من معي ومن ضدي
 

السلام عليكم

بصراحة انا بصدد تقديم شكوى على الدكاتره السعودين بالخصوص لأنهم بصراحة لايقدمون مادتهم العلمية من خلال شرائح مكتوبة ورسمية بموقع الجامعة .. فقط الدكاتره الاجانب هم من يقومون بتقديم موادهم العلمية من خلال محاضرات مرئية وشرائح مكتوبة ..



مطلوب رأيكم لأنه يعتبر مهم لي فيما سأقدم عليه ..

رد: من معي ومن ضدي
 

عليكم السلام
والله انك صادق في كلامك
الترم الجاي يبي يدرسنا دكتور اسمه الخريف
خويي مستوى سادس يقول اختبرنا اليوم
علم اجتماع سياسي
اختباره صعب صعب جدا
الله يكفينا شرهم :Looking_anim:

رد: من معي ومن ضدي
 

الله يستر ..

والله ثم والله اني من خلال الشرائح افهم اكثر واكثر واحسن من المحاضرات المرئية المملة

المشكلة العظمى ان بعض الملخصات ياتكون ناقصة ولا تصويرها سيء بخلاف الاخطاء الاملائية ومن ثم نقعد في خيص وبيص وتحليل الكلمة ان كانت صحيحة ولا لا ..

لابد من حل معهم ماينفع كذا ..

اشكرك اخوي محمد على تواصلك وملاحظتك المهمة

رد: من معي ومن ضدي
 

ماجد وانا اخوك اذا نبي ندقق في هالجامعه والله نبي نشوف الهوايل بالقوايل بس نصبر ونقول عسى الله يزينها من عنده ونتخرج لان والله العظيم فيه ظلم ظلم ظلم كبير في رصد درجات الاختبار هذا مهوب كلامي كلام كثير من الزملاء يعني ياكحيلان مشي حالك حالك يمشي واتمنى لك التوفيق والنجاح باذن الله تعالى

رد: من معي ومن ضدي
 

انا افدى خشمك ياسلطان ودي بس قهر ... مثل منت عارف نحن لسنا منتظمين عشان نقدر نحصل الوقت الكافي لتلخيص المحاضرات المرئية .. تصور 8 مواد واقل من ثلاث شهور وتكون الاختبارات على الابواب.. طبعاً كل مادة علمية بتكون دسمة متى نلخصها ..سؤالي لماذا الدكاترة العرب المحترمين يقدمون شرائح والسعودين لا ..؟؟

هل الشرائح مطلب رسمي على الدكاترة من قبل الجامعة ولا لا ..؟؟

انا فقط حبيت استطلع رأيكم .. لأن الشكوى والشكوى لله التي سأقدمها عبر برقية رسمية ..

رد: من معي ومن ضدي
 

أنا مؤيد لك ..
بالاضافه على ملاحظتك + الدكاترة الأجانب مزاجيين ولا يوفون بشرحهم وبالهم ضيق تجاه الطلاب السعوديين

رد: من معي ومن ضدي
 

معك معك

رد: من معي ومن ضدي
 

بعد يعصبون علينا اثنااالمحاضرات المباشرة ويزعلون غير احيانا تطنيش المحاضرة او مايجون غير قبل نهايتها بعشردقايق

رد: من معي ومن ضدي
 

السلام عليكم
:oao: وانا معكم بتقديم الشكوى
وكل ساعه مغيير لنا دكتور :icon120::(183):

رد: من معي ومن ضدي
 

جامعتنا بإختصار جامعه (( أهليــــــــــــــــــه )) إن بغيت الجد ؟؟؟

إن بغيت تنجح مالك إلآ فيصل
إن بغيت معدل عالي مالك إلآ فيصل
إن بغيت شهـادة مش حالك مالك إلآ فيصل

وأما بالنسبة للدكاترة ( خذ العلم ) موصين عليهم عمادة الجامعه بالتسهييييييل معنا وأكبر دليل الأسئله 90% من أسئلة الأعوام وأما سالفة تعليمهم وتدريسهم لنا بالمحاضرات وغيره تعليم مشي حالك ثلاث محاضرات مباشرة ومن بيته وأكثرها تسمع سوالف بزارينه وعياله في المحاضره هذا إذا مادخلوا عليه عياله وقالو له قم ودنا السوق
شهاده وبتاخذها من فلوووووسك غيره أنسى ( شوف الجامعات الأخرى والفرق بينها وبين جامعتنا )) ومن الأفضل
وما خفي أعظم ............... خلني ساكت أحسن
تحياتي