|
مساعده بالاحصاء
السلام عليكم
انا حذفت الاحصاء الترم هذا وان شاء الله ناويه اخذه الترم الجاي وبسبب كرهي للماده وصعوبتها بالنسبه لي فكرت اخذ مدرسه خلال الاجازه عشان تفهمني ومثل ما انتو عارفين قسم الانجليزي صعب مو ناقص صعوبة الاحصاء :verycute: عارفه كثير منكم بيقول هذي مهلوسه تحط موضوعها وتوها مخلصه اختبار!! بس انا متاكده ان كثير منكم راح يحذف المحاضرات وكل الي استفاده بالاحصاء ... وعشان كذا حطيت موضوعي الي عنده المحاضرات المسجله للماده حقت الدكتور الجديد ويقدر ينزلها لي اكون شاكره له لاني محتاجتها عشان افهم الماده :sdfgdsf: وشكرا مقدما |
رد: مساعده بالاحصاء
حتى انا حدفتها ..
بس ماطرى اداكرها في الاجازة ابدا .. :16.jpg: لكن زوجي يدرس رياضيات .. ممكن انشب له اي وقت .. :S_45: ادا الله احيانا و اعطانا عمر .. نداكر انا و انتي .. و ابشري بالخير على اي سؤال مستقبلا |
رد: مساعده بالاحصاء
اقتباس:
مشكوره حبيبتي :33_asmilies-com: |
رد: مساعده بالاحصاء
الملمزات والمحاضرات موجوده في المواضيع المثبته في اول الصفحه تجدي ما ينفعكِ ان شاء الله
http://www.ckfu.org/vb/showthread.php?t=559237 نزلى المنهج من هنا كذلك هنا نماذج اجابه لاسئله الاعوام السابقه http://www.ckfu.org/vb/showthread.php?t=567889 |
رد: مساعده بالاحصاء
مشكور اخوي الله يعطيك العافيه
بس انا اقصد المحاضرات المسجله للدكتور الجديد |
رد: مساعده بالاحصاء
نعم هذي المحاضرات
د سعيد إبراهيم سيف الدين البريد الإلكتروني sseifeldin@kfu.edu.sa والمنهج متقارب حتى لو كان هنالك تغيير لإستاذ الماده |
رد: مساعده بالاحصاء
اذا اللي بيدرسكم دكتور سعيد فابشري بالخير
دكتور شرحه رااائع ومايستعجل يمشي معاك نقطة نقطة ويعيد ويزيد ويكرر المعلومة الحمدلله درجاتنا حلوه في الاحصاء |
رد: مساعده بالاحصاء
الدكتور سعيد اذا درسكم ..
ماشاء الله بتنجحون ان شاء الله من غير مدرسات ولا شي بس اهم شي تابعوا شرحه عشان تحبون المقرر اكثر .. |
رد: مساعده بالاحصاء
ام حتووومه
حطي فليساتك بشنطتك ( فلوسك اقصد ) ههههه قلبت عجيززز ودكتور سعيد ولا اطلق مدرسه تفهمك والله سهل وماعليك خذي العلم من دره وفالك الa+ تدرين كنت بحذفه من خوفي او مابحضر الاختبار شوفيني ولله الحمد الآمور طيبه |
رد: مساعده بالاحصاء
وعليكم السلام ورحمة الله
نصيحة محبة لك الان نزلي المحاضرات وكل يوم شوفي وحده وتابعي معاه بتركيز وابصملك بالعشره تكنسلين فكرة المدرسه حتى لو انك ادبي وماتحبي الرياضيات ووووو لانه شرحه واضح ولانه بالاختبار يحط لك القنوانين وبس انتي تشيلي الرمز وتحطي الرقم وفالك الـ a+ بإذن الله |
| All times are GMT +3. الوقت الآن حسب توقيت السعودية: 10:41 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Search Engine Optimization by vBSEO 3.6.1 جامعة الملك
الفيصل,جامعة الدمام