمان واحاول اسقهم يخلوني لين اجي خلفهم ويمسكون بريك وابنط من صيد امس :007: التحاقي بالجامعه قصه طويله بحاول اسردها عندما القى الوقت الان نصيحه محب اللي تخرج لاتنسوا الصدقه لوجه الله على مامن علينا تعالي بنعمه النجاح والتوفيق " |
رد: يوم من اللا مسؤوليه .. << حلطمه من نوع فاخر ..
" اخوي حبروك فكر بالاول بسالفة الزواج اذا وضعك مثل ماذكرت الزواج صعب لا وظيفه ولا تجاره صعب في ظل هالظروف الله يرزقك من واسعه رزقه ويفتحها عليك بالخير ... وإلا الاطفال نعمه من الله وتنظيم النسل في ظل الغلا مطلب كم مر علي ليلة اختبار وانا مسنتر بالمستشفى لان احد الاطفال تعبان ويشهد الله اول ترمين قبل آخذ موافقة العمل اداوم واختبر بنفس اليوم وما يتعبني الا الاختبارات الفتره الاولى لكن مايضيع عند الله شي... شي جميل ان الانسان يخطط ويفكر لحياته وانا اخوك لكن لابد من خطوه اولى بعد التخطيط والتحاقك بالجامعه خطوه جد رائعه اشد على يد وادعي لك بالتوفيق " |
رد: يوم من اللا مسؤوليه .. << حلطمه من نوع فاخر ..
الحمد لله على كل حال ، ونسأل الله التوفيق وموضوع رائع تستحق عليه الشكر |
| All times are GMT +3. الوقت الآن حسب توقيت السعودية: 12:05 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه