|
تكفون يا مستوى 7 و 8...قبل تغادرون...
أولا..
شكرا لكل من ساهم وشارك وأفاد وأجاد..شكرا كل الشكر لكم جميعا.. ثانيا.. مبروك مقدما لكل الطلبة من سوف ينهى هذا الفصل ومن هو خريج..ونسأل الله أن يحقق لكل مراده.. ثالثا.. نبي من كل من طبق يعلمونا بكل التفاصيل من بداية تسجيل مادة التربية ومرورا بالتسديد والنماذج المطلوبة وطريقة تعبئتها وكل شئ يخص التطبيق من طلبات ومن طريقة ومن كل شئ..وهل التطبيق له إختبار بنهاية الفصل؟ كل شئ كل شئ..عطونا تجارب وروابط...وإذا فيه كتب أو إرشادات تساعد بالتطبيق على وجهه الصحيح...وهل الأفضل المدارس العادية أو المراكز؟؟ وكم مدة التطبيق؟؟ وهل النظام يجيز إعطاء الموظف إجازة تطبيق؟؟؟ نبي كل شئ ياجماعة.. |
رد: تكفون يا مستوى 7 و 8...قبل تغادرون...
اقتباس:
1-تسجل الماده الي هي تربيه عمليه بالبانر مثل المواد الي متعود تسجلها بعد التاكد من رقمها 2- تسدد كالعاده 3-يطلعلك نماذح باايقونة التطبيق العملي 4-تطبعها وتاخذ اقرب مدرسه حولك وتروح لاادارة التعليم الي بمنطقتك بالنماذج وتعطيهم اسم المدرسه ويوجهونك لها 5-تروح للمدرسه وتعطيهم الخطاب 6-حسب المدير والمشرف عليك كم مره تداوم عندهم يمكن 60 ساعه ويمكن بس اربع خمس مرات تروحلهم 7-تسجل بيانات اسم المدرسه والمشرف الي معك بنموذج وترسلها لمشرفك 8-بعد التطبيق يحطون لك الدرجات ومافيه اختبار المدير والمشرف الي عليك يحطلك الدرجات بنموذج انت طابعه من موقع الجامعه يجيك بالخدمات الطلابيه وترسله سكنر من عندك او اي مكتبه على ايميل الدكتور المشرف عليك وكذا تخلص 9- فيه واجبات وحضور محاضرات ومناقشات كالعاده 10- اتمنى لك التوفيق من كل قلبي اخوي |
رد: تكفون يا مستوى 7 و 8...قبل تغادرون...
الغالب اخوي تاخذ a+ تطمن
|
رد: تكفون يا مستوى 7 و 8...قبل تغادرون...
لاتشيل هم التطبيق الامور سهالات بإذن الله
|
رد: تكفون يا مستوى 7 و 8...قبل تغادرون...
اقتباس:
اي والله الله يسعدك كنت افكر اسال عن هالموضوع .. |
رد: تكفون يا مستوى 7 و 8...قبل تغادرون...
طيب لو سمحتو سؤال اي مدرسه اختار? وهل بتكون ابتدائي او متوسط ?او يحددون مدارس واروح اشوفهاا? ومتى هذا كله >بعد النتايج يعني بداية السمستر الثاني او لازم اختيار المدرسه من بدري ?وهل هم بيبلغونااا بهالشي او احنا نقعد نتابع الملتقى>> انا اعتمادي بعد الله عالملتقى صراحه وماعرف احد معاي تربيه فعشان كذاا جدا محتااره:icon1:
|
رد: تكفون يا مستوى 7 و 8...قبل تغادرون...
الله يجزاكم الجنة يالغيداني وأذكى واحد . أفدتونا عن أشياء كنا جاهلين عنها كثير
بس ياليل الليل . حتى الرسوم ومناقشات وواجبات لاحقتنا بعد بالتطبيق :71: أشكركم |
رد: تكفون يا مستوى 7 و 8...قبل تغادرون...
العيال موسعيين صدورهم تقدر تخلي المدير يعطيك الدرجات وتتوكل على الله الرجال متعاونييين موب مثل الحريم عللل
|
رد: تكفون يا مستوى 7 و 8...قبل تغادرون...
انا اقول لكم تجربتي مع التطبيق . 1- سجلت الماده مثل باقي المواد عادي من البانر ..طبعاً بعد ما ارسلت لنا الجامعه رقم السي ار ان للماده .. 2- دخلنا وحددنا المنطقه اللي نبغى يكون التطبيق فيها .. بما اني اعاقه سمعيه اخترت الدمام لاني كنت ابي اطبق في معهد الامل عند اختي ..:mh318: 3- بعدها انتظرنا خطابات الجامعه تنزل في الايقونه في الخدمات الطلابيه .. طبعناها وتوجهنا على اداره التربيه والتعليم هناك اعطيناهم خطابين من الخطابات اللي بالخدمات الطلابيه واخترنا المدرسه ( انا اخترت معهد الامل واخترت المرحله الثانويه وطبقت ثالث متوسط واول ثانوي ) 4- اخذت خطاب من اداره التربيه والتعليم ورحت التوجيه والارشاد اعطوني خطاب الى المدرسه اللي انا اخترتها .. 5- رحت المدرسه واعطيت المديره الخطاب وحددت لي الوقت اللي اداوم فيه وقالت 60 ساعه داومت 12 يوم بالضبط .. اخذت بيانات المديره والمعلمه المتعاونه وكتبتها في ورقه بينات طالب متدرب وتاريخ بدء التدريب ونهايته وارسلتها للدكتور .. 6- في البدايه كنا نحضر حصص مشاهده مع المعلمه المتعاونه وكنا نحضر حصص انتظار كثير مع البنات .. 7- جاء يوم الشرح وحضرت الدرس حقي وشرحت الماده وسويت نشاط للبنات وتقيمت عليه .. 8- الخطاب طبعاً المدرسه ترسله رفضو يعطونا هم ارسلوه للجامعه .. وهذا التطبيق الحمد لله واخذنا a+:mh001: |
رد: تكفون يا مستوى 7 و 8...قبل تغادرون...
التطبيق اموره سهالات بس ترى يختلف من مدرسه لمدرسه وكلها ترجع لمدير المدرسه يقدر يعقدك ويقدر يتعاون معك ..
الحمدلله انا خلصت التطبيق وماخذ مني وقت اﻻ يوم رحت المدرسه وسلمت اﻻوراق ورجعت بعد اسبوعين وستلمتها وارسلتها وبس . |
| All times are GMT +3. الوقت الآن حسب توقيت السعودية: 02:49 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه