|
افيدوني عن مقرارات مستوى ثالث
بسم الله الرحمن الرحيم
السلام عليكم ورحمة الله وبركاته الحمد لله اولاً واخيراً على اتمام الاختبارات ثانياً الف مبرووك النجاح مقدماً للجميع بأذن الله . . . . . طالعه للمستوى الثالث ان شاء الله فياليت تعطوني خبرتكم واقتراحاتكم ومساعدتكم عن مقرارات المستوى الثالث يعني من الاسهل للأصعب والعكس وهل تنصحوني بتأجيل مواد للمستويات القادمه ؟ وللعلم انا مااخذت بعض المواد من المستوى الثاني مثل الإحصاء والانقل كتابه وناويه اخذهم في المستوى الثالث بأذن الله وكيف كانت اختباراتكم بشكل عام يعني تميل اكثر شي للسهوله او الصعوبه التعجيزيه ووو الخ اتمنى تفيديوني من جميع النواحي وجزاكم الله خير |
رد: افيدوني عن مقرارات مستوى ثالث
نبي الرد على سؤال الأخت ولاخلاص صرنا رابع ماعاد نلتفت ورى يالله احتسبو الأجر وردو علينا |
رد: افيدوني عن مقرارات مستوى ثالث
وعليكم السلام
بما اني معك نفس المستوى قبل كل شي الجدول اهم شي انتي ما خذيتي مادتين شوفي لا يتعارض الجدول معك الاختبارات اللي طافت كثير عانو من تعارض المواد بيوم واحد عنده اختبارين وهيك موفقه باذن الله |
رد: افيدوني عن مقرارات مستوى ثالث
عزيزاتي
فيه موضوع للعضوة hara كاتبين فيه خلاصة تجربتنا أتمنى تطلعون عليه أما بالنسبة للمواد من ناحية التسجيل والحذف الإحصاء لا تأجلينه أكثر خذيه في المستوى الثالث أنا أجلته واختبرته الحمد لله وبما إنك أجلتي مادتين من ثاني وناويه تاخذينها كلها في مستوى ثالث معناته ما راح تاخذين مواد من مستوى رابع عموماً التأجيل بزياده مو محمود وإضافة مواد من مستويات متقدمة أيضاً غير محمود بالتوفيق.. |
رد: افيدوني عن مقرارات مستوى ثالث
..
انجليزي كتابه جدا رائع الدكتور حدد القطع وجابها مررره سهل اﻻحصاء كثير قالوا سهل ما اختبرته ﻹن معادلتها ويارب يوافقون عليها موفقه |
رد: افيدوني عن مقرارات مستوى ثالث
السلام عليكم الرحمة ما عليه اختي شكلهم مالهم خلق يرجعون للمستوئ 3 لكن لـــعيونك بسدح لي موضوع في قسمهم هناك وبجيب لك الرد من ناحيتي أنا ونصيحتي لك ولكل مستوى 3 اذا فاضين وماعندكم دوام ولا مشاغل اسريه تابعوا أول بأول وأمشوا على الخطه الدراسيه وما فيها مشكله اذا زدنا شوي على المقررات للي حذف من مستوى 2 .... وبالنسبه للضغوطات والصعوبه والسهل دامك عديتي أول سنه وامورك ماشيه مثل الحلاوة لا تخافين من الاترام الجايه راح تكون سهله وموووش صعبه ولذيذه بعد راح تكون لعبتك... وعسئ الله يوفقنا وييسر امورنا تحياتي لك. |
رد: افيدوني عن مقرارات مستوى ثالث
اقتباس:
تبين الصدق يا شجوووونه راح عليك الاختبار مررررررررره كان سهل والمقرر مره كان حلو والحمدلله ما ودي اقهرك ذا تكلمت زيادة لكن طلع عكس ما توقعنا مثل كل سنه... لا تحذفينه هالمره وتوكلي على الله وحمليه والله يوفقك |
رد: افيدوني عن مقرارات مستوى ثالث
جزاكم الله خير
|
رد: افيدوني عن مقرارات مستوى ثالث
السلام عليكم ورحمة الله وبركاته
طيب انا ممكن اخذ جميع مواد ذي المستوى الثالث واخذ مادة مبادئ علم الاحصاء وكمان يصير اني اخذ مواد من المستوى الرابع واذا ممكن ايش تنصحوني اخذ |
رد: افيدوني عن مقرارات مستوى ثالث
اقتباس:
وعليكم السلام ورحمة الله وبركاته ساعات مستوى ثالث 13 وانا ان شاء الله حاخذها كلها ومعاها تلاوة وتجويد مأجلته من ثاني ومدخل الى اللغويات من رابع وبكذه تكون 17 ساعة:sm5: |
| All times are GMT +3. الوقت الآن حسب توقيت السعودية: 05:01 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه