اللي وده ينجح في التسويق يدخل
 

السلام عليكم و رحمة الله و بركاتة
صباحكم سعيد معطر بالنجاح و الفلاح :icon19: ( كنت بحط لكم الوردة الحلوة بس مالقيتها و مالقيت الا هالناشفة و اعذرونا هذا المتوفر بالسوق )
المهم كما في العنوان اللي وده ينجح عليه اتباع الآتي و راح ينجح بمشيئة الله :
- الدعاء و طلب التوفيق من الله ...
- الدعاء قبل الاختبار و قول يا معلم ابراهيم علمني و يا مفهم سليمان فهمني ...
- الدعاء أثناء الاختبار اذا قابلك سؤال ما تعرف جوابه بدل ما تقول حقره بقره لا غلط و الصح أن تدعو الله أن يلهمك الصواب و يدلك عليه و ظلل ما تتوقعه هو الصح ...
- لا تروحون مواصلين لأنكم إن رحتوا مواصلين رحتوا فيها ... يتفاعل السهر مع حرارة الشمس و تتبخر خلايا مخكم اللي فيها الجواب و وقتها دبروا حالكم و وضعكم كذا :mh12:
- التغذية الجيده لأن الجوع قتال ...

ما تلاحظون اني ما جبت سيرة للمذاكرة ... أدري انت وياها ... لكن الاختبار بعد كم ساعه و انتوا ما نمتوا وش مذاكرته اللي بتذاكرونها الآن :mh35:
لا لا لا تتظايقون أمزح معاكم ... صدقوني يمديكم بساعه و الا ساعتين ... اقروا ملخص على السريع لكن بتركيز و بتمشي أموركم ... و لعلمكم بتحسون انكم ما فهمتم شي ... لكن صقوني وقت ما تستلمون أوراق الأسئلة بينطلق الدافور اللي داخلكم و يجاوب .... (((( هذي النقطة الأولى ))))
النقطة الثانية و الأهم و اللي هي زبدة الموضوع ....
ركزوا عدل بالاسئلة و حاولوا قد ما تقدرون تحللون السؤال و تفككونه كلمة كلمة , و تحاولون تربطونه بأي جواب مناسب من الخيارات ... بحكم ان المادة نظرية فلابد أن تكون فيه من كلمات السؤال كلمات مشتركة في الأجوبة ...
و لا تنسون ان الهدف يعدي الواحد بس دام اننا ما تجمعنا ندور المذاكرة والملخصات الا بيوم الاختبار ...
و اخيراً أسأل الله لي و لكم التوفيق و النجاح :love080:

رد: اللي وده ينجح في التسويق يدخل
 

شكراً لك على رفع المعنويات ��الله يوفق الحميع ..

رد: اللي وده ينجح في التسويق يدخل
 

جــزاّكـ الله خيــر والله يوفقـكـ دنيـاّ وأخرهـ ..!

بس ودي أوضـح [نقطة ] بسيطـة بعـد مو النـاّس تدعي وماّتسوي لو مجهود بسيط ..

مثـل لـي [ ماّيصلي ولا يصوم ] ويقـول ياّرب وفقنـي ..!

وبالنسبـة [ للنوم ] عينـي ماّراّح تـذوق النوم إلا بعـد الأختبـار .. ع الأقـل لا طلعت وأناّ ماّحليت أقول ماّقصرت جلست أذاّكـر ..! وهذاّ نصيبي ..

وتحيـاّتي لكـ ..

رد: اللي وده ينجح في التسويق يدخل
 

شكرا لك
المادة جميلة و فيها ربط بمواد أخرى مثل اساسيات البحث و الموارد و السلوك التنظيمي
معلوماتها مش جديدة بس تحتاج تركيز


و الاهم من هذا كله إن الموضوع فية سوق :d

رد: اللي وده ينجح في التسويق يدخل
 

رد: اللي وده ينجح في التسويق يدخل
 

يله شدوا حيلكم ... و الهمه الهمه ... و عن اذنك ابطلق الشقيري اللي في داخلي ...
لا تقولون ما نقدر ... لا قولوا نقدر
لا تقولون ما نفهم ... لا قولوا فهمنا
لا تقولون ما استوعبنا ... عاد هذي من قال لكم تشطفون ام ام الماده هههههههه لا لا برجع الشقيري
لا تقولون ما استوعبنا ... لا قولوا مستوعبين
و اخيراً لا تستصعبوا المادة ... المادة جميلة يكفي انها التسويق , و اكيد البنات بيحبوها اذا حطوا في بالهم انها بتنفعهم في حياتهم السوقيه و انه لن يروج عليهم التاجر بسياسة الجذب عبر الاعلانات شفتوا كيف سهله
و انا بصراحة عاجبتني المادة كلها الا سالفة الترويج هذي ما حبيتها ....
فالكم الـ +a
يا الدوافير ....
و صدقوني لولا ان فيكم عزيمة و اصرار و تحدي كان ما جبتوا خبر للمادة و نمتوا و دخلتوا الاختبار و شعاركم تجي مثل ما تجي ... لكن عندكم رغبة بالنجاح و لهذا تواجدتوا هنا و بمشيئة الله ستنالونه .

رد: اللي وده ينجح في التسويق يدخل
 

عسانا نجيب c بس

القناعه حلوه

رد: اللي وده ينجح في التسويق يدخل
 

وعليكم السلام ورحمة الله وبركاته ~

جزاك الله خير ع الدفعه المعنويه و التفاؤليه
خصوصاً أغلب المواضيع تهول و تحط من الحبه قبه !

نأخذ الموضوع بسهوله و راح يجي سهل بإذن اللي ما تنام عينه ..

رد: اللي وده ينجح في التسويق يدخل
 

جزااك الله خير
بعطيك العافيه رفع المعنويات :(114):

رد: اللي وده ينجح في التسويق يدخل